د طالبانو د عامې روغتیا وزارت ویلي، چې د قطر له یوه خیریه بنسټ سره یې په کندهار کې د ۴۰۰ بستریز روغتون د جوړولو تړون لاسلیک کړی. یاد روغتون د کندهار په عینو مېنه کې جوړیږي او یوازې به د ښځو او ماشومانو په برخه کې خدمات وړاندې کوي.
د طالبانو د عامې ورغتیا وزارت د چارشنبې په ورځ وویل، چې د قطر له الخیریه بنسټ سره په کندهار کې د ۴۰۰ بستریز تخصصي روغتون د جوړولو او تجهیز هوکړه لیک یې لاسلیک کړ.
د طالبانو د عامې روغتیا وزیر مولوي نورجلال جلالي د دغه هوکړه لیک د لاسلیکولو پرمهال ویلي، چې د یاد روغتون په جوړېدو سره به په سویلي زون کې د مور او ماشوم د تخصصي روغتیايي خدمتونو اړتیاوې پوره شي.
جلالي ویلي:«د قطر حکومت او الخیریه بنسټ د دې ستر کار لپاره د مرستې کولو څخه مننه کوم. باور لرم چې د یاد روغتون په جوړېدو سره به په ډېر شمېر میندو، ماشومانو او ښځو ته روغتیايي خدمات وړاندې شي».
طالبانو د یاد روغتون د جوړېدو لپاره د لګښتونو په اړه څه نه دې ویلي، خو وايي، د دغه روغتون د جوړېدو چارې به په دوه کاله او شپږ میاشتو کې بشپړې شي.
د راپورونو له مخې د قطر له خوا یاد روغتون د کندهار په عینومېنه کې جوړیږي او یوازې به د ښځو او ماشومانو په برخه کې خدمات وړاندې کوي.
د سېشنبې په ماښام د هرات_اسلام کلا پر لویه لار په یوې ټرافیکي پېښې کې لسګونه کسان مړه شوي دي. دغه پېښه هغه مهال وشوه، چې له ایران څخه د اخراج شویو کډوالو مساپر وړونکي بس له یوه موټر سایکل او مازډا ډوله موټر سره ټکر وکړ. طالبانو ویلي، چې په ټوله کې تر دې دمه۷۹ کسان په دې پېښه کې مړه شوي دي.
د هرات د اطلاعاتو او کلتور ریاست ویاند او د زلزله ځپلو د ملاتړ کمېسیون غړي احمدالله متقي د چهارشنبې په ورځ (د زمري پر ۲۹مه) وویل، چې د طالبانو د کډوالو عالي کمېسیون، د رياست الوزرا داداري او مالي مرستيال او ملي دفاع وزارت مقام له خوا به د هرات ولايت د پېښې ټول مړي د یوې ځانګړې نظامي هوايي الوتنې په مټ د کابل ۴۰۰ بستریز روغتون ته انتقال شي.
د دوی په وینا؛ د دغه ډول قلمونو پېر او پلور د ماشومانو د راتلونکې په اړه د دوی کورنۍ اندېښمنې کړې دي. د معلوماتو پربنسټ؛ د وسلو په بڼه جوړه شوې دغه قرطاسیه په پلورنځیو، کلیو او د ښوونځیو شاوخوا هټیو کې په پراخه کچه شته او ماشومان یې په ازاده توګه پېري.
د محمد په مسعار نوم د خوست یوه اوسېدونکي ویلي، یاد قلمونه تازه له چین او پاکستان څخه افغانستان ته راوړل شوي دي.
هغه وایي، چې په ازاده توګه د دغه ډول توکو کارونه او په ځانګړې توګه د ماشومانو له لوري ورته اسانه لاسرسی په ټولنه کې د سخت دریځۍ ریښې پیاوړې کوي او ټولنه د تاوتریخوالي لور ته بیايي.
له بل پلوه د طالبانو له لوري د یادو توکو د پېر او پلور اجازې د ماشومانو د کورنیو سخته غوسه راپارولې ده. دا په داسې حال کې ده، چې طالبان د دوی تر واک لاندې په ملي راډیو ټلویزون کې په دوامداره توګه داسې برنامې خپروي چې پهکې د چاودنو، بمونو او د تاوتریخوالي ځینو نورو بڼو ته هم اشاره شوې وي.
د یادونې ده، چې طالبان په ځینو مراسمو او په ځانګړې توګه د خپلې واکمنۍ کلیزو پرمهال په رسمي پوځي پریډونو کې بوشکهیي بمونه او ځانمرګي واسکټونه هم نندارې ته وړاندې کړي دي.
