د اوکراين دفاع وزير: کیېف راتلونکی کال د دفاع لپاره ۱۲۰ ميليارده ډالرو ته اړتیا لري

خو امریکایي چارواکي وایي، چې دوی له دواړو هېوادونو سره ښې اړیکې لري.

هندي چارواکي زیاتوي، چې د ټرمپ له‌خوا د تعرفو ناڅاپي لوړولو د دوی پر سوداګرۍ سيوری غوړولی دی.

د ولسمشر ټرمپ له‌خوا پر هند د تعرفو تر لوړولو وروسته د دواړو هېوادونو تر منځ سوداګریزې خبرې سوکه شوې او هند د ټرمپ له‌خوا د تعرفو لوړولو په غبرګون کې د نړۍوال سوداګریز سازمان (WTO) له لارې پر امریکا د متقابلو تعرفو لوړولو وړاندیز کړی دی.

د بریتانیا د حکومت ویاند ويلي، چې په دغه هېواد کې افغانانو ته د اسانتیاوو نه برابرول به هغوی نهیلي کړي او له ترهګرو ډلو سره به اړیکې ونيسي؛ ځکه افغانستان اوس هم د ترهګرو ډلو لپاره خوندي ځای دی.

د حکومت ویاند ویلي:« موږ بریتانیا ته د هر نوي راغلي شخص په اړه پلټنه کوو، چې په دې لړ کې د افغانانو په اړه هم پلټنې شوې دي؛ پر چا چې د امنيتي دلایلو له مخې شک وشي، هغه ته په بریتانیا کې د دايمي پاتې کېدو اجازه نه ورکول کېږي.»

د راپور له مخې؛ د هغو افغانانو په اړه ارزونه شوې، چې په پټه بریتانیا ته بېول شوي دي. دغه ارزونه ښيي، چې ښايي په دوی کې ډېری یې کورونه و نه لري، ځکه په برېتانیا کې د استوګنې کورونه لږ دي.

ځايي ادارو ته خبرداری ورکړل شوی، چې د نویو راتلونکو افغانانو لپاره به د کورونو برابرول ګران کار وي.

د روان کال په اکتوبر میاشت کې کله چې د کارګر ګوند وزیرانو د ۷ میلیارډه پونډو لګښت ومانه، هغوی ته وویل شول چې د دې بودجې له لارې یوازې لس سلنه نویو راتلونکو افغانانو ته کورونه ورکول کېدای شي، چې دا محرومیت به د بریتانیا ټولنیز یووالی وګواښي.

په براکنل برکشایر کې ۳۰۰ افغانان په یوه هوټل کې مېشت دي. ځايي خلک وايي، چې هغوی له افغانانو سره خواخوږي لري؛ خو ډېری پخواني بریتانوي ځواکونه هم د کور ستونزه لري.

د محکمې تازه پرېکړه د امریکا حکومت ته دا اجازه ورکوي، چې په دغه هېواد کې مېشت څه باندې ۱۴زره افغانان او نږدې ۸زره کامرون وګړي د امریکا له خاوري وباسي.

تر دې وړاندې د CASA په نامه د کډوالو ملاتړ سازمان له محکمې د افغانانو د لنډمهاله خوندیتوب پروګرام ځنډولو غوښتنه کړې وه؛ خو محکمې ویلي چې اوس دومره شواهد نشته چې حکومت دې دا اقدام ونه‌کړي.

د افغان ایواک په نوم امریکا ته د افغانانو د لېږد بنسټ مشر د محکمې تازه پرېکړه ننګولې او هغه یې ظالمانه بللې ده.

د دغه بنسټ له لوري په خپرې شوې خبرپاڼه کې راغلي، چې « دا اقدام قانوني نه؛ بلکې سیاسي انګیزه لري او په دې تړاو د ټرمپ ادارې پالیسي ظالمانه ده.»

د امریکا د کورني امنیت وزیرې کرېسټي اېل نویم وړاندې اعلان وکړ، چې د افغانانو لپاره به د لنډمهاله خوندیتوب یا TPS پروګرام پای ته ورسېږي، چې له مخې به یې زرګونه افغانان د جولای له میاشتې وروسته د امریکا د کډوالۍ او ګمرکونو ادارې (ICE) له‌خوا د جبري اېستلو له ګواښ سره مخ شي.

هغه ویلي، چې د امریکا وروستيو بریدونو د ایران اټومي تاسیساتو ته جدي او پراخ زیانونه اړولي، خو سره له دې یې ټینګار کړی چې دا پروګرام به ونه درېږي.

عراقچي زیاته کړه: «د غني‌ کولو پروګرام زموږ لپاره ډېر ارزښت لري. دا زمونږ د خپلو ساینسپوهانو لاسته راوړنه ده او اوس د ملت د ملي غرور برخه ده. موږ هېڅکله له دې تېرېدلی نه شو.»

په وروستیو میاشتو کې امریکایي چارواکو دا یو له اصلي شرطونو ګڼلی، چې که ایران د یورانیمو له غني‌ کولو لاس واخلي، نو یوې نوې هوکړې ته به زمینه برابره شي. خو د ایران حکومت پر دې ټینګار کوي، چې د یورانیمو غني کول د دوی مشروع حق دی او باید د دوی پر خاوره کې دوام ومومي.

شنونکي باور لري، چې د ایران له لوري د یورانیمو غني کولو دوام ممکن د اسراییل او امریکا له لوري د نورو بریدونو لامل شي او د سیمې امنیتي وضعیت لا پسې ترینګلی کړي.

تر دې وړاندې هم اسراییل څو ځلې د ایران د اټومي تاسیساتو پر ضد پټ یا علني بریدونه کړي، چې تهران سخت غبرګون ښودلی.

د ایران او لوېدیځو هېوادونو ترمنځ د اټومي پروګرام په اړه اختلافات لا هم نه دي هوار شوي او د دواړو لوریو ترمنځ خبرې اترې له اوږد ځنډ وروسته یو ځل بیا روانې دي.

د جرمني د دفاع وزیر دا څرګندونې د اوکراین د دفاعي ملاتړ د اړیکو د ۲۹مې غونډې پر مهال وکړې.

هغه وویل، چې دا هوکړه یې د امریکا د دفاع له وزیر پیټ هېګسېت سره د خپل وروستي سفر پر مهال په واشنګټن کې کړې ده.

د نوموړي په خبره، د سیسټمونو د لېږد پر همغږۍ به راتلونکو ورځو کې کار دوام ولري.

د امریکا جوړ شوي پټریوټ سیسټمونه د اوکراین د پوښلي هوايي دفاعي نظام مهمه برخه جوړوي.

دا سیسټمونه کولی شي، بالیسټیک او کروز توغندي شنډ کړي او د ښارونو پر ضد له پراخو بریدونو څخه ساتنه وکړي.

دا ژمنه تر هغه وروسته شوې، چې د امریکا ولسمشر ډونالډ ټرمپ د جولای په ۱۴مه اعلان وکړ، چې ناټو او اروپايي ټولنه به یوه ګډه نوې طرحه پرمخ وړي، چې له مخې به یې د امریکا جوړې وسلې اوکراین ته اخیستل کېږي.