د ملګرو ملتونو د بشري حقونو عالي کمېشنر: غزه کې باید وژنه، لوږه او ویجارۍ ژر پای ته ورسېږي
د ملګرو ملتونو د بشري حقونو عالي کمېشنر ولکر تورک د غزې د اوربند د پلان له اعلان وروسته وویل، له دې وروسته باید ټول اقدامات د اوربند بېړنیو موخو ته ژمن وي. نوموړي ټینګار وکړ چې لومړی دې په غزه کې وژنې، لوږه او ویجارۍ ژر پای ته ورسول شي.
هغه زیاته کړه چې برمته شوي او بې دلیله نیول شوي فلسطینیان دې باید خوندي او له درناوي سره ستانه کړل شي.
تورک دا هم ویلي چې د جګړې او کرکې زهرجن تبلیغات باید پای ته ورسېږي.
