طالبانو د فراه له زندانه ۸۴بندیان خوشې کړل
د طالبانو تر ادارې لاندې باختر خبري اژانس وايي چې په فراه ولایت کې سیمه ییزو چارواکو د طالبانو د مشر ملا هبت الله اخوندزاده په امر ۸۴ بندیان خوشې کړي او د ۶۳ نورو د بند موده یې کمه کړې ده.
د طالبانو تر ادارې لاندې باختر خبري اژانس وايي چې په فراه ولایت کې سیمه ییزو چارواکو د طالبانو د مشر ملا هبت الله اخوندزاده په امر ۸۴ بندیان خوشې کړي او د ۶۳ نورو د بند موده یې کمه کړې ده.
یاد اژانس فراه کې د طالبانو د سیمه ییزو چارواکو له قوله ویلي چې ازاد شوي زندانیان باید نور د جرمنو له ترسره کولو ډډه وکړي. دې ډلې د همدې اوونۍ په پیل کې د هملند ولایت له مرکزي زندان څخه سلګونه تنو بندیان خوشي کړي وو.
طالبانو دا نه دي ویلي، چې دغه خوشې شوي کسان په کومو جرمونو زندانیان شوي وو.
داسې مهال د دې بندیانو د خوشې کېدو خبر ورکول کېږي، چې د طالبانو په زندانونو کې د سختو شکنجو، وژنو او ځورونو پراخ راپورونه هم ورکول کیږي.
