طالبان وايي په هرات کې د ۸۰۰ میګاواټه برېښنا د تولید عملي چارې پیلیږي

نوموړي زیاته کړه، چې ازبکستان غواړي افغانستان یو پرمختللی او له ازبکستان سره یو باثباته دوست هېواد واوسي.

د ازبکستان د انرژۍ وزیر په داسې حال کې طالبانو ته د بري مبارکي ورکوي، چې دغه هېواد له امریکا سره په ترهګرۍ، د مخدره توکو قاچاق او د سیمه ییزو ګواښونو پر وړاندې همکارۍ کې ډېر فعال دی.

طالبان هرکال د زمري۲۴مه د خپلې ډلې د بیاځلي واک ته رسېدو او «امریکا ته ماتې ورکولو» په دود نمانځي.

د طالبانو د ریاست الوزرا له خوا په خپره شوې خبرپاڼه کې ویل شوي، چې ملا عبدالغني برادر د ازبکستان د انرژۍ وزیر جوابیک میرزامحمدوف سره د لیدنې پرمهال د اقتصادي اړیکو او‌ په ځانګړي ډول د انرژۍ په برخه کې د همکاریو پر پراختیا خبرې وکړي.

ملا برادر ویلي، چې د ایکو سازمان د ۱۷مې سرمشریزې په څنډه کې د ازبکستان له ولسمشر شوکت میرضیایف سره د لېدنې پرمهال د دواړو هېوادونو ترمنځ د سیاسي، اقتصادي او سوداګریزو د اړیکو پراختیا خبرو په تعقیب یې نن د یکشنبې په ورځ له تاشکند سره د برېښنا په برخه کې څلور تړونونه لاسلیک کړل.

ملابرادر له ازبک پلاوي څخه د پروژو د بشپړېدو لپاره د ټاکل شوي وخت او کیفیت په برخه کې د پاملرنې غوښتنه کړې ده.

طالبانو ویلي، چې د ازبکستان د انرژۍ وزیر د پروژو کیفیت د پاملرنې ژمنه کړې ده او ویلي یې دې چې ډېر ژر به د پروژو د تطبیق په برخه کې عملي کار پیل کړي.

نن په کابل کې د ازبکستان د انرژۍ وزارت او طالبانو د ۲۴۳ مېلیون ډالرو په ارزښت د برېښنا د لېږد او سب سټېشنونو جوړولو څلور تړونونه لاسلیک کړل.

ځايي سرچینو نن یکشنبه د زمري ۲۶مه وویل چې د نښتې لامل د بدخشان یمګان ولسوالۍ په "کاوجو خان" کلي کې د طالبانو له خوا د «کلي مشر» په توګه د مطلوب کس د کار د دوام په وړاندې د اوسیدونکو نارضایتي او اعتراض و.

د کلي اوسیدونکي وايي چې ځایي خلک غوښتنه کوي د نوي کلي مشر د ټاکلو لپاره ټاکنې ترسره شي خو د طالبانو سیمه ییز چارواکي د خپلې خوښې کس د کار پر دوام ټینګار کوي.

د ترلاسه شویو معلوماتو له مخې، شاوخوا نهه کسان چې په ډزو کې ټپیان شوي دي، وضعیت یې نازک ښودل شوی، چې د درملنې لپاره د بدخشان ولایت د فیض اباد مرکز او بهارک روغتیايي مرکزونو ته لیږدول شوي دي.

سرچینو افغانستان انټرنشنل ته د نښتې د ځینو ټپیانو عکسونه هم لېږلي دي.

د کلي د شاوخوا ۸۰ کورنیو د شکایت له مخې، خلک له غلام محمد څخه ناراضه دي، چې له کلونو راهیسې یې د "ارباب" په توګه کار کړی او د هغه پر ځای یې بل کس نومولی دی، چې "اکثریت" یې په اړه موافق دي.

اوسیدونکي وايي چې که څه هم خلک د اوسني "ارباب" د کار له دوام څخه خوښ نه دي، طالبان هغه په کلیوالو مسلط کوي.

سرچینې وايي چې اوسنی "ارباب" په یمګان کې د طالبانو د ولسوال ملاتړ له ځان سره لري.

ځایي اوسیدونکو وویل چې پخوا د کلي مشر، چې د ارباب په نوم هم پیژندل کیږي او د کلي شورا مشر و، د ټاکنو او خلکو د رایو له لارې ټاکل کېده.

