طالبان په برازیل کې کاپ۳۰ نړیوال کنفرانس ته تیاری نیسي

د دغه صندوق د ملاتړ چارو مشره سمیرا سید رحمان وايي، یوازې د جون په میاشت کې له ۸۰ زرو ډېر افغان ماشومان له پولې تېر شوي دي.

یاد سازمان وایي، نړیواله ټولنه د دغه حالت پر وړاندې بې‌پروا نه شي پاتې کېدای.

د ماشومانو د ژغورنې صندوق زیاتوي، چې باید افغان ماشومان خوندي وساتل شي، هغوی ته خواړه ورکړل شي او د خوندیتوب احساس ورکړل شي.

شویګو د سې شنبې په ورځ ویلي، چې د ناټو هېوادونه د خپلو لګښتونو پوره کولو لپاره مالیات زیاتوي او « د نورو ملتونو شتمنۍ غلا کوي».

ظاهرا د هغه هدف د روسي شرکتونو کنګل شوې پیسې دي.

د روسیې د امنیت شورا مشر له کومرسانت ورځپاڼې سره په مرکه کې ادعا کړې چې:«د ناټو هېوادونو لپاره د نورو ملتونو د شتمنیو غلا او استثمار یوه عامه او منظمه کړنلاره ده، دا کړنه موږ د افغانستان، لیبیا او سوریې په قضیو کې هم لېدلې ده.»

پر همدغه مهال نوموړي ادعا کړې، چې اروپايي اتحاديې د روسیې له ګنګل شویو شتمنیو څخه شاوخوا ۷ میلیارده یورو عاید ترلاسه کړی او اوس هڅه کوي، چې دغه پیسې هم په خطرناکو پانګونو کې ولګوي.

دغه روسي چارواکي ویلي، چې اروپايي هېوادونه غواړي، چې تر ۲۰۳۵ کال پورې د ټولنیزو بودجو د کمښت، پورونو اخیستو، د خلکو او شرکتونو د مالیاتو د زیاتوالي له لارې خپل دفاعي لګښتونه له ۱،۵ تریلیون ډالرو څخه تر ۴ تریلیون ډالرو لوړ کړي.

یوه لوړپوړي امریکايي چارواکي د چارشنبې په ورځ ویلي، چې نږدې ۵۰۰ټنه لوړ کالوري لرونکي بسکیټ، چې د خوارځواکو ماشومانو لپاره د بیړنۍ تغذیې په توګه کارېدل، روانه میاشت یې تاریخ تېر شوی دی.

مایکل ریګس چې د بهرنیو چارو وزارت د اداري چارو مرستیال دی، د امریکا د استازو جرګې غړو ته وویل چې د دغو خوړو له منځه تلل دیوسایډ د بندېدو مستقیمه پایله ده. هغه زیاته کړه: «زما په اند دا دیوسایډ د بندېدو نتیجه ده. زه ډېر خپه یم چې دا خواړه ضایع شول.»

د یوسایډ دوه داخلي اسناد او څلورو معتبرو سرچینو روېټرز ته ویلي چې مرستندویو چارواکو په جون میاشت کې ۶۲۲ټنه بسکیټ وژغورل او هغه یې سوریې، بنګله‌دېش او میانمار ته واستول، خو ۴۹۶ټنه نور، چې له تاریخ تېریدو مخکې یې ارزښت ۷۹۳زره ډالر و، اوس سوځول شي.

د مې د پنځمې نېټې یو یادښت ښيي چې د دغو بسکټو له منځه وړل به د امریکا حکومت ته ۱۰۰زره ډالر اضافه لګښت ولري.

د دموکرات ګوند سناتور ټیم کین وویل چې د امریکا استازو دا موضوع د مارچ په میاشت کې د بهرنیو چارو له وزیر مارکو روبیو سره شریکه کړې وه. روبیو د می په میاشت کې ژمنه کړې وه چې هېڅ خواړه به ضایع نه شي.

مایکل ریګس وویل، امریکا لا هم د نړۍ تر ټولو ستر مرستندوی هېواد دی.

د ملګرو ملتونو د خوړو نړیوال پروګرام وایي، دا مهال نږدې ۳۱۹میلیونه خلک خوړو ته محدود لاسرسی لري، چې له دې ډلې ۱،۹ میلیونه انسانان په ځانګړې توګه په غزه او سوډان کې د قحطۍ له سخت حالت سره مخ دي.

تېر کال امریکا د بهرنیو مرستو لپاره ۶۱ میلیارده ډالر ځانګړي کړي وو، چې نیمایي یې د یوسایډ له لارې وېشل شوې.

د طالبانو ویاند حمدالله فطرت د پنجشنبې په وځ د یوې اعلامیې په خپرولو سره ویلي، :«استخبارات هېڅ اړتیا نه لري، چې دغسې کسان چې وار له مخه عفوه ورته شوې وڅاري، د دوی اړوند ټول اسناد او معلومات دلته موجود دي، په دفاع وزارت، داخله وزارت او استخباراتو کې یې ټول معلومات شته، موږ ضرورت نه لرو د برېتانویانو له خوا افشا شويو اسنادو نه استفاده وکړو.»

طالبانو ادعا کړې، چې د عمومي عفوې د فرمان په شته والي کې د دې ډلې له خوا هېڅوک نه څارل کیږي.

نوموړی زیاتوي:«د اسلامي امارت له خوا له هېچا سره انتقامي برخورد نه کیږي، هېڅوک حق او اجازه نه لري، چې څوک تعقیب کړي، ويې څاري او یا زیان ورته ورسوي.»

د طالبانو د ویاند مرستیال دا څرګندونې وروسته له هغه کړې، چې برېتانیایۍ ورځپاڼې ډېلي ټېلګراف په یوه تازه څېړنه کې ویلي، چې د ۲۰۲۲ کال په فبروري کې برېتانیا د افغان همکارانو د معلوماتو تر افشا کېدو وروسته، طالبانو لږ تر لږه ۲۰۰ پخواني افغان سرتېري او پولیس پېژندلي او وژلي دي.

د یاد وزارت مرستیال ویاند حافظ ضیا احمد وایي، د دغو درېیو لوریو ترمنځ به سیاسي ډیالوګ د شته ستونزو پر حل راڅرخي او د سیاسي تفاهم د لا ټینګښت لپاره به هم سلامشورې سره وکړي.

هغه زیاته کړې: «امیرخان متقي به دغه ناسته کې د سیاسي مشاورت، اقتصادي همکاریو او سیمه‌ییز ثبات په اړه خپل نظر وړاندې کړي».

د طالبانو دغه ویاند ویلي، چې تر دې ناستې وروسته به په ارګ کې د طالبانو، ازبکستان او پاکستان له لوري د ټرانس افغان رېل پټلۍ د امکان سنجۍ د مطالعاتو پروژه لاسلیک شي.

یادې ډلې خبر ورکړی، چې له دې بهیر وروسته به د ازبکستان او پاکستان د بهرنیو چارو وزیران د دوی له لوړپوړو غړو سره ناستې وکړي.

تر دې دمخه د‌ پاکستان د بهرنیو چارو وزارت هم د دغه ناستو خبر ورکړی و.