بېنېټ: له جرمني څخه د افغان مجرمینو کډوالو بېرته ستنولو دوی لا له ډېر ګواښ سره مخ کوي

په پنجشېر کې د طالبانو د کانونو او پټرولیم ریاست د شنبې په ورځ (د چنګاښ ۲۸مه) په یوې خبرپاڼه کې لیکلي چې په پریان ولسوالۍ کې د پنځو نویو کانونو د استخراج پروسه په رسمي ډول پیل شوې ده.

دې ادارې زیاته کړه، چې د کانونو د استخراج د پروسس پیل شاوخوا ۱۰۰ کسانو ته د کار زمینه برابره کړې ده.

په پنجشېر کې د طالبانو د کانونو او پټرولیم ریاست مشر محمد قاسم امیري د کانونو د استخراج د جوازونو د ورکولو د پروسې د چټکتیا اعلان وکړ او ویې ویل چې تر اوسه پورې له ۶۰۰ څخه زیاتو شرکتونو ته د کانونو جوازونه ورکړل شوي دي.

هغه زیاته کړه، چې د زمرد د کانونو د پیژندلو او چمتو کولو پروسه په ټول ولایت کې روانه ده.

د طالبانو ځايي چارواکي ویلي، چې اوس مهال په پنجشېر کې د شاوخوا ۱۸۰ زمرد کانونو استخراج په عملي توګه روان دی.

طالبانو په تیرو څلورو کلونو کې د افغانستان د طبیعي سرچینو او کانونو د استخراج پروسه ګړندۍ کړې ده.

خپلواکو ادارو او کارپوهانو دا ډله په طبیعي سرچینو او د شتمنیو په ضایع کولو تورنه کړې ده او دا استخراج غیر مسلکي بولي.

د ایرینا خبري اژانس د ټولنیز رفاه ادارې سرپرست الوند په حواله لیکلي، چې د خیریه موسسې یوازې هغو ماشومانو ته خدمات وړاندې کوي چې والدین یې د استوګنې جواز لري.

هغه همدراز وویل چې د ۱۸ کلونو څخه کم عمر لرونکو وګړو لپاره چې د استوګنې قانوني جواز نه لري کوم حکم نه کوي.

د ایرنا د خبري اژانس د شمېرو له مخې دا مهال په ټول ایران کې ۶۶۶ د ماشومانو د پاملرنې مرکزونه فعالیت لري، چې له دې جملې څخه ۶۱۹ غیر دولتي او ۴۷ دولتي مرکزونه دي.

دوی زیاتوي چې په ټولیز ډول، شاوخوا ۹ زره ۳۰۰ ماشومان چې عمرونه یې له ۱۸ کالونو کم دي په دې مرکزونو کې ساتل کېږي.

امرالله صالح د محمد اشرف غني په حواله ویلي: «دا کسان چې نن پر نظام کبر او ناشکري کوي، له دې نه دي خبر چې په نه موجودیت کې به یې افغانستان داسې یوه زندان ته ورته وي چې چت به نه‌لري.»

نوموړي د سولې او پخلاینې په تړاو د غني دا خبرې راخیستي چې «هغوی د سولې بهیر مانا نه ده درک کړې. د نظام منزوي کول نه سوله راولي، نه ثبات؛ بلکې دا لاره یا کورنۍ جګړې ته لاره هواروي، یا بې‌ساري وېره او وحشت زېږوي او یا هم دواړه.»

امرالله صالح دا څرګندونې د دوحې هوکړې ته په اشارې کړي چې د طالبانو او امریکا ترمنځ په ۲۰۲۰ کال کې لاسلیک شوې وه او د اشرف غني او امرالله صالح په مشرۍ جمهوري نظام ترې څنډې ته کړای شو و.

نن مخترع شېخ په کابل کې د دې اختراع په مناسبت جوړې شوي غونډې ته وویل: تر دې مهاله خلکو فکر کاوه چې د اختراعاتو او ساینس سرچینې یوازې پوهنتونونه او د عصري علومو مرکزونه دي، خو نن مدرسې یو داسې اختراع وکړه که د ساينس پلار (انیشټاین) ژوندی وای نو د مدرسې شاګرد شوی به وای.

مخترع شیخ د خبریالانو او یو شمېر طالب چارواکو په مخ کې دا معجزه غوندې اختراع په عملي ډول خلکو ته وښودله چې څنګه له ځمکې څخه له واټرپمپ او بلې تخنيکي وسیلې پرته اوبه راپورته کوي او ان دا چې له څاه څخه خپله اوبه راپورته کېږي او پر ځمکه بهېږي.

