• العربية
  • فارسی
  • English
Brand
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
  • پوښ
  • ژبه
    • العربية
    • فارسی
    • English
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
د دې وېبپاڼې ټول قانوني حقونه د وولنټ میډیا دي
volant media logo

امریکا سعودي عربستان ته د ۴۸ پرمختللو اېف-۳۵ جنګي الوتکو د پلورلو په اړه ارزونه کوي

۱۴ لړم ۱۴۰۴ - ۵ نومبر ۲۰۲۵، ۰۲:۰۹ GMT+۰

رویټرز خبري ازانس د باخبره سرچینو په حواله راپور ورکړی، چې د ډونالډ ټرمپ اداره د سعودي عربستان د ۴۸ پرمختللو اېف-۳۵ جنګي الوتکو د پېرلو غوښتنې په اړه ارزونه کوي. دغه راپور واشنګټن ته د سعودي عربستان د ولیعهد محمد بن سلمان د سفر خبر سره هم‌مهاله خپور شوی.

رویټرز په خپل راپور کې زیاته کړې، چې د دغه جنګي الوتکو احتمالي پلور کولای شي د امریکا په پالیسیو او همدارنګه د منځني ختیځ په پوځي توازن کې د پام وړ بدلون راولي او دا به د واشنګټن د اوږدمهاله سیاست ازموینه وي.

ترویج لرونکی

طالبان: اشرف غني حق لري چې بېرته افغانستان ته راستون شي
۱

طالبان: اشرف غني حق لري چې بېرته افغانستان ته راستون شي

۲

طالبان له روسیې نه د کاماز موټرو په څېر د شوروي دورې په څېر وارداتو پیلول غواړي

۳

ملا حسن اخوند د طالبانو ځانګړو ځواکونو ته ۷۰۰۰ افغانۍ امتیازي معاش منظور کړی

۴

په ازبکستان کې د یوه افغان له موټره نږدې ۶۰۰ کیلوګرامه نشه يي توکي موندل شوي

۵

د هوا پوهنې اداره: سبا په ۱۲ ولایتونو کې د بارانونو او سېلابونو راوتو اټکل شوی

•
•
•

نور کیسې

د امریکا د فډرالي هوايي چلند اداره: د یو‌پي‌اېس شرکت الوتکه په کنتاکي ایالت کې نسکوره شوې

۱۴ لړم ۱۴۰۴ - ۵ نومبر ۲۰۲۵، ۰۰:۰۲ GMT+۰

د امریکا د فډرالي هوايي چلند ادارې اعلان کړی، چې د یو‌پي‌اېس شرکت یوه الوتکه د محمدعلي له هوايي ډګر څخه له الوتنې وروسته د کنتاکي ایالت په لويې‌ویل ښار کې نسکوره شوې ده.

د فډرالي هوايي چلند ادارې په وینا، د یو‌پي‌اېس دغې الوتکې له محمدعلي نړۍوال هوايي ډګر څخه الوتنه کړې وه، خو له لنډ وخت وروسته نسکوره شوه.

د لويې‌ویل پولیسو ویلي، څو بېړني او ژغورنیز ټیمونه د الوتکې د سقوط ځای ته چې د فرن‌ولي او ګریډ‌لین سیمو ته نږدې دی، رسیدلي دي.

ویل شوي، چې په دې الوتنه کې درې تنه د الوتکې خدمه موجود وو.

امریکا د «میلیسا» توپان له امله اغېزمنو شویو هېوادونو ته ۲۴ میلیونه ډالره برابروي

۱۳ لړم ۱۴۰۴ - ۴ نومبر ۲۰۲۵، ۲۳:۲۷ GMT+۰

د امریکا د بهرنیو چارو وزارت ویلي، متحده ایالات به د تېرې اوونۍ د «میلیسا» توپان له امله اغېزمنو شویو هېوادونو جامایکا، هایټي، باهاماس او کیوبا ته ۲۴ میلیونه ډالره بېړنۍ مرسته ورکړي.

دغه وزارت ویلي، د توپان له امله چې د پنځمې کټګورۍ سخت توپان و، پراخ ویجاړۍ رامنځته شوې او لږ تر لږه ۵۰ کسان په ټولې کریبین سیمه کې مړه شوي دي. د وضعیت د ارزونې او مرستو د همغږۍ لپاره د وزارت ځانګړي ټیمونه سیمې ته استول شوي دي.

د بهرنیو چارو وزارت د اعلامیې له مخې، د ټرمپ ادارې تر اوسه د جامایکا لپاره ۱۲ میلیونه ډالره، د هایټي لپاره ۸،۵میلیونه ډالره او د باهاماس لپاره ۵۰۰ زره ډالره مرسته تصویب کړې ده.

د راپور له مخې، د کیوبا لپاره ۳ میلیونه ډالره ځانګړې شوې ده.

د جرمني پولیسو د درغلۍ او پیسو سپینولو په شک پر ځینو شبکو نړۍوال عملیات ترسره کړي

۱۳ لړم ۱۴۰۴ - ۴ نومبر ۲۰۲۵، ۲۳:۱۷ GMT+۰

د جرمني د فډرالي جنايي پولیسو دفتر ویلي، چې دوی د درغلۍ او د پیسو د سپینولو پر هغو شبکو ګډ نړۍوال عملیات ترسره کړي، چې د جرمني د پیسو لېږد شرکتونه یې هدف ګرځولي او د سلګونو میلیونه یورو زیان یې اړولی دی.

