متقي: هند او پاکستان دې تجاري مسایل نه سیاسي کوي

د طالبانو د بهرنیو چارو وزیر مولوي امیرخان متقي نوې ډیلي کې د یوه خبري کنفرانس پر مهال وویل چې هند او پاکستان دې اقتصادي، بشري او سوداګریز مسایل نه سیاسي کوي. متقي زیاته کړه، سوداګري د خلکو حق دی او دواړه هېوادونه دې د لارې د تړلو مخنیوی وکړي.

متقي واګه بندر له لارې د افغانستان سوداګري ګټوره یاده کړه او ویې ویل، دا لار د سوداګریزو توکو لیږد رالیږد لپاره تر ټولو نږدې او کم مصرفه لار ده.