د امریکا او بریتانیا حکومتونه به د ولسمشر ډونالډ ټرمپ د رسمي سفر پر مهال د ټکنالوژۍ او ملکي اټومي انرژۍ په اړه مهم تړونونه اعلان کړي. په همدې حال کې لندن هڅه کوي له واشنګټن سره د فولادو او المونیمو د تعرفو پر ټیټولو خبرې وروستۍ کړي.
ټرمپ او د هغه مېرمن میلانیا ټاکل شوې د چهارشنبې په ورځ د برېتانوي شاهي مراسمو په ځانګړو تشریفاتو کې ګډون وکړي، چې د بګۍ کاروان، دولتي مېلمستیا، د پوځي الوتکو الوتنې او د توپونو ډزې پکې شاملې دي.
د بریتانیا حکومت هیله لري چې د شاهي کورنۍ د تشریفاتي ډېپلوماسۍ له لارې د ټرمپ پام ځانته واړوي، څو د دواړو هېوادونو د دفاع، امنیت او انرژۍ اړیکې لا پیاوړې شي.
لومړی وزیر کېیر سټارمر به د پنجشنبې په ورځ ټرمپ د چیکرز استوګنځي ته وبولي، څو د اوکراین په څېر نړیوالو مسایلو او د فولادو او المونیمو پر تعرفو د خبرو ترڅنګ، د ټکنالوژۍ او انرژۍ تړونونه هم اعلان کړي.
د سټارمر د ویاند په وینا، دواړه هېوادونه به «د نړۍ مخکښ ټکنالوژيکي شراکت» لاسلیک کړي او په میلیاردونو ډالرو تړونونه به د کوچنیو اټومي پروژو د پراختیا لپاره وشي، چې ځینې یې د مصنوعي ځیرکتیا د معلوماتي مرکزونو برېښنا پوره کولو ته ځانګړي دي.
خپله سټارمر ویلي: «د بریتانیا او امریکا اړیکې د نړۍ تر ټولو پیاوړې اړیکې دي او دا اونۍ موږ په دې اړیکو کې یو نوی فصل پرانیزو.»
سټارمر لومړنی نړیوال مشر و چې له ټرمپ سره یې د تعرفو د کمولو اقتصادي تړون لاسلیک کړ.
د موټرو پر تعرفو وروستۍ پرېکړه په جون کې شوې وه، خو د فولادو او المونیمو تړون لا بشپړ شوی نه دی.
رویټرز خبري اژانس د یکشنبې په ورځ (د وږي ۲۳مه) راپور ورکړ، هغه معترضین چې د ترکیې بیرغ او د ګوند بنرونه یې په لاس کې و، په خپلو شعارونو سره یې له ولسمشرۍ د رجب طیب اردوغان د ګوښه کېدو غوښتنه کوله.
ټاکل شوې سبا (دوشنبه د وږي ۲۴مه) د خلق جمهوري پال ګوند د ۲۰۲۳ کال د کانګرې د اعتبار په تړاو پرېکړه وکړي، ځکه ویل کېږي په هغه کې مقررات نقض شوي دي.
د محکمې په دې حکم سره به د ترکیې د تر ټولو مهم ګوند جوړښت ګډوډ شي، د ترکیې پر مالي بازارونو به اغېر وکړي او همداراز به پر ۲۰۲۸ کال سراسري ټاکنو هم اغېز وکړي.
په دې وروستیو ورځو کې په ترکیه کې سیاسي فضا د خلق جمهوري پال ګوند اړوندو تحولاتو تر خپل سیوري لاندې راوستی او د «نېټ بلاکس» چې په نړۍ کې پر انټرنېټ غېر دولتي څارنیز سازمان دی، د وږي پر ۱۶مه یې اعلان وکړ چې په ترکیه کې پر ټولو ټولنیزو شبکو محدودیتونه لګول شوي دي.
د خلق جمهوري پال ګوند مشر له وخت مخکې د ټاکنو غوښتونکی شو
د خلق جمهوري پال ګوند مشر اوزګور اوزل په انقره کې وویل: «دولت هڅې کوي د ډيموکراټیکو لارو چارو په کمزوري کولو او د مخالفینو د ځپلو له لارو خپله بقا تضمین کړي.»
هغه په ترکیه کې له وخت مخکې د ټاکنو پر ترسره کولو له ټينګار سربېره زیاته کړه: «دغه دوسیه سیاسي ده. تورونه افتراوې دي. زموږ ملګري بې ګناه دي. هغه څه چې اوس کېږي، کودتا ده، د راتلونکي ولسمشر پر ضد کودتا او د راتلونکي دولت پر ضد کودتا ده. موږ به مقاومت وکړو.»
تر دې مخکې داسې راپورونه خپاره شوي و، چې د استانبول ښارال اکرم امام اوغلو او د دولت د څو نورو مهمو مخالفینو له بندي کېدو وروسته به اپوزیسیون د انقرې ښاروال منصور یاواش راتلونکو ولسمشریزو ټاکنو ته نوماند کړي.
د ترکیې دولت بیا د خلق جمهوري پال ګوند پر ضد په قضايي بهیر کې هر ډول سیاسي انګېزه رد کړې او د قضایه قوې پر خپلواکۍ یې ټينګار کړی دی.