پولیسو ویلي، په دې عملیاتو کې ګڼ کسان نیول شوي او دغه عملیات په جرمني، ایټالیا، کاناډا، لوګزامبورګ، هالنډ، سینګاپور، هسپانیا، امریکا او قبرس کې ترسره شوي دي.

د چارواکو په وینا، دغه کسان د ۱۹۳ هېوادونو د قربانیانو د کریډیټ کارتونو د معلوماتو په کارولو تورن دي.

تمه ده، چې جرمن چارواکي د چهارشنبې په ورځ په یوې خبري غونډه کې د دې عملیاتو په اړه نور جزییات شریک کړي.

ایران دوه فرانسوي وګړي له بند څخه خوشې کړل

۱۳ لړم ۱۴۰۴ - ۴ نومبر ۲۰۲۵، ۲۱:۳۱ GMT+۰

د فرانسې ولسمشر امانوېل مکرون د سې‌شنبې په ورځ وویل، ایران هغه دوه فرانسوي وګړي چې درې کاله وړاندې یې نیولي وو، خوشې کړي دي. داسې ښکاري چې دا اقدام د هغه ایراني محصل په بدل کې شوی، چې د اکټوبر په میاشت کې په مشروط ډول خوشې شوی و.

مکرون د سې‌شنبې په ورځ (د لړم ۱۳مه) پر اېکس پاڼه لیکلي، سېسېل کولر او د هغې ملګری ژاک پاریس چې له ۲۰۲۲کال راهیسې بنديان وو، له ایوین زندان څخه ازاد شوي او په ایران کې د فرانسې په سفارت کې دي.

مکرون د دې اقدام ستاینه کړې او ویلي یې دي، چې هڅه کېږي ترڅو هغوی ژر تر ژره فرانسي ته ستانه شي.

د فرانسې د بهرنیو چارو وزیر ژان نوېل بارو هم پر اېکس پاڼې لیکلي، چې کولر او پاریس اوس "په خوندي حالت کې دي" او په ایران کې د فرانسې په سفارت کې دي.

د ایران د بهرنیو چارو وزارت ویاند اسماعیل بقایي ویلي، چې دغه دواړه فرانسوي وګړي په ضمانت خوشې شوي او تر راتلونکې قضایي مرحلې پورې به د څار لاندې په ایران کې پاتې شي.

کولر او پاریس د هغو لسګونو بهرنیو او دوه تابعیته کسانو له ډلې وو، چې په وروستیو کلونو کې ایران د جاسوسۍ په تور نیولي و. فرانسې ویلي، چې د دوی پر وړاندې تورونه بې‌اساسه دي.

د دوی خوشې کېدل د دواړو هېوادونو تر منځ د کلونو خبرو اترو پایله ده.

د کولر او پاریس د خوشې کېدو چانس وروسته له هغه زیات شو، چې فرانسې د روان کال په لومړیو کې ایرانۍ زده‌کړیاله مهديه اسفندیاري چې په لیون ښار کې اوسېده، د اسراییل ضد پوسټونو له امله ونیوله. هغه د اکټوبر په پای کې په مشروط ډول خوشې شوه.

په هند کې د اورګاډو د تکړ له امله ۸ تنه مړه او ګڼ شمېر نور ټپیان شوي دي

۱۳ لړم ۱۴۰۴ - ۴ نومبر ۲۰۲۵، ۱۸:۴۵ GMT+۰

د هند په چتیسکر ایالت کې د سې‌شنبې په ورځ (د لړم ۱۳مه) د یوه مساپر وړونکي او بار وړونکي اورګاډو د ټکر له امله لږ‌تر‌لږه اته کسان مړه او ګڼ شمېر نور ټپیان شوي دي.

د چارواکو په وینا، د پېښې پر مهال بار وړونکی اورګاډی ولاړ و، خو د مساپرو اورګاډي ورسره ټکر وکړ، چې له امله یې د مساپرو د اورګاډي څو لومړنۍ برخې سختې زیانمنې شوې.
د دغه ایالت د لومړي وزیر مرستیال ارون ساو خبریالانو ته ویلي، چې پولیس او ژغورنې ډلې د ژوندیو پاتې کسانو د را اېستلو هڅه کوي.

د رېل‌پټلۍ چارواکو ویلي، چې د پېښې په اړه به هر اړخیزه څېړنه ترسره شي.

د هند د رېل‌پټلۍ شبکه د نړۍ څلورمه ستره شبکه ده او دا مهال د ۳۰ میلیارده ډالرو په ارزښت د بدلون او عصري کېدو تر پروسې لاندې ده، چې پکې نوي رېلي او عصري تمځایونه جوړېږي.

دا په داسې حال کې ده، چې د اورګاډو پېښې په دغه هېواد کې نوې خبره نه ده. هند په ۲۰۲۳ کال کې د وروستیو کلونو یوه تر ټولو بده پېښه تجربه کړه، چې درې اورګاډي د اودیشا ایالت په سيویل برخه کې سره ټکر وکړ او ۲۸۸ کسان پکې ووژل شول.