حماس ډلې په تازه څرګندونو کې ویلي چې د غزې روانه جګړه یوازې د لنډ مهاله اوربند له لارې نه، بلکې د یوه پراخ او دایمي تړون په چوکاټ کې باید پای ته ورسول شي. دغه ډله وايي که اسراییل د تلپاتې سولې لپاره جدي اقدامات ونه کړي، نو د خبرو اترو راتلونکی به له لا زیات ناورین سره مخ شي.
د حماس ډلې د وسله والې څانګې ویاند د جمعې په ورځ په یوه خبري کنفرانس کې وویل، که څه هم حماس د یو لنډ مهاله اوربند په اړه خبرې کوي، خو دې ډلې په ډاګه کړې چې د جګړې بشپړ او تلپاتې حل یوازې د یو پراخ تړون له لارې ممکن دی.
د دغه وسله والې ډلې ویاند ابو عبیده، وویل: «که چېرې دښمن د سولې په لور ګامونه وانخلي او خپل ټینګار ته دوام ورکړي، نو د راتلونکو خبرو اترو د بیا پېلولو هیڅ تضمین نشته.»
حماس څو ځله وړاندیز کړی چې د غزې په ځمکه کې ټول هغه بندي کسان باید خوشې شي چې اسرایلو نیولي دي. حماس پخپله د بنديانو د خوشې کولو په اړه د یو دایمي اوربند غوښتنه کړې، خو اسراییل دغه وړاندیز رد کړی دی.
