جرمني ټولنو په پاکستان کې له زنداني افغان کډوالو سره د مرستې غوښتنه وکړه
د دوشنبې په ورځ لسګونه ادارو د جرمني له حکومته وغوښتل، چې له پاکستانه دې د زرګونه افغانانو د اېستلو مخه ونیسي. دا هغه کډوال دي چې جرمني د پناه ورکولو ژمنه ورسره کړې وه.
د دوشنبې په ورځ لسګونه ادارو د جرمني له حکومته وغوښتل، چې له پاکستانه دې د زرګونه افغانانو د اېستلو مخه ونیسي. دا هغه کډوال دي چې جرمني د پناه ورکولو ژمنه ورسره کړې وه.
ډان ورځپاڼې سېشنبه (د وږي ۴مه) لیکلي، د جرمني د وکیلانو ټولنې په نوښت تر ۵۰ ډېرو ټولنو د جرمني له حکومته غوښتي چې له ۲۰۰۰ ډېر افغانان دې له پاکستانه نه شړل کېږي.
دغه مدني ټولنو له حکومته غوښتي، چې د امنیتي څېړنو بهیر چټک کړي او هغه افغانان ژر راوباسي چې دوسیې یې څېړل شوې دي؛ په تېره بیا وکیلان، قاضیان، مدني فعالان، خبریالان او لږکي چې په افغانستان کې له ګواښ سره مخ دي.
په بیان کې ویل شوي: «جرمنی د هغو افغانانو پر وړاندې ځانګړی مسوولیت لري، چې پر موږ یې باور کړی او اوس یې د ډیموکراسۍ او بشري حقونو د ملاتړ له امله ژوند له ګواښ سره مخ دی.»
تېره اونۍ برلین تایید کړه، چې ۴۵۰هغه افغانان چې په اسلاماباد کې جرمني ته د تګ په تمه وو؛ پاکستاني پولیسو نیولي او له دې ډلې تر ۲۰۰ ډېر یې بېرته افغانستان ته استولي دي.
