روسیې د اوکراین پر یوه زندان برید کې ۱۷ تنه ووژل

د پاکستان د جیو ټلوېزیون د راپور له مخې نن د پاکستان پخواني لومړی وزیر عمران خان چې اوس مهال زنداني دی، په اډیاله زندان کې خبریالانو ته وویل:«زه تاسو ته وایم، دوی پاکستان ته نه راځي او دوی به په هیڅ لاریون کې برخه وانخلي.»

له وړاندې د عمران خان خور عليمه خان ادعا کړې وه چې د خان زامن سلیمان خان او قاسم خان به په هغه لاریون کې برخه واخلي، چې د پاکستان د پخواني لومړي وزیر د خوشې کولو لپاره به ترسره شي.

د عمران خان زامن اوس مهال په امریکا کې دي او هلته د امریکا مشرانو جرګې له ځينو غړو سره په لیدنه کې د خپل د پلار د خوشې کېدو لپاره لابي کوي.

د رویټرز د راپور له مخې، د هند د کورنیو چارو وزیر امیت شاه د هند او پاکستان د شخړې په اړه د بحث په ترڅ کې پارلمان ته وویل: «زه غواړم ټول ملت ته ووایم چې دا هغه درې ترهګر وو چې زموږ وګړي یې ووژل او اوس درې واړه وژل شوي دي.»

شاه وویل چې هند "ډیر شواهد" لري چې وژل شوي "ترهګر" پاکستانیان وو ځکه امنیتي ځواکونو د دوی د پاکستاني رایه ورکوونکو د هویت کارتونه او په پاکستان کې جوړ شوي چاکلیټ ترلاسه کړي دي.

هغه زیاته کړه، عدلي ازموینو ښودلې چې هغه ټوپکونه چې دوی له ځان سره درلودل د پهلګام په برید کې کارول شوي وو.

د پاکستان د بهرنیو چارو وزارت سملاسي د شاه د څرګندونو په اړه د تبصرې غوښتنې ته ځواب نه دی ویلی.

په همدې حال کې د هند پوځ وویل چې دا درې واړه د دوشنبې په ورځ د کشمیر په یوه ځنګل کې په یوه سخته نښته کې ووژل شول.

نوموړي اېرنا خبري اژانس ته ویلي، چې ایران له ډېرو هېوادونو سره په یوه غږ په غزه کې روانه نسل وژنه غندي او د دې ظلم بندولو له پاره د هر ډول هڅو ملاتړ کوي.

ښاغلي بقايي زیاته کړې، چې حماس د خپلو خلکو د ګټو په خوندیتوب ښه پوهېږي؛ د نورو هېوادونو او ډلو لاسوهنې ته اړتیا نه شته.

هغه وایي، امریکا باید په غزه کې د ۶۰زره بې ګناه انسانانو د وژلو حساب ورکړی چې ښځې او ماشومان هم په کې شامل دي.

ټرمپ په سکاټلنډ کې د خبرو پر مهال وویل، چې «موږ به په غزه کې د خوړو مرکزونه جوړ کړو.»

هغه ژمنه وکړه، چې دغه بشري مرستې به خلکو ته په اسانۍ سره ورسېږي. سپینې ماڼۍ ویلي، چې د دغه مرکزونو جزییات به وروسته روښانه شي.

له بل پلوه د غزې روغتیا وزارت وايي، تر دې دمه ۱۴۷ کسان د لوږې له امله مړه شوي چې ۸۸ یې ماشومان دي.

د اسراییل لومړي وزیر بنیامین نتنیاهو لومړی په غزه کې د لوږې خبره رد کړه؛ خو وروسته یې ومنله، چې په غزه کې وضعیت سخت دی.

داعش وسله‌والو د یکشنبې په سهار د بونیا له مرکز څخه ۷۵ کیلومتره لرې د کوماندا پر یوه کلیواله کلیسا برید وکړ، خلک یې د ټوپک او چړو پر مټ ووژل او بیا له سیمې وتښتېدل.

تر دې پېښې وروسته داعش پر خپل ټېلګرام پاڼه ولیکل، چې شاوخوا ۴۵ عبادت کوونکي یې وژلي او د دې ترڅنګ یې ډېر کورونه او هټۍ ګانې هم سوځولې دي.

د ملګرو ملتونو ماموریت (MONUSCO) د ۴۳ کسانو د وژل کېدو پخلی کړی، چې په‌کې ۱۹ ښځې او ۹ ماشومان هم شامل دي.