د افغانستان د کرېکټ ملي لوبغاړي نوینالحق پر افغانستان د پاکستان بریدونه په کلکه غندلي او دا یې د «پاکستان رژيم یو ناځوانمردانه» برید بللی. هغه د ملکي وګړو او کرېکټ لوبغاړو د وژل کېدو له امله سخته خواشیني څرګنده کړې ده.
نوینالحق په خپله فېسبوک پاڼه ویلي، «په دې زړهبوږنوونکې پېښه کې د ارګون ولسوالۍ د کبیر، صبغتالله او هارون په نومونو د درې لوبغاړو په ګډون ۸کسان وژل شوياو ۷ تنه نور هېوادوال ټپيان شوي دي.»
د نوموړي په وینا، دغه لوبغاړي نن ماسپښین په یوه سیمه ییزه لوبه کې د ګډون په موخه د پکتیکا مرکز ښرنې ته تللي و، چې له لوبې وروسته بېرته ارګون ولسوالۍ ته ستانه شوي او هلته د دمې لپاره په یوځای راټول شوي و، د یاد برید ښکار شوي دي.
نوینالحق دغه پېښه غمیزه بللې او اغېزمنو کورنیو ته یې د زغم، اجر او صبر غوښتنه کړې ده.
