د مزار شریف پر لار په یوه ترافیکې پېښه کې ۸ کسان ټپيان شوي دي
طالب چارواکي وايي، د مزارشریف ـ دره صوف پر لار د دوو ټکسي موټرو د ټکر له امله ۸ تنه ټپیان شوي دي. طالبانو ویلي، چې په ټپیانو کې پنځه ښځې، دوه ماشومان او یو سړی شامل دي.
طالب چارواکي وايي، د مزارشریف ـ دره صوف پر لار د دوو ټکسي موټرو د ټکر له امله ۸ تنه ټپیان شوي دي. طالبانو ویلي، چې په ټپیانو کې پنځه ښځې، دوه ماشومان او یو سړی شامل دي.
طالبانو د یکشنبې په ورځ ویلي، چې دا پېښه د مزارشریف ـ دره صوف پر لار د شولګرې په قوربقهخانه سیمه کې رامنځته شوې ده.
ځايي طالب مسوولینو زياته کړې، چې دواړه موټر له دره صوف ولسوالۍ څخه مراز شریف ته روان وو.
د دوی په خبره، چې ټپيان ټول د دره صوف اوسېدونکي دي او د درملنې لپاره ځایي روغتیايي مرکز ته وړل شوي دي.
طالبانو د دغه پيښې لامل د موټر چلوونکو بې احتیاطي یاده کړې.
