حامد کرزي متقاعدینو ته د طالبانو له خوا د معاشونو ورکولو د پرېکړې هرکلی کړی
پخواني ولسمشر حامد کرزي د طالبانو له خوا متقاعدینو ته د معاشونو ورکولو د پرېکړې هرکلی وکړ. کرزي هیله څرګنده کړې، چې ټول مستحق کسان زر تر زره خپل معاشونه ترلاسه کړي.
پخواني ولسمشر حامد کرزي د طالبانو له خوا متقاعدینو ته د معاشونو ورکولو د پرېکړې هرکلی وکړ. کرزي هیله څرګنده کړې، چې ټول مستحق کسان زر تر زره خپل معاشونه ترلاسه کړي.
پخواني ولسمشر حامد کرزي نن دوشنبه «وږي ۳مه» پر خپله اېکسپاڼه لیکلي، چې متقاعدینو د خپل ژوند زیاته برخه د خپل ګران هیواد او خلکو په خدمت کې تیره کړې ده.
د طالبانو مالیې وزارت تېره ورځ اعلان وکړ، چې د دې ډلې د مشر ملا هبت الله په حکم یې څو کټګورۍ ملکي او نظامي متقاعدینو ته د تقاعد معاشونو ورکولو پروسه بېرته پیل کړې ده.
د طالبانو اړوند کورنیو رسنیو د یکشنبې په ورځ راپور ورکړ، چې د طالبانو د مشر ملا هبت الله اخوندزاده د فرمان له مخې ملکي او نظامي متقاعدینو ته د معاشونو د ورکړې پروسه بېرته پیلیږي.
