روسیې د اوکراین پر یوه زندان برید کې ۱۷ تنه ووژل
د اوکراین په سوېل ختیځ زاپورېژیا سیمه کې د روسیې د هوايي برید له امله د زندانیانو په یوه ساتنځي کې۱۷ بندیان وژل شوي دي. چارواکي وایي چې برید تېره شپه شوی.
د اوکراین په سوېل ختیځ زاپورېژیا سیمه کې د روسیې د هوايي برید له امله د زندانیانو په یوه ساتنځي کې۱۷ بندیان وژل شوي دي. چارواکي وایي چې برید تېره شپه شوی.
د اوکراین ولسمشر، ولادیمیر زېلېنسکي، برید عمدي وباله او ویې ویل چې روسي ځواکونو په قصدي ډول د ملکي کسانو پر ځای برید کړی دی. د هغه په وینا، په زاپورېژیا کې دغه ساتنځای د ملکي کسانو لپاره کارېده.
نوموړي زیاته کړه چې په تېرو شپو کې د روسیې په بریدونو کې ټولټال ۲۲کسان وژل شوي دي، چې یوه ۲۳کلنه حامله ښځه هم پکې شامله ده.
د اوکراین د عدلیې وزارت ویلي، د بندیانو د ساتنځي د خوړنځي ودانۍ په بشپړه توګه لهمنځه وړل شوې او نورې برخې یې هم زیانمنې شوې دي. د برید لپاره روسیې څلور درانده هوایي بمونه کارولي، چې ۴۲کسان یې ټپیان کړي دي.
د امریکا ولسمشر ټرمپ، چې له روسیې یې خپله ناخوښي څرګنده کړې، ویلي چې مسکو ته به ۱۰یا ۱۲ورځې وخت ورکړي څو د جګړې د پای ته رسولو لپاره عملي ګامونه واخلي.
