طالبان بااستعداده زده کوونکو لپاره ځانګړی ښوونځی جوړوي

طالبانو د امر بالمعروف او نهې عن المنکر او شکایتونو اورېدو وزارت ویاند سیف السلام خېبر د شنبې په ورځ (د زمري ۱۸مه) پر اېکس‌پاڼه په خپور شوي غږیږ پېغام کې د افغان مېرمنو په تړاو د ملګرو ملتونو د ښځو د څانګې راپور ته غبرګون ښودلی دی.

نوموړی وايي چې اوس مهال په افغانستان کې د طالبانو تر واکمنۍ لاندې، د مېرمنو حقونه خوندي شوي دي او همدراز د مېراث، مهر ورکول او د جبري وادونو مخه نیول شوې ده.

خېبر ادعا کوي، چې د افغان مېرمنو ټولنیزو بدو رواجونو مخنیوی د طالبانو امربالمعروف وزارت له لویو لاسته راوړنو او لومړیتوبونو څخه دی.

د طالبانو امربالمعروف وزارت ویاند نیوکه کړې چې که چېرې د ملګرو ملتونو سازمان د مېرمنو د حقونو ریښتني مدافع وي باید په غزه کې د مېرمنو او ماشومانو د قتل عام پر وړاندې جدي او موثر غږ پورته کړي او هغوی ورته ضرورت هم لري.

سیف السلام خېبر وویل:« د ملګرو ملتونو د ښځو د څانګې دوه مخي سیاستونه د دوی اعتبار خرابوي او همدراز د امر بالمعروف او نهې عن المنکر او شکایتونو اورېدو وزارت د ښځو کرامت او مشروع حقونه خپل دیني او ملي مسوولیت ګڼي او په همدې موخه تېرو څلورو کالونو کې یې د پام وړ اقدمات ترسره کړي دي.»

د طالبانو یاد وزارت ویاند له نړيوالو سازمانونو وغوښتل، چې د افغان مېرمنو په اړه دې د افغانستان د فرهنګونو او اسلامي ارښتونو په رڼا کې معلومات او قضاوت وکړي.

د ملګرو ملتونو د استوګنې او ښاري پراختیا ادارې مشرې سټیفني لوز تېره ورځ (جمعه د زمري۱۷مه) په جینوا کې ویلي و: «د طالبانو هغه فرمانونه چې ښځې او نجونې له ثانوي زده کړو، کار او له محرم پرته له کوره وتلو څخه منع کوي، د راستنېدونکو لپاره جدي ننګونې دي.»

د نوموړې په وینا، راستنېدونکې افغان نجونې او ښځې بېرته داسې یوه هېواد ته ستنېږي چې له ۱۲ کلنۍ پورته نجونې ښوونځيو ته نشي تللی او همداراز د ټولنې دغه قشر ته هېڅ ډول ټولنیز او یا هم اقتصادي فرصتونه نشته.

مېرمن لوز زیاته کړې و: «موږ داسې کورنۍ هم لرو چې د ښځو په مشرۍ هېواد ته ستنېږي. تاسو تصور وکړئ چې دا د دوی لپاره څه معنا لري. هغوی پرته له محرم څخه نشي کولای له کوره ووځي، ان که ډاکټر ته د تګ اړتیا هم ولري.»

د طالبانو مشر هبت الله اخوندزاده په تېرو څلورو کلونو کې په لسګونه فرمانونه صادر کړي چې په خصوصي او عامه دواړو برخو کې یې د افغانستان مېرمنې په جدي توګه محدودې کړې دي.

۲۴ کلن مصطفی مهمند چې د کندهار اصلي اوسیدونکی دی، پر افغانستان د طالبانو له بیا واکمنیدو وروسته په ۲۰۲۱ کال کې له خپلې کورنۍ سره اسټرالیا ته کډوال شو.

مهمند اوس په اسټرالیا کې د نجونو د یوه ځاي کلپ روزونکی دی. نوموړي ته د ښو خدماتو له امله د اسټرالیا د نیو ساوت ولز ایالتي پارلمان ستاینلیک ورکړی.

100%

مصطفی مهمند له افغانستان انټرنشنل سره مرکه کې وویل:« زه چې کله استرالیا ته راغلم ما خپل فوټبال ته ادامه ورکړه او په یو ځايي کلپ کې مې لوبه کوله، د خپل کلپ له خوا راته د نجونو د یوه ځاي کلپ لپاره د روزونکي وړاندیز وشو او ما ځکه ومانه چې دا زما لپاره یو لوی افتخار و.»

هغه زیاته کړه: «د کومې لوبډلې روزونکی چې یم، په لږ وخت کې ډېرې لاسته راوړنې لري، ستاینلیک د همدې له امله راکړل شوی دی.»