شېخ د یوې مدرسې څو ښکلي پېغلې د یوه ژور او وچې څاه پر غاړه ودرولې، پېغلو یو بل ته لاسونه سره ورکړل، یو ځل به له څاه څو ګامه پر شا ولاړې او بیا به بیرته کوهي ته ورنژدې شوې، په دې ډول به هر ځل کوهي ته د پېغلو له نژدې کېدو سره د کوهي اوبه راپورته کېدلې چې اخیر څاه تر خولې پورې ډکه شوه او اوبه پر ځمکه وبهېدلې.

په دې غونډه کې د زراعت او مالدارۍ وزیر وویل چې دا اختراع به ډېر ژر افغانستان له وچکالۍ څخه وژغوري او د زراعت سکټور به پر خپلو پښو ودروي.

د لوړو زده کړو وزیر هم دې غونډې ته راغلي و، هغه وویل: «په تېر جمهوریت کې هر کال له ښوونځيو او پوهنتونونو څخه زرګونه نجوني فارغېدلې، اما له فحاشۍ پرته یې ټولنې ته یوه ذره خیر نه رسېده، خو الحمدلله شیخ صاحب مبارک له نجونو داسې مثبته استفاده وکړه چې نړۍ ورته حیرانه ده. دا دی موږ په عمل کې ثابته کړه چې د نجونو زده کړې بې ګټې دي او موږ پر ځای پرېکړه کړې ده.»

مخترع شېخ څه موده وړاندې د دې اختراع تیوري په مدرسه کې خپلو طالبانو ته تشریح کړې وه چې ویډیو یې په ټولیزو رسنیو کې ډېره مشهوره شوې وه.

دا په داسې حال کې ده چې څه موده مخکې د اوبو او برېښنا وزارت مشاور په خپل یوه صوتي پيغام کې ویلي و، طالبانو د علمي مرکزونو دروازې تړلي، خو د خرافاتو دروازې یې خلاصي کړي دي.

په دې نیول شویو افغانانو کې ډېری یې د لوېدیځو هېوادونو د کډوالۍ پروګرام لرونکي شامل دي. همداراز په یاد ښارګوټي کې د امریکا‌ پخواني افغان متحدین چې د پناه غوښتنې قضیې لري هم ژوند کوي.

د پولیسو له لوري په تازه نیول شویو کسانو کې ماشومان او ناروغه مېرمنې هم شاملې دي. هم‌مهاله اسلام‌اباد افغانانو ته د ویزو د تمدید یا نوي کېدو بهیر هم په ټپه درولی او د ډېری افغانانو د ویزو موده هم پای ته رسېدلې ده.

په اسلام اباد کې د یو لوېدیځ هېواد په تمه ناست افغان محمد سعید (مستعار نوم) وایي، اولادونه او مېرمن یې له سختې وېرې سره مخ دي او که افغانستان ته ډیپورټ شي،‌ نو ښايي د طالبانو له لوري له سختو ګواښونو سره مخ شي.

هغه زیاته کړه: «افغانستان ته شړل بېخي مونږ ته مرګ دی، د ډانګ او پړانګ ترمنځ ګېر یو. پاکستان له یوې خوا راباندې ویزې بندې کړې او له بلې خوا مو پولیس د کورونو دروازې را ټکوي».

تازه د‌ پاکسان د کورنیو چارو وزیر محسن نقوي هم له خبریالانو سره په یوې شخصي ناسته کې خبرداری ورکړی چې د افغان کډوالو داېستل کېدو تازه او ګړندۍ څپې به ډېر ژر پیل کړي. د نوموړي په خبره، نور اسلام اباد د افغان کډوالو د اوسېدو لپاره د هېڅ ډول مودې غځولو تابیا نه لري.

پاکستان د اپرېل میاشتې له لومړۍ نېټې نه د افغان کډوالو د اېستل کېدو بهیر پیل کړی، خو له تېرې یوې میاشتې راهیسې کرار شوی او اټکل کېږي چې دا لړۍ به ډېر ژر بېرته چټکه شي. په ورته وخت کې ایران هم په تېره میاشت کې له خپل هېواده د افغانانو د اېستل کېدو بهیر پیل کړی چې تر دې دمه شاوخوا ۶ سوه زره افغانان یوازې په یوه میاشت کې په جبري ډول افغانستان ته ستانه کړای شوي دي.

د افغانستان پخواني ولسمشر محمد اشرف غني به خپل تازه پېغام کې خبرداری ورکړی و چې ایران او پاکستان نور د کډوالو د ساتلو څخه کومه ګټه نه وړي چې له همدې کبله به تر ۶مېلیونه پورې افغانان په جبري توګه خپل هېواد ته ستانه کړای شي.

د بشري حقونو یو شمېر نړۍوالو سازمانونو اندېښنه ښودلې چې لا وار دمخه افغانستان د طالبانو په واکمنۍ کې له بشري ناورین، لوږې او فقر سره مخ دی چې د دغو تازه دمو ورستنېدونکو سره به دغه بحران لا پسې پراخ شي.