د اسراییل د مذهبي یهودانو له مهم ګوند (متحده تورات یهودیت) شپږو غړو د پارلمان له غړیتوبه استعفا وکړه. دوی وايي، حکومت د هغو دیني زدهکوونکو لپاره چې مذهبي زدهکړې کوي، د عسکري خدمت د معافیت ضمانت نهدی کړی.
د رويټرز د راپور له مخې، دغه ګوند چې د حکومت اېتلافي برخه ده، له حکومته غواړي چې افراطي مذهبي زدهکوونکي دې له جبري عسکرۍ څخه معاف شي.
دا معافیت له کلونو راهیسې د دوی د دیني ارزښتونو یوه مهمه برخه ګڼل کېږي.
دوی ټینګار کوي، چې که دا مسله حل نهشي، د حکومت ملاتړ به له خطر سره مخ شي.
دا استعفاوې په داسې حال کې شوي، چې د اسراییل حکومت هڅه کوي د عسکرۍ د خدمت قانون بدل کړي او د پوځ لپاره نور ځواک جلب کړي.