مهمند دا هم وویل چې هیله یې داده چې روزونکي لوبغاړي یې د اسیا تر څنګ په ټوله نړۍ کې وځلیږي.

د جمهوریت له پرځېدو شاوخوا څلور کاله تېریږي، خو مهمند لا هم هغه ورځې یادوي او دردیږي. هغه وایي د وطن پرېښودل ورته ډېر سخت و.

مصطفی مهمند وایي، فوټبال یوازې لوبه نه ده بلکې دا د نړۍ ژبه ده. هغه هیله لري چې په دې برخه کې خپله وړتیا وښیي او ارمان لري چې په دې برخه کې پرمختګ وکړي.

مصطفی مهمند چې په استرالیا کې په زاک مشهور دی د کندهار په هوايي ډکر او د یاد ولایت د منتخبه لوبډله کې هم لوبې کړي دي.

هغه د جمهوریت له پرځېدو مخکې د افغانستان د فوټبال ملي لوبډلې ته هم لار پیدا کړې وه او څو لوبې یې هم کړې دي.

د طالبانو د مالیې وزارت د شنبې په ورځ (د زمري ۱۸مه) د یوې خبرپاڼې په خپرولو سره ویلي، چې یادې امنیتې کامرې به د امنیتي مسایلو ترڅنګ د ګمرکي سرغړونو او د پېښو د مخنیوي په برخو کې هم د پام وړ مثبت اغېز ولري.

طالبانو ویلي، چې یادې امنیتي کامرې یې د ګمروکونو په بیلابیلو برخو کې لګولي او ډېر ژر به دا کامرې په کابل کې د ګمرکونو لوی ریاست سره هم ونښلوي.

طالبانو تردې وړاندې یوازې د اسلام کلا او تورغونډۍ په ګمرکونو کې امنیتي کامرې لګولې وي.

دا په داسې حال کې ده، چې تردې وړاندې هم د طالبانو د کورنیو چارو وزارت د امنیت ټینګښت او جنايي پېښو څخه د مخنیوي په موخه د کابل ښار په بیلابیلو برخو ګې زرګونه امنیتي کامرې لګولې دي.

د دغه ټولنې مشر صبور موسوي تمه ښودلې، چې ژر تر ژره افغان زیارت کوونکو ته ویزې ورکړل شي.

ښاغلي موسوي ویلي، که څه هم د ویزو د ورکړې په اړه یې ضد ونقیض خبرونه او اوازې تر غوږو کېږي؛ خو هیله یې ښودلې، چې افغان زیارت کوونکي به د اربعین په مراسمو کې ګډون وکړي.

تر راتلونکو پنځو ورځو به د اربعین مراسم په عراق کې ترسره شي. تر دې وړاندې عراقي چارواکو ویلي و، چې ښايي په دغه مراسمو کې څه باندې ۲۵مېلیونه کسان ګډون وکړي.

تر دې وړاندې ایران ویلي و، چې عراق ته د افغان زیارت کوونکو د سفر غوښتنې ډېرې شوې دي او دا مهال ۱۵۰ زره افغانانو ورته نوملیکنه کړې ده. ایراني چارواکو اندېښنه ښودلې وه، چې د اربعین یو شمېر زیارت کوونکي به په ایران او عراق کې پاتې شي.

اربعین د عاشورا له ۴۰مې ورځې سره برابره ده او د کربلا د پېښې شهیدانو د وینو د یاد، وفادارۍ او د هغوی د قربانۍ د فلسفې د ژوندي ساتلو لپاره هرکال نمانځل کېږي.

د هلمند ولایت د امنیې قوماندانۍ ویاند عزت‌الله حقاني وايي، د جمعې په ورځ د کندهار- هرات پر لويه لاره واشېر ولسوالۍ کې اکوا او ټېلر موټر سره ټکر شوي چې په پایله کې یې يوه ښځه، يو ځوان او څلور ماشومان مړه شوي دي.

د کندوز د امنيې قوماندانۍ وياند جمعه‌الدين خاکسار بیا وايي، په دشت ارچي ولسوالۍ کې يو کرولا ډوله موټر اوښتی چې له امله یې يو کس مړ شوی او څلور نور ټپيان دي.

دارنګه د بدخشان د اطلاعاتو او فرهنګ ریيس ذبيح‌الله اميري ويلي، تېره شپه يو ټېلر موټر پر کوچني موټر ور اوښتی چې په پایله کې یې د کوچني موټر چلوونکی مړ شوی دی.

له بل پلوه د بلخ امنیې قوماندانۍ نن شنبه پر اېکس پاڼه لیکلي، چې د حیرتان بندر او د قوشتېپې کانال پر لارې ټرافیکي پېښه کې یوه مېرمن مړه شوې او درې ماشومان ټپیان دي.