د طالبانو د بامیان ولایت د عامې روغتیا ریاست یو مکتوب افغانستان انټرنشنل ترلاسه کړی، چې د طالبانو د بامیان مستوفیت غوښتنه کړې، چې باید د دولتي روغتون مراجعین ځانګړی فیس تحویل کړي. د طالبانو د بامیان ولایت مقام ددې غوښتنې د عملي کېدو امر کړی دی.
د ترلاسه شوي مکتوب له مخې، چې دوه اونۍ وړاندې صادر شوی دی، د طالبانو د بامیان مستوفیت ادارې خپل وړاندیز ددې ډلې عامې روغتیا ریاست ته لېږلی او د بامیان ولایت مقام ورته د عملي کېدو امر کړی دی.
تر اوسه د طالبانو د عامې روغتیا وزارت په دولتي روغتون کې له مراجعینو د فیس اخیستو په تړاو په رسمي ډول څه نه دي ویلي.
دا لومړی ځل دی، چې طالبانو د بامیان په دولتي روغتون کې له مراجعینو څخه د فیس اخېستلو موضوع را پورته کړې ده.
د امریکا د مرستو بندېدو سره طالبانو د ټولو دولتي ادارو ترڅنګ په خپلو وسله والو کې شل سلنه تنقیص موضوع راپورته کړه او د ملاهبت الله دې حکم د عملي کېدو چارې روانې دي.
