د کرېکټ په شپږیزه لیګ کې بند امیر د ۱۲منډو په توپير سره سپين غر پړانګانو ته ماتې ورکړه

د طالبانو د کډوالو او بېرته راستنېدونکو چارو وزارت د سې شنبه په ورځ (د چنګاښ ۳۱مه) په یوې خبرپاڼه کې ویلي، چې د دغه وزارت مسلکي مرستيال عبدالرحمان راشد په افغانستان کې د کډوالو نړۍوال سازمان له سرپرستې مشرې ایزورا موتیا مسکن تیا سره په لیدنه کې د کډوالو لپاره د همکارۍ غوښتنه کړې.

طالبانو ویلي، چې له ایران څخه د افغان کډوالو د جبري اېستلو شمېر زيات شوی او د نړۍوالو همکارانو سره پر پوله د کډوالو لپاره د مرستې برابرولو هڅې کوي.

دې ډلې د نړۍوالو مرستندویه ادارو څخه د مرستې د زياتېدو غوښتنه کړې.

د طالبانو په خبرپاڼه کې راغلي: «موږ هڅه کوو، چې کار مو اغېزناک وي، زموږ هڅه دا ده، چې د خپلو شریکانو سره په همغږۍ کار وکړو، د جبري کډوالو شمېر زيات دی، موږ به د راستانه شویو کډوالو شمېر له مرستندویه ادارو سره شریکې کړو، ترڅو د لا زياتې همکارۍ لېوالتیا پيدا شي.»

په خبرپاڼه کې د کډوالو نړۍوال سازمان د سرپرستې مشرې تیا له قوله ویل شوی: «یو شمېر مرستندویه همکاران لېواله دي، چې د راستانه شویو سره تر هغه وروسته همکاري وکړي، چې په خپلو مېنو کې ځای پر ځای شوې وي.»

د هغې په خبره، یاد سازمان پلان لري چې د مسلکي کډوالو لپاره دندې پيدا او واړه سوداګریز کاروبارونه ورته برابر کړي.

تیا زياته کړې: «د ټولنې د غوښتنو پر بنسټ، موږ به د روغتیایي مرکزونو، پله او پلچکونو جوړولو کې هم مرسته وکړو.»

د ملګرو ملتونو د کډوالو چارو عالي کمېشنر فیلیپو ګرانډي نن په تهران کې د ایران له بهرنیو چارو وزیر سره په کتنه کې د افغان کډوالو په تړاو خبرې کړې دي.

هغه له ایران نه غوښتي، چې د افغان کډوالو د اېستنې په بهیر کې بشري حقونه او انساني کرامت په پام کې ونیسي.

د افغان کډوالو د اېستنې په بهیر کې د انساني کرامت د ساتنې په برخه کې د ایران د بهرنیو چارو وزیر څرګندونې په داسې حال کې دي، چې له ایران نه ډېری راستانه شوي افغانان د دغه هېواد د نظاميانو له بد چلنده شکایت لري او په ټولنیزو رسنیو کې هم له افغان کډوالو سره د ایرانیانو د ناوړه چلند ګڼې ویډيوګانې هم خپرې شوې دي.

فیلیپو ګرانډي له ایران نه افغانستان ته د افغان کډوالو د یو مخیزې اېستنې بهیر ته په اشارې سره له تهران نه وغوښتل چې د افغان کډوالو د اېستنې په بهیر کې بشري حقونه او انساني کرامت په پام کې ونیسي.

د ایران بهرنیو چارو وزیر عباس عراقچي هم په دې کتنه کې د افغان کډوالو د اېستنې په بهیر کې د انساني کرامت پر رعایتېدو ټينګار کړی دی.

نوموړي د بې اسنادو افغانانو د اېستنې بهیر د چټکېدو په برخه کې د افغانستان او ملګرو ملتونو له ټينګار سره سره څرګنده کړې چې نړۍواله ټولنه باید په دې برخه کې خپل مسوولیت ترسره کړي او له ستنو شویو کډوالو سره مرستې وکړي څو په خپل هېواد کې کار و روزګار ولري.

د افغان کډوالو د اېستنې په بهیر کې د انساني کرامت د ساتنې په برخه کې د ایران د بهرنیو چارو وزیر څرګندونې په داسې حال کې دي چې له ایران نه ډېری راستانه شوي افغانان د دغه هېواد د نظاميانو له بد چلنده شکایت لري او په ټولنیزو رسنیو کې هم له افغان کډوالو سره د ایرانیانو د ناوړه چلند ګڼې ویډيوګانې خپرې شوې دي.

سي این این د سې شنبې په ورځ، د چنګاښ پر ۳۱مه، په یوه مفصل رپوټ کې له افغانستان سره د امریکا د مرستو کمولو د بدو پایلو په اړه بحث وکړ. د دې راپور په یوه برخه کې ټیم برچټ افغانستان ته د امریکا د مرستو د کمولو په ځواب کې وویل:«امریکا نړیوال بانک نه دی. [داسې] امریکایان شته چې په ورته حالت کې دي [د افغانانو په څېر]، امریکایان چې وږي وي، تاسې غواړئ موږ پیسې پور واخلو او بهر ته یې واستوو.»

