د طالبانو محتسبینو ننګرهار کې د یوې کم عمره نجلۍ د ناخوښه نکاح مخنیوی وکړ

د طالبانو د ننګرهار ولایت د امر بالمعروف او نهی عن المنکر ریاست ویلي، چې په نازیانو ولسوالۍ کې یوه کم‌عمره نجلۍ، چې د کورنۍ غړو یې غوښتل هغه د ډېرو پیسو په بدل کې د هغې له خوښې پرته یوه کس ته واده کړي، د طالبانو محتسبینو له‌خوا یې مخه ونیول شوه.

د طالبانو د امربالمعروف او شکایتونو اورېدو وزارت ویاند مولوي سیف السلام خېبر نن شنبې ورځ، د تلې ۲۶مه د طالبانو محتسبین په حواله لیکلي، چې هغوي خبردارۍ ورکړی، چې هیڅوک نه شي کولای ازاد انسان په پیسو واخلي او یا یې خرڅ کړي.