پاکستان کې د خطرناکو سېلابونو د ډېریدو خبرداری ورکړل شوی
ډان ورځپاڼې یکشنبه (د زمري ۲۶مه) لیکلي، چې په پاکستان کې د سختونو اورښتونو، بادونو او توپان له امله د اګسټ د میاشتې تر ۲۱مې نېټې پورې په ټول هېواد کې د خطرناکو سېلابونو اټکل شوی دی.
ډان ورځپاڼې یکشنبه (د زمري ۲۶مه) لیکلي، چې په پاکستان کې د سختونو اورښتونو، بادونو او توپان له امله د اګسټ د میاشتې تر ۲۱مې نېټې پورې په ټول هېواد کې د خطرناکو سېلابونو اټکل شوی دی.
د پاکستان د هوا پېژندنې ادارې د اټکل له مخې د دغه هېواد تر واک لاندې کشمیر، ګلګيت بلتستان، پښتونخوا، پنجاب، سیند او بلوچستان کې سخت اورښتونه وشي، چې د ناڅاپي سېلونو او غرنیو سیمو د ښویېدو کواښ ورسره تړلی دی.
د دې ادارې د اټکل له مخې د پاکستان لوی ښارونه هم د سېلاب له ګواښ سره مخ دي، لکه اسلاماباد، لاهور، کراچي، پېښور او ګوجرانواله.
د پنجاب د افتونو د مخنیوي ادارې د دې ایالت د څو ولسوالیو خلکو ته سپارښتنه کړې، چې د سیندونو له غاړو او خوړونو څخه لیرې اوسي او تفریحي ځایونو ته دې هم نه ځي.