هغه زیاته کړه: «زه د افغانستان له خلکو سره ډیره خواخوږي لرم، خو زه فکر کوم چې همدا وخت دی چې خلک پخپله راپورته شي او داسې حکومت جوړ کړي چې دوی ورته اړتیا لري، نه د طالبانو.»

برچټ مخکې د سلواغې په میاشت کې د امریکا له ولسمشر ډونالډ ټرمپ څخه وغوښتل چې طالبانو ته په اونۍ کې ۴۰ ملیون ډالر لېږل ودروي.

په مرغومي میاشت کې هغه د استازو په جرګه کې یو قانون وړاندې کړ چې ډاډ ترلاسه کړي چې د امریکا پیسې د طالبانو لاس ته نه ځي.

دا قانون وروسته د استازو په جرګه کې تصویب شو او اوس ټاکل شوې ده چې مشرانو جرګې ته لاړ شي.

د طالبانو کورنیو چارو وزارت د سې شنبې په ورځ وویل، چې په دې کتنه کې د دوه اړخيزو اړيکو پر پراختيا او په امنيتي برخه کې د دواړو لوريو تر منځ د دوامدارو همکاریو او د هغو پر تقويه کېدو خبرې وشوې، څو د دواړو هېوادونو په امنيت کې ښه والی راشي.

د طالبانو د کورنیو چارو وزارت په وینا، د ازبکستان د استخباراتو رييس په افغانستان کې د ازبکستان له لوري د پیل شویو اقتصادي پروژو پر امنیت ساتنې ټینګار وکړ.

د ویلو ده چې د ازبکستان د استخباراتو د رييس په مشرۍ یو پلاوی کابل ته راغلی او غواړي له طالب چارواکو سره د دوه اړخیزو او په ځانګړې توګه امنیتي او استخباراتي مسایلو په تړاو خبرې وکړي.

افغانستان انټرنشنل له وړاندې هم د طالبانو د عدليې وزارت دننه د یو شخصي زندان د شته والي په اړه رپوټ ورکړی و.

باوري سرچینو تایید کړې چې په تېرو څو کلونو کې، یو شمېر کسان د وزیر په شخصي امر له قانوني بهیر پرته په دې زندان کې ساتل شوي دي.

په تازه پېښه کې، د «حضرت ولي‌عصر» خیریه بنسټ څلور لوړپوړي غړي، چې د ایت‌الله واعظ‌زاده بهسودي په نامه کس پورې تړاو لري، عدليې وزارت ته د اسنادو ثبت او راجستر لپاره د ورتګ پر مهال د وزیر اړوند کسانو له خوا نیول شوي دي.

ویل کېږي چې د دغو کسانو د مالي سرچینو د پلټلو په خاطر عبدالحکیم شرعي د هغوی د نیولو امر ور کړی دی.

سرچینې وايي، چې نیول شوي کسان حاجي محمدتقي انصاري (رییس)، حسن نیکزاد (مرستیال)، باقر اخلاقي (مدیر) او وکیل چمن (مشاور) دي. دوی لومړی د څو ساعتونو لپاره د عدليې وزارت په ودانۍ کې توقیف شوي، وروسته بیا د طالبانو استخباراتو ته سپارل شوي او هلته نږدې یوه اونۍ په بند کې ساتل شوي دي.

افغانستان انټرنشنل هڅه وکړه، چې د طالبانو د عدليې وزارت ویاند عبدالحمید جهاديار نظر واخلي، خو هغه له څرګندونو کولو ډډه کړې ده.

دا لومړی ځل نه دی چې د طالبانو د عدليې وزارت دننه د خپل‌سرو نیونو رپوټونه خپرېږي.

له دې وړاندې هم افغانستان انټرنشنل-پښتو رپوټ ورکړی و چې د پخواني پارلمان غړی حیدر جان نعیم‌زوی په همدې شخصي زندان کې بندي شوی و.

همداراز، د تېر کال په لیندي میاشت کې افغانستان انټرنشنل خبر ورکړی و چې عبدالحکیم شرعي د کابل د سناتوریم سیمې ۳۰ اوسېدونکي د خپلو کورونو له تخلیې سره د مخالفت له امله نیولي. ویل شوي وو چې د عدليې وزیر دا کسان د ځمکو د اسنادو د تایید لپاره خپل کور ته وربللي او وروسته یې د کابل امنیه قوماندانۍ ته سپارلي وو.

د دغو رپوټونو له خپرېدو وروسته د طالبانو عدليې وزارت غبرګون وښود او اعلان یې وکړ چې وزیر د طالبانو د مشر په امر دا واک لري چې د ځمکو د غصب پر ضد مبارزې په چوکاټ کې سرغړوونکي تر لسو ورځو پورې توقیف کړي.

که څه هم دغه وزارت په رسمي اعلامیه کې د نعیم‌زوی نوم یاد نه کړ، خو په ضمني ډول یې تایید کړه چې د یوه «سرغړوونکي» کس توقیف د ځمکو د غصب مخنیوي کمېسیون له پرېکړې سره سم ترسره شوی او یاد کس «رسماً کابل ولایت ته سپارل شوی دی».