په نیویارک او رینو نېواډا کې د ډزو په جلا پېښو کې څلور کسان وژل شوي او څلور نور ټپیان دي

د کرملین ماڼۍ د اعلامیې له مخې، دواړو لوریو د ایران د اټومي پروګرام ترڅنګ د سیمې پر وضعیت هم خبرې اترې کړې دي.

روسي لوری وايي، چمتو دی چې د ایران د اټومي مسلې د حل لپاره د خبرو اترو او سیاسي تفاهم له لارې هر ډول همکاري او اسانتیاوې برابرې کړي.

دا خبرې اترې په داسې حال کې ترسره شوې، چې د منځني ختیځ امنیتي وضعیت ترینګلی شوی او د ایران اټومي پروګرام یو ځل بیا د نړۍوالو اندېښنو مرکز ګرځېدلی دی.

ښاغلي ګوترېش په یوه تازه پیغام کې ویلي: «راځئ چې بالاخره د سولې لاره خپله کړو؛ نه یوازې د یوه مفهوم، بلکې د یوې ژمنې په توګه، نه د یوه خوب، بلکې د واقعیت په توګه.»

هغه زیاتوي: «موږ نشو کولای د بشپړو شرایطو انتظار وباسو. موږ باید دا شرایط په خپله رامنځته کړو.»

دا څرګندونې په داسې حال کې کېږي، چې په غزه کې د اسراییلي ځواکونو او حماس ډلې ترمنځ خونړۍ جګړه دوام لري، زرګونه انسانان وژل شوي او ملګري ملتونه د بشري ناورین د پراخېدو له امله خبرداری ورکړی دی.

له نړۍوالو هڅو سره سره، لا هم د دواړو خواوو ترمنځ سیاسي کړکېچ پای ته نه‌دی رسېدلی. خو ګوتریش وايي، چې نړۍ باید د سولې فرصت له لاسه ورنکړي او د یوه پایداره او عادلانه حل لپاره باید ژورې او ریښتینې هڅې وشي.

ملګري ملتونه له اوږدې مودې راهیسې د دوو دولتونو د حل ملاتړ کوي، چې له مخې یې فلسطینیان باید یو خپلواک دولت ولري او اسراییل باید د امنیت تضمین ولري.

عباس عراقچي په خواله رسنۍ اېکس کې ټینګار کړی، چې ایران د خپلو نویو اټومي راکټورونو لپاره د سون توکو د برابرولو په خاطر «غني‌ کولو» ته اړتیا لري. هغه زیاته کړې، چې ایران خپله ملي او سوله‌ییزه ټکنالوژي چې د انسانانو د ژوند ژغورنې لپاره ده، د بهرنیو زورواکو غوښتنو ته نه سپاري.

هغه همدارنګه ویلي، چې د یورانیمو د غني کولو تاسیساتو ته سخت زیان رسیدلی، خو د ایران عزم او اراده لا هم پیاوړې ده.

عراقچي خبرداری ورکړی، چې پوهېږي څه پېښ شوي او که چېرې د امریکا او اسراییل له خوا تکراري بریدونه وشي، ایران به داسې ځواب ورکړي چې بیا به پټ پاتې کېدل ناشونی وي.

هغه زیاته کړه: «ټولو ته باید معلومه وي چې موږ ایرانیان خپل سوله‌ییز اټومي پروګرام پیرلی نه دی؛ بلکې د وینو، خولو او اوښکو په مرسته مو جوړ کړی دی. هغه ټکنالوژي او پوهه چې زموږ د وړ انسان سرچینو له خوا جوړه شوې، بمباري یې له منځه نشي وړلی. هو، زموږ د یورانیمو غني کولو تاسیسات زیانمن شوي، خو زموږ عزم نه دی مات شوی.

په دې کتنه کې دواړو لوریو له ایران او پاکستان څخه د جبري راستنېدونکو د وضعیت او همداراز د جبري راستنېدونکو د ستونزو د حل په تړاو خبرې کړې او بریټانیایي لوري په دې برخه کې د همکاریو پر دوام ټينګار کړی دی.

د دغه وزارت د پلان او پالیسۍ رييس زیاته کړې چې د افغانانو د لاسنیوي لپاره نړیوال سازمانونه کولای شي د هېواد هرې سیمې ته سفر وکړي.

په دې وروستیو کې پاکستان او په ځانګړې توګه ایران د افغانانو اېستنې ته زور ورکړی او په کور دننه د امکاناتو د نشتوالي او د نړیوالو مرستندویه بنسټونو د بودجې د کمښت له امله راستنېدونکي افغانان له ګڼو ستونزو سره لاس او ګرېوان دي او بېړنیو مرستو ته سترګې په لاره دي.

په ویډیو کې څرګندیږي، چې یو سک د یکشنبې په سهار د لندن له لوټن هوایی ډګر څخه د سکاټلینډ ګالسکو ته په الوتنه کې د الله اکبر، مرګ پر امریکا او مرګ پر ټرمپ چیغې وهلې او بیا وايي، "ما الوتکې ته بم راوړی دی."

د متحده ایالاتو ولسمشر ډونالډ ټرمپ د یکشنبې په ورځ د انګلستان د رسمي سفر پرمهال په ګالسکو، سکاټلینډ کې و.

ویډیو دا هم ښيي چې مسافرین دغه کس د الوتکې په منځنۍ لاره کې نیسي او ترې پوښتنه کوي چې ولې. هغه خپله ادعا بېرته اخلي، او وايي چې هغه یوازې غوښتل ولسمشر ته پیغام «خبرداری» ولېږي.

مسافر د هغه سړي بټوه له جیب څخه راوباسي، چې وايي په انګلستان کې پناه غوښتونکی دی.

هغه د موټر چلولو جواز او له هند څخه د بانک کارت لري او په کارت کې یې نوم "ابهي دیوداس نایک" لیکل شوی دی.

د سکاټلینډ پولیسو دغه کس د ګالسکو په هوایی ډګر کې د الوتکې له ښکته کیدو وروسته ونیوه.

د پولیسو په وینا، پیښه کنټرول شوې او له نیول شوي کس پرته بل څوک پکې ښکیل نه وو.