پر جنسي تېري محکوم افغان برېټانیا نه بېرته فرانسې ته لېږدول کېږي
ټیلیګراف ورځپاڼې شنبه د (تلې ۱۹مه) د یو افغان زنداني کډوال په اړه لیکلي، چې هغه به د بند موده په فرانسه کې تېره کړي، ځکه چې جرم یې هلته کړی او بیا بریټانیې ته تښتېدلی و.
ټیلیګراف ورځپاڼې شنبه د (تلې ۱۹مه) د یو افغان زنداني کډوال په اړه لیکلي، چې هغه به د بند موده په فرانسه کې تېره کړي، ځکه چې جرم یې هلته کړی او بیا بریټانیې ته تښتېدلی و.
۳۶کلن عبدالله احمدزی، چې په فرانسه کې پر ۱۴ کلنې نجلۍ د جنسي تېري په جرم محکوم شوی، له بریټانیا څخه فرانسې ته استول کېږي.
د خبر له مخې، دا کار ځکه کېږي، چې احمدزي ويلي و په بریټانیا کې د زندان کوټې ډېرې وړې دي.
ټیلیګراف لیکلي، چې هغه په پنځه کاله بند محکوم شوی او د زندان دا موده به په فرانسه کې تېروي. د ورځپاڼې په وینا، احمدزی په فرانسه کې تر جرم وروسته د یوې وړې کښتۍ په وسیله بریټانیا ته تښتېدلی و.
