د طالبانو د بهرنیو چارو وزارت په یوې خبرپاڼه کې ویلي، چې د دغې ډلې د بهرنیو چارو وزیر امیر خان متقي په کابل کې د چین د بهرنیو چارو له وزیر وانګ یي او مل پلاوي سره یې لیدلي دي.
د طالبانو مرستیال ویاند حمدالله فطرت نن چهارشنبه (د زمري ۲۹مه) پر اېکس پاڼه لیکلي، چې د دواړو لوریو ترمنځ ناسته کې د افغانستان او چین د دوه اړخیزو همکاریو پر پراختیا خبرې شوې دي.
په ورته وخت کې د پاکستان د بهرنیو چارو وزارت ویلي، چې د پاکستان د بهرنیو چارو وزیر او مل پلاوی یې هم په درې اړخیزه غونډه کې د ګډون په موخه کابل ته رسېدلی دی. د کابل هوايي ډګر ته د نوموړي د هرکلي لپاره د طالبانو د بهرنیو چارو مرستیال محمد نعیم ورغلی و.
اسحاق ډار سره په دغه سفر کې د یاد هېواد د رېل پټلۍ وزیر او د افغانستان په چارو کې د پاکستان ځانګړی استازی محمد صادق هم ملتیا کوي.
وړاندې د طالبانو د بهرنیو چارو وزارت ویلي و، چې په دغه غونډه کې به د درې واړو هېوادونو ترمنځ د سیاسي، اقتصادي او سیمهییزو همکاریو په ګډون پر یو لړ مهمو موضوعاتو هر اړخیز بحثونه وشي.
د دوی په وینا؛ د دغه ډول قلمونو پېر او پلور د ماشومانو د راتلونکې په اړه د دوی کورنۍ اندېښمنې کړې دي. د معلوماتو پربنسټ؛ د وسلو په بڼه جوړه شوې دغه قرطاسیه په پلورنځیو، کلیو او د ښوونځیو شاوخوا هټیو کې په پراخه کچه شته او ماشومان یې په ازاده توګه پېري.
د محمد په مسعار نوم د خوست یوه اوسېدونکي ویلي، یاد قلمونه تازه له چین او پاکستان څخه افغانستان ته راوړل شوي دي.
هغه وایي، چې په ازاده توګه د دغه ډول توکو کارونه او په ځانګړې توګه د ماشومانو له لوري ورته اسانه لاسرسی په ټولنه کې د سخت دریځۍ ریښې پیاوړې کوي او ټولنه د تاوتریخوالي لور ته بیايي.
له بل پلوه د طالبانو له لوري د یادو توکو د پېر او پلور اجازې د ماشومانو د کورنیو سخته غوسه راپارولې ده. دا په داسې حال کې ده، چې طالبان د دوی تر واک لاندې په ملي راډیو ټلویزون کې په دوامداره توګه داسې برنامې خپروي چې پهکې د چاودنو، بمونو او د تاوتریخوالي ځینو نورو بڼو ته هم اشاره شوې وي.
د یادونې ده، چې طالبان په ځینو مراسمو او په ځانګړې توګه د خپلې واکمنۍ کلیزو پرمهال په رسمي پوځي پریډونو کې بوشکهیي بمونه او ځانمرګي واسکټونه هم نندارې ته وړاندې کړي دي.
که څه هم فډارسیون دا نهدي ویلي، چې د سېلابونو پرمهال دغه کسان په کومو ځایونو کې د یاد افغان ملي لوبغاړي له لوري ژغورل شوي؛ خو نوموړي د ننګرهار د وروستیو سېلابونو پرمهال هم یو شمېر کسان ژغورلي وو.
یاد فډراسیون د ښاغلي نبيزاده له هڅو او سرښندونو ستاینه کړې او ویلي یې دي، چې نوموړي د سر په بیه د نورو مرستو ته وردانګلي دي. د اېمل نبيزاده ورزشي فعالیتونه یوازې لامبو وهلو پورې محدود نهدي؛ بلکې هغه دا مهال په ننګرهار کې د پیداګوژۍ فوټبال لوبډلې لوبډلمشر هم دی او د فوټبال ښه مخینه لري.
فډراسیون ویلي، چې نبيزاده تر دې واړندې هم په ننګرهار، کونړ او لغمان ولایتونو کې څو ځلې په اوبو کې د ډوبېدو پرمهال د خلکو ژوند ژغورلی دی.
په ننګرهار کې د اېمل او ځینو نورو هغو کسانو ویډیوګانې چې د سېلابونو پرمهال یې خلک او په ځانګړې توګه ماشومان ژغورلي، په خواله رسنیو کې د خلکو له تود هرکلي سره مخ شوې دي.
