عاطف مشعل: پر لوبغاړو د پاکستان برید د بښلو نه دی

په امریکا کې د کډوالو فعال احمدالله صدیقي افغانستان انټرنشنل ـ پښتو ته ویلي، چې ټېکساس مېشتو افغانانو د امریکا ولسمشر ډونالډ ټرمپ ته په یوه لیک کې د پاکستان څخه شکایت کړی.

په دغه لیک کې پر افغانستان د پاکستان په بریدونو کې ملکي مرګ ژوبله او د دغه هېواد پر حریم تېری غندل شوي او دا برید د ملګرو ملتونو د منشور سرغړونه بلل شوې.

په دې لیک افغانانو له ټرمپ څخه په خپلو څلور جدي‌ غوښتنو کې ټينګار کړی، چې د نړیوالو قوانینو له مخي دي‌ سر غړونکي محاکمه او د محکمې مېز ته را کش کړي.

په لیک کې له ټرمپ څخه په یوه بله غوښتنه کې راغلي: «د ملګرو ملتونو او نورو نړیوالو ارګانونو له لارې باید د دغو بریدونو خپلواکه پلټنه وشي.»

دوی له امریکا هم غوښتي، چې باید د پاکستان دغه غیري قانوني بریدونه وغندي او په وړاندې یې خپله چوپتیا ماته کړي.

په لیک کې له امریکا غوښتل شوي، چې په بریدونو کې دي د زیانمنو کورنیو بشري ملاتړ وکړي.

100%

پر افغانستان د پاکستان د بریدونو په اړه د لیک په یوه برخه کې لیکل شوي: «دغه بریدونه تصادفي‌ نه دي، منظم تر سره کیږي، چې نړیوال اصول کمزوري کوي، قانون واکمني له منځه وړي او د نورو سرغړونو جریت پيدا کیږي.»

په لیک کې له ټرمپ څخه په ټینګه غوښتل شوي، چې د جنوبي‌ اسیا لپاره د دایمي‌ سولې راوستلو لپاره باید د افغانستان د خلکو سره ودريږي او ملکي‌ خوندیتوب ډاډمن کړي.

احمدالله وثیق په خپله اېکس پاڼه زیاته کړې، د پاکستان «پوځي رژيم» په پکتیکا ولایت کې د کرېکټ لوبډلې کوربه کور بمبار کړ.

وثیق ویلي، پاکستان «پوځي رژيم» په هوايي بمبار کې د کرېکټ وژل شوی کبیراغا پرون (۵شنبه د تلې ۲۴مه) د پکتیکا د ښرنې په سیمه ییز کرېکټ ټورنمنټ کې د لوبې غوره لوبغاړی و، خو هغه نن شپه د پاکستان د «پوځي رژيم» په هوايي برید کې ووژل شو.

100%

د یادونې وړ ده، چې پاکستان نن شپه لنډ مهال اوربند مات کړ او د پکتیکا د ارګون ولسوالۍ په شاوخوا سیمو کې یو شمېر کورونه بمبار کړل او له امله یې د دغه ولایت د کرېکټ ۳ سیمه ییز لوبغاړي او ۵ نور ځايي اوسېدونکي وژل شوي او یو شمېر نور ټپیان شوي دي.

د غونډې ویناوالو د ازبکي ژبې د اوسني وضعیت په اړه خبرې وکړې او ټینګار یې وکړ چې د دې ژبې پياوړتیا، پراختیا او تدریس ته باید جدي پاملرنه وشي. هغوی زیاته کړه، د داسې فرهنګي پروګرامونو دوام کولای شي د ژبو او کلتورونو تر منځ د پوهاوي او ورورولۍ فضا نوره هم پیاوړې کړي.

په دغه نمانځغونډه کې د ازبکي دودیزو خوړو، خطاطۍ، نقاشۍ، کتابونو، پخوانیو جامو او غاليو نندارتون هم جوړ شوی و.

د افغانستان پخواني حکومت په ۱۳۹۹کال کې د تلې ۲۹مه د «ازبکي ژبې ملي ورځ» نومولې وه، او له هغه را وروسته هر کال دننه او بهر د افغانستان ازبک فعالان دا ورځ لمانځي.

ازبکي ژبه د افغانستان له مهمو ژبو څخه ده، چې په رسمي توګه د هېواد د دریمې لویې ژبې په توګه پېژندل کېږي. دا ژبه د ترکي ژبو له کورنۍ څخه ده او په شمالي ولایتونو لکه فاریاب، جوزجان، سرپل، بلخ، تخار او سمنګان کې د پراخې ازبک ټولنې له‌خوا ویل کېږي.

ازبکي ژبه د افغانستان د اساسي قانون له مخې د پښتو او دري تر څنګ د رسمي او تدریسي ژبو په ډله کې راځي. ازبکان د افغانستان د کلتوري، ادبي او سیاسي ژوند مهم برخه وال ګڼل کېږي او د دوی ژبه د هېواد د ژبني تنوع یوه بډایه برخه جوړوي.

نوین‌الحق په خپله فېسبوک پاڼه ویلي، «په دې زړه‌بوږنوونکې پېښه کې د ارګون ولسوالۍ د کبیر، صبغت‌الله او هارون په نومونو د درې لوبغاړو په ګډون ۸کسان وژل شوياو ۷ تنه نور هېوادوال ټپيان شوي دي.»

د نوموړي په وینا، دغه لوبغاړي نن ماسپښین په یوه سیمه ییزه لوبه کې د ګډون په موخه د پکتیکا مرکز ښرنې ته تللي و، چې له لوبې وروسته بېرته ارګون ولسوالۍ ته ستانه شوي او هلته د دمې لپاره په یوځای راټول شوي و، د یاد برید ښکار شوي دي.

نوین‌الحق دغه پېښه غمیزه بللې او اغېزمنو کورنیو ته یې د زغم، اجر او صبر غوښتنه کړې ده.

حشمت‌الله شهیدي په خپله فېسبوک پاڼه ویلي، دغه برید یوازې د کرېکټ د سیمه ییزو لوبغاړو د کورنیو لپاره نه، بلکې د ټول ملت او د سپورټ د کورنۍ لپاره د غم ورځ ده.

هغه زیاتوي، «دوی د سولې، ویاړ او وطن د رڼا استازي وو، د توپ او بېټ له لارې یې د وطن نوم روښانه ساته، خو د جبر تیارو پرې د تل لپاره تور سیوری واچاوه.»

هغه په یاده پېښه کې د وژل شویو له کورنیو سره ژوره خواخوږي هم څرګنده کړې ده.

100%

د پکتیکا په اُرګون ولسوالۍ کې د پاکستان په نن شپني هوايي بریدونو کې د کرېکټ له سیمه ییزو ۳ لوبغاړو سربېره یو شمېر ولسي وګړي وژل شوي دي.