طالبانو له ملګرو ملتونو د نشه یي توکو پر وړاندې د مبارزې لپاره د مرستې غوښتنه وکړه

یادې جبهې یک‌‌شنبه (چنګاښ ۲۲مه) په خپلې اېکس‌پاڼه کې لیکلي، لومړني عملیات د کابل ښار د ۱۶مې امنیتي حوزې اړوند په «پُل پاچا» سیمه کې د طالبانو پرمرکز ترسره شوي چې په‌کې د دغې ډلې یو غړی وژل شوی او دوه نور ټپیان شوي دي.

نوموړې جبهې زیاته کړې دوېیم عملیات د جبهې چریکانو د کابل ښار د پولیسو د قوماندانۍ تر څنګ د طالبانو په یوه پوسته کې د دغې ډلې دوه غړي وژلي او دوه نور یې ټپیان کړي دي.

د طالبانو یاد وسله‌وال مخالف خوځښت ویلي چې په دې عملیاتو کې د دوی جنګیالیو ته کوم زیان نه دی رسېدلی.

طالبانو تر اوسه په دې تړاو څه نه دي ویلي.

د یادونې ده چې د ازادۍ او مقاومت په نومونو د طالبانو مخالفې جبهې هر وخت د هېواد په بېلابېلو سیمو کې پر طالبانو د بریدونو مسوولیت مني.

د طالبانو د ویاند مرستیال حمد الله فطرت نن یکشنبه د ( چنګاښ۲۲مه) په خپلې اېکس پاڼه کې د کډوالو ستونزو ته د رسېدنې کمېسیون د ورځني راپور په شریکولو سره ویلي چې له ستنو شویو کډوالو سره بېلابېلې مرستې هم شوي دي.

د فطرت په خبره په وړیا توګه خپلو سیمو ته لیږدول، د خوراکي او نورو لومړینو توکو ورکړه او د عامه پوهاوي د پروګرامونو جوړول له کډوالو سره د مرستو مهمې هغه دي.

د افغانستان ګاونډیو په ځانګړي توګه ایران په وروستیو کې له دغه هېواده د افغان کډوالو د اېستلو لړۍ چټکه کړې او د طالبانو د حکومت د معلوماتو له مخې په تېرو ۲۰ ورځو کې څه باندې نیم میلیون کډوال له دغه هېواده ور ستانه شوي دي.

قانت پرون (شنبه، چنګاښ۲۱مه) په خپلې اېکس‌پاڼه لیکلي چې قزاقستان له افغانستان سره د اقتصادي همکاریو په برخه کې د پام‌ وړ پرمختګ کړی او اوس هڅه کوي له طالبانو سره سیاسي اړیکې پراخې کړي.

نوموړې زیاته کړې چې په تېرو څلورو کلونو کې د افغانستان او قزاقستان ترمنځ اقتصادي اړیکې پراخې شوې دي. د ده په خبره، د دواړو هېوادونو د اقتصادي سکټورونو ترمنځ د سوداګرۍ د لوړېدو په موخه د درې مېلیارده ډالرو یوه ګډه «نقشه» باندې هوکړه شوې ده.

هغه ویلي چې د زیربناوو په برخه کې هم مهمې هوکړې شوې دي. د قانت په وینا، د قزاقستان او طالبانو ترمنځ د شاوخوا ۵۰۰ مېلیونه ډالرو یوه پروژه لاسلیک شوې چې له مخې به یې له تورغونډي نه تر هرات ښار پورې د اورګاډي پټلۍ وغځېږي.

ده همداراز زیاته کړې چې چمتووالی روان دی څو افغانستان د شمال-سوېل اقتصادي دهلېز برخه شي. دا پروژه به، د هغه په باور، د افغانستان له جغرافیایي موقعیت نه د اغېزناکې ګټې اخیستنې زمینه برابره کړي.

یاد طالب چارواکي ادعا کړې چې قزاقستان غواړي له طالبانو سره نه یوازې اقتصادي، بلکې سیاسي اړیکې هم پیاوړې کړي او بله دا چې دغه هېواد د افغانستان د سیاسي ثبات لپاره اراده لري.

دا څرګندونې داسې مهال کېږي چې له روسیې پرته بل هېڅ هېواد تر اوسه طالبان په رسمیت نه‌دي پېژندلي، خو د سیمې یو شمېر هېوادونه له یادې ډلې سره تعامل او راکړه ورکړه لري.

د امریکا د متحدو ایالتونو ولسمشر ډونالډ ټرمپ ګواښ کړی چې که له مکسیکو او اروپايي ټولنې سره د سوداګریز تړون په تړاو خبرو نتیجه ورنه‌کړه، نو د روان کال د اګسټ میاشتې له لومړۍ نیټې به پرې ۳۰ سلنه ګمرکي تعرفې ولګوي.

اروپايي ټولنې او مکسیکو په غبرګون کې د ټرمپ دغه خبرداری ناعادلانه بللی خو ویلي یې دي چې په دې اړه به خبرو ته دوام ورکړي.

د امریکا ولسمشر د جاپان په ګډون یو شمېر نورو هېوادونو ته هم ورته ګواښونه کړي او دا ډول اقدامات یې د امریکا د اقتصادي ګټو د خوندیتوب لپاره مهم ګڼلي دي.

فایننشل ټایمز رسنۍ ته ځینو سرچینو ویلي چې دغه غوښتنه د امریکا د دفاع وزارت مرستیال د جاپان او اسټرالیا د دفاعي چارو له چارواکو سره په کتنه کې کړې ده.

راپور زیاته شوې چې د پنټاګون غوښتنې دواړه جاپانیان او اسټرالویان ځکه حیران کړي چې تر اوسه امریکا هم د تایون بشپړ پوځي ملاتړ نه دی تضمین کړی.

تایوان یو خپلواک حکومت لري، خو چین یې د خپلې خاورې برخه ګڼي.