طالبانو تر اوسه پورې د پیښې په اړه تبصره نه ده کړې.

د افغانستان په ډیری کلیو کې، "د کلي مشر" د خلکو د رایو او اجماع له لارې ټاکل کیږي خو د طالبانو ایډیالوژي د ټاکنو سخت مخالفت کوي.

طالبانو په بدخشان او د افغانستان په نورو ولایتونو کې له دې وړاندې هم مدني لاریونونه ځپلي دي.

امرالله صالح پر خپله اېکسپاڼه لیکلي، چې له امریکايي مقام او بریاوو سره سره لا هم د افغانستان په اړه زلمی خلیلزاد د خپلو کوچنیو قومي او قبیلوي تړاوونو تر اغېز لاندې پاتې شوی دی.

نوموړي په ټینګار سره ویلي، چې د خلیلزاد هڅې د شخصي او پخوانیو وختونو د غچ په نیت ترسره کیږي او دغه چلند د خلیلزاد مفکوره د کلي یا کوڅي د ملک تر کچې راټېټه کړې ده.

صالح وايي:« خلیلزاد له خپل امریکايي مقام څخه په ګټې اخیستنې هڅه وکړه، چې له پخواني ولسمشر محمد اشرف غني څخه د خپلې لیسې د وخت د حقارتونو غچ واخلي. د خلیلزاد هڅې که بریالۍ هم شي، خو هغه د یوې کوڅې یا کلي د ملک په کچه راټیټوي او د افغانستان په اړه ډیرې څرګندونې یې د کلي ملک له کچې هم ټیټې دي.»

د مخکیني ولسمشر مرستیال امرالله صالح ویلي، که له خلیلزاد څخه امریکايي تابیعت واخېستل شي، ښايي د سیاست او درک کچه یې د افغانستان د یو کلیوال او عادي کس تر کچې هم ټېټه وي.

صالح د افغانستان د سولې لپاره د امریکا پخواني ځانګړي استازي زلمي خلیلزاد په اړه دا څرګندونې پر داسې مهال کړې، چې د پاکستان په کوربه توب د طالب ضد سیاستوالو او په دغه هېواد کې د افغان ښځو په ګډون جوړېدونکې غونډې ته خلیلزاد تېره ورځ سخت غبرګون ښودلی و او ویلي یې دي، چې په اسلام اباد کې له یادې جوړېدونکې غونډې د پاکستان ملاتړ ناسم کار او قصدي پارونه ده.

نصیر احمد اندېشه نن یکشنبه، د زمري ۲۶مه پر خپل اېکس ولیکل، چې «د تیرو دوو ورځو تر ټولو مهمه پېښه د کندهار امارت د لنډمهاله حکومت د پای ته رسیدو اعلان و، چې دې کار د دوو ډلو درواغجن او خیالي روایتونه پای ته ورسول».

نوموړي لیکلي:« لومړی د طالبانو لابيګران او توجیه کوونکي چې ادعا یې کوله دغه جوړښت لنډمهاله دی او باید د ټول شموله کیدو لپاره وخت ورکړل شي او دویم تنبل اپوزیسیون- د سلطان محمود لټان - چې د (سرپرست حکومت) لقب دوی ته د خبرو اترو "بیا احیاء" او د ځای او موقفد تدارک هیله ورکوله».

اندېشه وايي، «اوس چې د امیر النامعلوم ملک خداداد دارالاماره په یوه شفاهي امر، پرته له دې چې د اساسي قانون جوړېدو، ملي شورا او ټاکنو ته پام وشي، سرپرسته دوره ختمه اعلان کړه، نور د دې ادارې د مشروعیت جلب او دوام لپاره هېڅ دلیل او پلمه نه شته».

نوموړی زیاتوي، چې د دغه بهیر د دوام څرنګوالی او د طالبانو د نویو پرېکړو پر وړاندې کورني او نړیوال غبرګونونه به د افغانستان سیاسي راتلونکی وټاکي.

د طالبانو مشر ملاهبت الله د زمري ۲۴مې په مناسبت، چې پر کابل ددې ډلې د واک څلورم کال کیږي، په خپل یو پېغام کې له خپلې ډلې غوښتي، چې طالب وزیرانو او کابینې ته نور د سرپرست ټکی ونه کاروي.