د کونړ د نن ورځې زلزلې شدت ۵،۵ درجې ښودل شوی

په افغانستان کې د ترکیې سفارت ویلي چې د دواړو هېوادونو د تاریخي ورورولۍ او دوستۍ پر بنسټ د زلزله‌ځپلو افغانانو زخمونو ته د مرهم کېدو هڅې د خپلې کاري اجنډا په سر کې نیسي.

د اعلامیې له مخې، د ترکیې د همکارۍ او همغږۍ اداره (تیکا) د ۷۰ کیلوګرامه خوراکي توکو یوه جوپه برابرې کړې چې اوړه، وریجې، غوړي، بوره، چای او د پخلنځي اړین وسایل پکې شامل دي.

د خبرپاڼې له مخې، دغه مرستې به نن ماښام زلزله‌ځپلو سیمو ته واستول شي او زر کورنۍ به ترې برخمنې شي.

خبرپاڼه زیاتوي، په ورته وخت کې د ترکیې سرې میاشتې له تېرې شپې راهیسې په اغېزمنو سیمو کې د ګرمو خوړو وېش پیل کړی دی او د افغانستان د سرې میاشتې ټولنې په همغږۍ د طبي وسایلو او درملو د برابرولو پلان هم شته.

راشد خان په ایکس لیکلي: «د کونړ د خلکو له ناورین وروسته زړه ماتی شوی یم، ما د قربانیانو د ملاتړ لپاره د مرستو کمپاین پیل کړی، هره مرسته کولی شي د ژوندو په بېرته رغولو کې مرسته وکړي، مهرباني وکړئ زموږ ترڅنګ ودرېږئ.»

همدارنګه، محمد نبي هم په خپل پوسټ کې د افغانانو او د نړیوالو د مرستو غوښتنه کړې ده.

نوموړي لیکلي: «یوې قوي زلزلې په کونړ او ننګرهار کې له ۱۴۰۰ څخه ډېر کسان مړه او ګڼې کورنۍ بې‌کوره کړې دي، زموږ خلک بېړنۍ مرستې ته اړتیا لري، هره مرسته مهمه ده.»

دوی دواړو د خپلو کمپاینونو لینکونه له خپلو مینه‌والو سره شریک کړي او ټینګار یې کړی چې د زلزله‌ځپلو کورنیو ملاتړ د هر افغان او انسان ګډ مسوولیت دی.

د طالبانو تر واک لاندي د هوا پوهنې ادارې د سې شنبې په ورځ په يوه خبرپاڼه کې ويلي، چې په نورستان، کونړ، ننګرهار، لغمان، کاپیسا، پنجشیر، پروان، کابل کې ځای ځای باران، لوګر، میدان وردک، خوست، پکتیا ولایتونو کې د بارانونو، سېلابونو، تالنده برېښنا، خاورو دوړو او تېزو بادونو اټکل کیږي.

یاده اداره زیاتوي چې په سویل ختیزو، مرکزي او لویدیزو ولایتونو کې د تېزو بادونو، خاورو او دوړو پېښیدو اټکل شته چې د سرعت کچه یې په بېلابېلو سیمو کې له (۵۰ څخه تر۷۰) کیلو متره په ساعت کې اټکل کیږي.

ایګیلند د ایکس په یوه تازه پوسټ کې ویلي، هغه مرستندوی هېوادونه چې په وروستیو کلونو کې یې افغانستان هېر کړی، باید بېرته ورستانه شي، ځکه د زلزلې له امله د سیمې هره کورنۍ زیانمنه شوې ده.

نوموړي ټینګار کړی: «نږدې هر کور زیانمن یا نړېدلی دی، ژوندي پاتې شويو کسانو نږدې هر څه له لاسه ورکړي دي.»

د هغه په وینا، د ناروې کډوالو شورا (NRC) په ځپلو سیمو کې حضور لري او د ګډو ارزونو وروستۍ پړاوونه بشپړوي، څو ژر تر ژره د بېړنیو مرستو لړۍ پیل کړي.

ایګیلند زیاتوي: «کورنۍ نور د تمې وس نه لري، خو هېڅ واقعي تمویل نشته.»

هغه پر ناټو غړو هېوادونو غږ کړی چې خپلې ژمنې عملي کړي: «هغه وعدې چې د افغان نجونو او هلکانو ترڅنګ د درېدو لپاره د ناټو هر هېواد له لوري شوې، نورې باید ماتي نه شي.»

د چمتووالي او بحران مدیریت لپاره د اروپايي ټولنې کمیشنرې په خپله اېکسپاڼه کې لیکلي، چې مرسته شوې پیسې به د بشري مرستو هغو شریکانو ته ورکړل شي چې دمخه یې هلته د مرستې عملیات پیل کړي دي.

هغې زیاته کړه، چې د کوپرنیکس سپوږمکۍ خدمت یې فعال کړي څو بیړنۍ نقشې تولید کړي.