جرمني، فرانسه او هسپانیه د ګډې جنګي الوتکې د پروژې د برخلیک لپاره راټولېږي

د ایټالیا د بهرنیو چارو وزیر انتونیو تاجاني د پنجشنبې په ورځ په روم کې د کابینې له ناستې وروسته وویل:« جګړه د ځینو خلکو د اټکل او تمې خلاف ژر نه ختمیږي. زه نه غواړم بدبین و اوسم، خو فکر نه کوم چې د روان کال تر پایه دې، د دغې جګړې د حل امکان وي.»

نوموړي زیاته کړه:«که روسیه په همدې ډول دوام ورکړي، ښکاره خبره ده، چې نوي بندیزونه به پرې ولګول شي.»

د ایټالیا د بهرنیو چارو وزیر دا څرګندونې داسې مهال کوي، چې د اوکراین او روسیې تر منځ د سولې موضوع خورا ګرمه روانه ده.

بلخوا روسیې د پنجشنبې په ورځ د اوکراین پر ځینو سیمو بریدونه کړي او ۱۸ کسان یې وژلي دي.

ډیلي میل ورځپانې د پنجشنبې په ورځ (د وږي ۶مه) راپور ورکړی چې پېښه د جولای په ۲۲مه د ننیټون ښار په یوې خاموشه سیمه کې پېښه شوې.

پولیس وايي، احمد مولاخیل پر نجلۍ درې ځله جنسي تېری کړی، دوه ځله یې جنسي ځورونه کړې او هڅه یې کړې نجلۍ وتښتوي.

همدا ډول محمد کبیر بیا په دغه عمل کې د همکارۍ او د ماشومې د تښتولو د هڅې په تور محاکمه کېږي.

څارنیزو کامرو د پېښې د شپې هغه ویډیو ثبت کړې چې پکې یو سړی د نجلۍ ترڅنګ روان ښکاري. پولیس وايي، برید تر هغې شاوخوا نیم ساعت وروسته شوی.

د بریتانوي رسنیو د راپورونو له مخې، دواړه تورن کسان په هغو کورونو کې اوسېدل چې د مالیه ورکوونکو له پیسو په کرایه اخیستل شوي.

د قضیې په تړاو د بریتانیا په سیاسي ډګر کې هم سخت غبرګونونه راپارېدلي دي.

د رېفورم یو کې ګوند مشر نایجل فراج او د واروېکشایر د ولایتي شورا مشر جورج فینچ پولیسو باندې نیوکه کړې چې د تورنو کسانو د کډوالۍ او تابعیت جزییات یې پټ ساتلي دي.

هغوی ټینګار کوي چې د داسې پېښو پټول نه یوازې د خلکو باور زیانمنوي، بلکې د ټولنې تر منځ د کړکېچ سبب هم ګرځي.

د کورنیو چارو وزیرې یویټ کوپر بیا ویلي چې پولیس باید په ورته قضیو کې زیاته روڼتیا ولري او عامو خلکو ته د تورنو کسانو د شالید په اړه سم معلومات ورکړي.

ټاکل شوې چې د دې دوسیې بله اورېدنه د نومبر په ۲۱مه او د اصلي محاکمې نېټه د راتلونکي کال د جنورۍ په ۲۶مه وي.

پاکستاني چارواکي وايي، چې د سختو بارانونو او د هند له بندونو نه د اوبو خوشې کېدو له امله راوتلي سېلابونه لا هم سوېلي پنجاب ته لوی ګواښ دی. تر اوسه پورې له ۱۵۰زرو ډېر خلک او لسګونه زره څاروي خوندي ځایونو ته لېږدول شوي دي.

له ۷۰۰ ډېرو کلیو کې د روغتیا او مرستې کمپونه جوړ شوي دي. په اغېزمنو سیمو کې سیال‌کوټ، نارووال، ګجرات، چنیوټ، قصور، اوکاړه، بهاول‌پور او نورې ولسوالۍ شاملې دي.

د پاکستان د طبیعي پېښو د مدیریت ملي ادارې خبرداری ورکړی، که د قادر‌اباد بند مات شي؛ نو د حافظ‌اباد او چنیوټ سیمې به له جدي ګواښ سره مخ شي.

جویس موسویا امنیت شورا ته په خپله وینا کې څرګنده کړه، چې قحطي په رسمي ډول په شمالي او مرکزي غزه کې تایید شوې او د سپټمبر میاشتې تر پایه به د دیرالبلح او خان‌یونس سیمو ته هم وغځېږي.

نوموړې وویل: «تر اوسه نیم میلیونه خلک د لوږې، بې‌وزلۍ او مرګ له جدي ګواښ سره مخ دي. که د مرستو مخه ونیول شي، دا شمېر به د سپټمبر تر پایه له ۶۴۰زرو واوړي.»

ملګرو ملتونو اټکل کړی، چې لږ تر لږه ۱۳۲زره هغه ماشومان چې عمرونه یې له پنځو کلونو نه کم دي، د سختې خوارځواکۍ له ګواښ سره مخ دي. له دې ډلې څه باندې ۴۳زره ماشومان ښايي په راتلونکو میاشتو کې د ژوند له مرګوني ګواښ سره مخ شي.

موسویا ټینګار کړی: «دا قحطي د وچکالۍ یا طبیعي ناورین پایله نه ده، بلکې د انسان په لاس جوړ شوی ناورین دی چې د جګړې، ملکي مرګژوبلې، ویجاړۍ او جبري بې‌ځایه‌کېدو له امله رامنځته شوې ده.»

بلخوا، د غزې د روغتیا وزارت تایید کړې چې په تېرو ۲۴ساعتونو کې د لوږې او خوارځواکۍ له امله لس تنه نور هم مړه شوي، چې په هغوی کې دوه ماشومان هم شامل دي.

د وزارت په وینا، د جګړې له پیله تر اوسه پورې په غزه کې د لوږې او خوارځواکۍ له امله ۳۱۳تنه مړه شوي، چې له دې ډلې ۱۱۹ ماشومان دي.

کارپوهان او مرستندویه ادارې وايي، د اسراییل بمبار او کلکه محاصره د دې لامل شوې چې د ژغورونکو مرستو ډېره برخه غزې ته ونه رسېږي.

هغه زیاته کړې، چې دواړه هېوادونه د ګډو تاریخي او کلتوري ریښو له امله کولای شي د هنر، ادبیاتو او علمي تبادلو په برخه کې پراخې همکارۍ ولري.

صالحی ټینګار کړی، چې د ایران کلتوري بنسټونه به د افغان کلتوري او هنري فعالانو د طرحو او پروژو هرکلی وکړي او د دې اړیکو د لا ژورتیا لپاره به هڅې روانې وساتي.

د نوموړي په وینا، کلتوري همکارۍ کولای شي چې د ولسونو ترمنځ د متقابل درک او دوستۍ اړیکې لا پیاوړې کړي.

نوموړی دغه څرګندونې په داسې حال کې کوي، چې همدا څو ورځې وړاندې د ایران ولسمشر مسعود پزشکیان او په کابل کې د ایران سفارت د ابو علي سینا بلخي چې د تاریخ له سترو علمي شخصیتونو څخه شمېرل کېږي، په خپرو شویو پیغامونو کې د هغه د نوم ترڅنګ د «بلخي» د تخلص له لیکلو ډډه وکړه، چې د افغانانو له پراخو غبرګونونو سره مخ شو.