حوثيانو په یمن کې د ملګرو ملتونو پر دفترونو برید کړی او ۱۱ کارکوونکي یې نیولي دي

دواړو مشرانو د پاکستان او ترکیې ترمنځ د سیاسي، اقتصادي، دفاعي او امنیتي برخو کې د همکارۍ د زیاتوالي ستاینه کړې ده.

د پاکستاني رسنیو د رپوټ له مخې، دوی همدراز په غزه کې د بشري وضعیت د خرابیدو په اړه ژوره اندیښنه څرګنده کړې او د فلسطینیانو د مشروع حقونو د ملاتړ او د اسراییل د روان تیري د پالیسیو غندنه یې کړې ده.

د مېرڅ څرګندونې داسې مهال دي، چې د امریکا د ولسمشر ډونالډ ټرمپ له‌خوا د روسیې او اوکراین د ولسمشرانو د کتنې په تړاو ضرب‌الاجل سبا پای ته رسېږي.

ټرمپ ګواښ کړی چې که دغه ناسته ترسره نه شي، نو «اغېزې» به ولري.

مېرڅ او د فرانسې ولسمشر امانوېل مکرون د جګړې پړه د روسیې پر ولسمشر ولادیمیر پوتین اچولې او له امریکا یې غوښتي چې پر مسکو نور سخت بندیزونه ولګوي.

مېرڅ زي ډي اېف عامه ټلویزیون سره په مرکه کې وویل: « زه په داخلي توګه ځان دې ته تیاروم چې دا جګړه به اوږده وي. هڅې کېږي د پراخو دیپلماتیکو نوښتونو له لارې ژر پای ته ورسېږي، خو دا د اوکراین د تسلیمېدو په بیه نه شي کېدای، ځکه که داسې وشي، روسیه به بیا بل هېواد په نښه کړي او سبا یا بل سبا به وار زموږ پر سر راشي. دا د منلو وړ نه ده».

هغه د دې پوښتنې ځواب ورنه‌کړ چې ایا جرمني به د سولې د احتمالي تړون په صورت کې د امنیتي ضمانتونو لپاره پوځیان اوکراین ته واستوي که نه.

بریتانیا او فرانسه د «تضمینوونکي ځواک» د جوړولو وړاندیز مخته وړي څو د روسیې د راتلونکو احتمالي بریدونو مخه ونیسي، خو د جرمني د ګډون احتمال د دغه هېواد په ولس کې اندېښنې راپورته کړې دي.

کرملین د یکشنبې په ورځ وویل چې اروپايي قدرتونه د ټرمپ د سولې د هڅو پر وړاندې خنډ کېږي او روسیه به خپل عملیات تر هغه وخته وغځوي، چې د کییف له‌خوا د سولې رښتینې نښې نښانې وویني.

طالبانو ویلي، چې د ایران د صنعت، کانونو او سوداګرۍ وزیر په مشرۍ به ایرانی پلاوی افغانستان ته سفر وکړي او د دواړو هېوادونو د اقتصادي، سوداګریزو، کانونو او نفتو ګډه ناسته به د دوغارون پر پوله ترسره شي.

افغانستان ته د ایراني پلاوي د سفر د کره نیټې په اړه جزییات نه دې ورکول شوي.

د طالبانو د سوداګرۍ وزارت په خبرپاڼه کې ویل شوي، چې د ایران له سفیر سره یې یاد هېواد ته د افغانستان د پنبې صادراتو او او پروسس د زیاتوالي، د کاني موادو او ایران د پنبې په برخه کې د افغان سوداګرو د سفر د همغږۍ په اړه هم خبرې کړې دي.

د هند د بهرنیو چارو وزارت د څرګندونو له مخې، دواړو مشرانو دا اړينه ګڼلې، چې د دوه اړخيزې سوداګرۍ او پانګونې د پراختيا او د سوداګرۍ د کسر کمولو لپاره يو سياسي او ستراتيژيک لوری رامنځته شي. د مودي او شي جين پينګ تر منځ خبرې د ټرمپ د تعرفو له کړکېچ سره هممهاله دي.

په داسې حال کې، چې نیویارک ټایمز وايي، ولسمشر ډونالډ ټرمپ نوي ډیلي ته خپل راتلونکی سفر لغو کړی، د هند لومړي وزیرد چین ولسمشر شي جين پينګ ته په بریکس سرمشريزه کې د ګډون بلنه ورکړې ده.

مودي چې له اوو کلونو وروسته لومړی ځل چين ته تللی، د شانګهای د همکارۍ سازمان دوه ورځني غونډه کې یې برخه اخېستې. په دې غونډه کې د روسیې ولسمشر ولاديمير پوتين او د مرکزي اسيا، جنوبي، سوېل ختيزې اسیا او منځني ختيځ نورو مشرانو هم ګډون کړی دی.

دا دوه اړخيزه ليدنه د روسي تېلو د پېرنې له امله پر هندي توکو د ټرمپ۵۰ سلنه تعرفې له لګېدو وروسته کیږي.

د رویټرز د رپوټ له مخې، شنونکي وايي چې شي او مودي دواړه غواړي د لوېديځ د فشار پر وړاندې ګډ دريځ څرګند کړي.

مودي ټینګار کړی چې هند او چين "ستراتيژيکه خپلواکي" تعقيبوي او اړيکې یې بايد د درېيم هېواد له زاويې ونه کتل شي.

خو له دې ټولو سره سره د دواړو هېوادونو ترمنځ سرحدي شخړې او پر ځینو نورو مسایلو اختلاف پرخپل ځای پاتې دی.

رویټرز خبري اژانس د اودیسه والي په حواله راپور ورکړی چې د ښار ترڅنګ، د چورنو مورسک بندري ښار ته هم ډېر زیان اوښتی دی. په دې ښار کې کورونو او ادارو ته زیان رسېدلی او یو کس هم ټپي شوی دی.

د یاد ښار والي زیاته کړې چې دوی اوس د ښار مهم برېښناکوټونه د جنرېټرونو د برېښنا په مرسته فعال کړي دي.

روسيې په وروستيو کې د اوکراين پر برېښنايي تاسیساتو بريدونه ډېر کړي چې اوکراین بیا په ځوابي بریدونو کې د روسيې د تېلو تصفيه‌خونې په نښه کړل. تېره پنج‌شنبه روسیې پر کېیف لوی برید وکړ چې په ترڅ کې یې ۲۵ کسان ووژل شول.