طالبانو په ننګرهار او غور ولایتونو کې ۱۴ کسان د نشه يي توکو د کاروبار په تور نیولي دي
طالبانو په غور او ننګرهار ولایتونو کې ۱۴ کسان له نږدې ۱۰۰ کیلوګرامه نشه يي توکو او سلګونه نشه کوونکو ټابلېتونو سره یو ځای نیولي دي.
طالبانو په غور او ننګرهار ولایتونو کې ۱۴ کسان له نږدې ۱۰۰ کیلوګرامه نشه يي توکو او سلګونه نشه کوونکو ټابلېتونو سره یو ځای نیولي دي.
په غور ولایت کې د طالبانو د امنیه قومندانۍ مسوولین وايي، د دغه ولایت په دولینه ولسوالۍ کې یې د شنبې په ورځ «د زمري په ۲۵مه» د نشه يي توکو ۳ کاروباریان د «اېف» په نوم له ۹۰ کیلوګرامه نشه يي توکو او یوه سراچه موټر سره یو ځای نیولي دي.
په ورته وخت کې د ننګرهار ولایت لپاره د طالبانو د امنیه قومندانۍ مسوولین هم وايي، په تېره اونۍ کې یې ۱۱ کسان د نشه يي توکو د قاچاق او پلور په تور یې نیولي دي.
د مسوولینو په وینا، له دغو کسانو ۱۲۶۷ زیکپ نشه يي ټابلېتونه، ۱۴۰ ټابلېتK، ۸ کیلوګرامه چرس او ۲۰۰ ګرامه «شیشه» هم ترلاسه شوي دي.
دغه کسان به تر لومړنیو پوښتنو او ګروېږنو وروسته د طالبانو عدلي او قضايي بنسټونو ته وسپارل شي.
