امریکا خپلو ډېپلوماټانو ته سپارښتنه کړې، چې د نورو هېوادونو د ټاکنو په اړه نظر ور نهکړي
د امریکا د بهرنیو چارو وزیر مارکو روبیو ټولو بهر مېشتو امریکايي ډیپلوماټانو ته لارښوونه کړې، چې د نورو هېوادونو د ټاکنو د شفافیت یا روڼتیا په اړه نظر ور نهکړي. یاد وزارت دا سپارښتنه د یوه ځانګړي مکتوب له لارې خپلو ډېپلوماټیکو استازولیو ته کړې ده.
مکتوب کې راغلي، له دې وروسته به د واشنګټن لهخوا د نورو هېوادونو د ټاکنو په اړه هېڅ ډول رسمي اعلامیې یا د خواله رسنیو پوسټونه نه خپرېږي؛ خو ویل شوي د امریکا د بهرني سیاست د «روښانه او مهمو ګټو» پر مهال ممکن دا کار وشي.
