طالبان وایي، تېره میاشت د اوسپنې پټلۍ له لارې نږدې ۴۰۰زره ټنه انتقالات شوي دي
د طالبانو د ټولګټو چارو وزارت وايي، چې په تېرې چنګاښ میاشت کې د افغانستان د اوسپنې پټلۍ له لارې ۳۹۳زره او ۲۹۴ مټریک ټنه انتقالات شوي دي.
د طالبانو د ټولګټو چارو وزارت وايي، چې په تېرې چنګاښ میاشت کې د افغانستان د اوسپنې پټلۍ له لارې ۳۹۳زره او ۲۹۴ مټریک ټنه انتقالات شوي دي.
د دغه وزارت د معلوماتو له مخې؛ په یاده موده کې د حیرتان اوسپنې پټلۍ له لارې ۲۸۶زره او ۱۸۷ ټنه، د اقینې اوسپنې پټلۍ له لارې ۳۳زره او ۷۷۲ ټنه، د تورغونډۍ اوسپنې پټلۍ له لارې ۳۶زره او ۱۰۹ ټنه، د خواف – هرات اوسپنې پټلۍ له لارې ۳۷زره او ۲۲۶ ټنه نفتي او نور توکي چې ټولټال ۳۹۰زره او ۱۰۵ ټنه کېږي؛ افغانستان ته وارد شوي دي.
دغه وزارت زیاتوي، په دې موده کې ۳زره او ۱۸۹ ټنه سوداګریز توکي چې ډېره برخه یې وچه مېوه او د انارو جوس جوړوي؛ صادر شوي دي.
