بېلاروس د امریکا د ولسمشر ډونالډ ټرمپ په غوښتنه ۵۲ بندیان خوشې کړل او د امریکا له مرکچي پلاوي سره لیتوانیا ته ولاړل. په ویلنیوس کې د امریکا سفارت ویلي، چې دا د بندیانو تر ټولو ستره ډله ده چې ولسمشر الکساندر لوکاشینکو یې بښي.
ټرمپ، چې د روسیې د ولسمشر ولادیمیر پوتین نږدې متحد لوکاشینکو ته یې زنګ کړی و، دغه بندیان "یرغمل" بللي وو. منسک وروسته د هغوی خوشې کول تایید کړل.
د دغه اقدام په بدل کې واشنګټن د بېلاروس پر ملي هوايي کرښې (Belavia) ځینې بندیزونه نرم کړل او دغه شرکت ته یې اجازه ورکړه چې د خپلو بوینګ الوتکو لپاره پرزې او خدمت ترلاسه کړي.
خو خوشې شوي کسان د هغو۱۴۰۰ بندیانو یوازې یوه برخه جوړوي چې ټرمپ یې د تېرې میاشتې په خبرو کې له لوکاشینکو د خوشي کولو غوښتنه کړې وه.
په خوشې شویو کې ایهار لوسیک (۳۳ کلن خبریال) هم شامل دی چې په ۲۰۲۱ کال کې د "شخړې پارونې و د بلوا د تنظیم" په تور په ۱۵ کلونو بند محکوم شوی و.