د پاکستان او امریکا د بهرنیو چارو وزیران به په روانه اونۍ کې سره وويني

د امریکا ولمسشر ډونالډ ټرمپ د یکشنبې په ورځ، د چنګاښ پر ۲۹مه پر خپله ټولنیزه پاڼه ټروت ولیکل په متحده عرب اماراتو کې د بند پاتې افغانانو د ژغورنې لپاره همدا اوس لاس په کار کیږي.

ټرمپ دا څرګندونې له هغې وروسته وکړې چې د "Just the News" په نوم یوې خبري سرچینې خبر ورکړی چې د اماراتو چارواکي غواړي یو شمېر افغان کډوال طالبانو ته وسپاري.

متحده عربي امارات، چې د امریکا نږدې امنیتي ملګری هېواد بلل کېږي، په ۲۰۲۱میلادي کال کې له کابل څخه د امریکايي ځواکونو د وتلو پر مهال زرګونه افغانان موقتي و منل.

د امریکا له حکومت سره د همکارۍ له امله دغو کسانو ته د طالبانو له وېرې پناه ورکړل شوې وه.

څو ورځې وړاندې د افغانستان لپاره د ملګرو ملتونو ځانګړي راپور ورکوونکي رېچارډ بېنېټ له متحده عربي اماراتو څخه له ګواښ سره مخ افغانانو د بېرته ستنولو په اړه اندېښنه ښودلې وه.

د راپورونو له مخې، سلګونه افغان کورنۍ چې د طالبانو له واکمنېدو وروسته امریکا او نورو هېوادونو کې د ځای پر ځای کولو په موخه په عربي متحده اماراتو کې ځای پر ځای شوې، له نامعلوم برخلیک سره مخ دي.

د اسراییل صدراعظم بنیامین نتنیاهو، چې نن سهار، د چنګاښ پر ۲۹مه یې د وزیرانو اونیزه غونډه کې ګډون نه و کړی، مسموم شوی او درې ورځې به له کوره د دولت چارې پرمخ وړي.

د اسراییل د صدراعظم دفتر وایي چې نتنیاهو تېره شپه ناروغ شوی و. ډاکتر الون هرشکو، چې د هداسه پوهنتون روغتون د داخله طب رییس دی، د هغه د معاینې پر مهال وویل چې صدراعظم د فاسدو خوړو د خوړلو له امله د کولمو التهاب لري.

اسراییل ټایمز د هغه د معالج له خولې وايي، چې د صدراعظم وضعیت اوس ښه ښودل شوی، خو د بدن د اوبو د کمښت له امله ورته د رګ له لارې اوبه ورکول کېږي.

د نتنیاهو دفتر ویلي: « د ډاکترانو د سپارښتنې له مخې، صدراعظم به راتلونکې درې ورځې استراحت کوي او دولتي چارې به له کوره پر مخ وړي».

نتنیاهو، چې اوس ۷۵ کلن دی، په وروستیو کلونو کې له یو شمېر روغتیايي ستونزو سره مخ شوی.

په ۲۰۲۳ کې د زړه د لنډمهالي بندښت له امله روغتون ته لاړ او مخکې تر هغې د بدن د اوبو کمښت له امله روغتون ته وړل شوی و. په ۲۰۲۴ کې یې د چوره توب عملیات درلودل او څو ورځې یې د انفلونزا له امله کار پرېښی و.

د طالبانو د امر بالمعروف وزارت ویاند د یکشنبې په ورځ د همت الله خوشبخت په نوم د لغمان ولات د یو اوسېدونکي ویډیو خپره کړې ده او وايي، چې نوموړي په ټېکټاک کې “غیر مناسب” فعالیت ترسره کاوه.

د طالبانو په خپره شوې ویډیو کې لیدل کیږي، چې د همت الله سر یې کل کړی او له نوموړي څخه ظاهرا په زور اعتراف اخلي چې نور به په ټېکټاک کې فعالیت نه ترسره کوي.

د طالبانو د امر بالمعروف وزارت محتسبانو تردې وړاندې هم په کابل او ځینو ولایتونو کې د ټولنیزو رسنیو په ځانګړې توګه ټېکټاک فعالان نیولي او له هغوی څخه یې په ټېکټاک کې د فعالیت نه کولو اعترافونه اخېستي دي.

اختر مېنګل له نورو جزییاتو ورکولو پرته پر اېکسپاڼه دوبۍ ته د خپل سفر ټکټونه هم خپاره کړي دي.

د ملي پېژندپاڼې نوملړ (PNIL) یو لنډمهاله فهرست دی، چې حکومت یا اړوند اداره‌ یې جوړوي او هغه کسان پکې شامل وي چې د هغوی تابعیت، قانوني وضعیت، یا پېژندنه لا تر اوسه نه‌ وي بشپړ تایید شوي، یا بیاکتنه پرې روانه وي.

تر اوسه د پاکستان حکومت بهر ته د اختر مېنګل پر سفر د بندیز په اړه څه نه دي ویلي.

د انډين اېکسپریس ورځپاڼې شنبه (چنګاښ ۲۸مه) د هندوستان په پارلمان کې د مخالفې ډلې مشر راهول ګاندي په حواله راپور ورکړی چې د مودي چوپتیا د پوښتنې وړ ده او له هغه نه یې غوښتي چې پارلمان ته ورشي څو د هندوستان او پاکستان د جګړې په تړاو د ډونالډ ټرمپ د وروستیو خبرو سپيناوی وکړي.

راهول ګاندي پر خپله اېکس‌پاڼه لیکلي: «مودي جي ملت د معلوماتو غوښتلو حق لري. د پنځو جیټ الوتکو حقیقت څه دی؟ د هندوستان او پاکستان تر منځ اوربند کې د امریکا رول څه و؟»

بل‌خوا، د هندوستان حکومت تل ټینګار کړی چې هېواد یې د پاکستان له پوځ سره د مستقیمو خبرو له لارې اوربند کړی او د امریکا حکومت د دواړو هېوادونو ترمنځ هېڅ منځګړيتوب نه دی کړی.