پاکستان: پر سپین بولدک مو برید نه دی کړی بلکې له ځانه مو دفاع کړې

په مسکو کې د طالبانو سفارت د پنجشنبې په ورځ (د لړم ۱۵مه) په یوه خبرپاڼه کې ویلي، چې د دوی سفير ګل حسن حسن د روسیې فدراسیون د ولسمشر د نړۍوالې جرمي او حقوقي همکارۍ له ځانګړي استازي ایلیا روګاچوف سره په لیدنه کې د یادې محکمې پر حیثیت او رول بحث کړی دی.

د طالبانو په خبرپاڼه کې لیکل شوي: «د نړۍوالې جنایي محکمې، د هغې د فعالیتونو، حیثیت او رول پر بحث سربېره د نړۍوالې جنایي محکمې او د هغې د وروستیو پریکړو په اړه هم گډ بحث وشو.»

طالبانو د همدې لیدنې او خبرو نور جزییات نه دي خپاره کړي.

د جرمونو نړۍوالې محکمې د روان کال د چنګاښ میاشتې په نیمايي کې د طالبانو د مشر هبت‌الله اخوندزاده او د سترې محکمې د رييس عبدالحکیم حقاني د نیولو حکمونه صادر کړل.

د دې محکمې په اعلامیه کې د طالبانو مشر اخوندزاده او د قضايي برخې تر ټولو لوړ پوړی چارواکی حقاني پر بشریت ضد جرمونو تورن شوي دي.

له دې سربېره دغې محکمې په ۱۴۰۱ کال کې په اوکراین کې د جنګي جنایتونو په تړاو د روسیې د ولسمشر ولادیمیر پوتین د نیونې حکم هم صادر کړی و.

طالبانو د ۲۰۲۱ کال په اګست کې واک ته له بیا ځلي رسېدو وروسته د نورو پراخو بنديزونو ترڅنګ پر ښځو هم ګڼ بندیزونه ولګول.

ښځې او نجونې يې له ښوونځي، پوهنتونونو، کار، تفريح او ورځينو چارو منعه کړې او نږدې هره ورځ د نارينه وو ترڅنګ ځينې ښځې هم د ځينو تورونو له امله په عام محضر کې په دُرو وهل کيږي.

د طالبانو مشر هبت‌الله اخوندزاده د پنجشنبې په ورځ (د لړم ۱۵مه) په کندهار کې د طالبانو د لوړو زد کړو وزارت د دیني جامعاتو او تخصصاتو د قضا او افتاء څانګو له مسوولینو او فارغانو سره په یوه غونډه کې برخه واخیسته.

هبت‌الله په خپلو خبرو کې یو ځل بیا پر اطاعت، د دوی د نظام پر ملاتړ او د شریعت پر عملي کولو ټينګار کړی دی.

هغه زیاته کړې، چې د محاکمو او قضا له لارې به په ټولنه کې شریعت تطبیقوي.

نوموړي ویلي: «تاسو ته به د قضاء دروند مسووليت در سپارل کېږي، نو په پوره جرئت به شرعي فیصلې کوئ او د چا تر تأثير لاندې به نه راځئ، حتی زما تر تأثير لاندې به هم نه راځئ»

هبت‌الله یو ځل بیا د شریعت په عملي کولو کې له علماو او خلکو له ملاتړ او همکارۍ مننه کړې ده.

هغه ویلي: «د علماء کرامو او عامو مسلمانانو له ملاتړ او همکارۍ څخه مننه چې د اسلامي نظام په قيام، د شريعت په تطبيق او د فرامينو په عملي کولو کې يې له امارت سره کړې ده.»

واک ته د طالبانو له بیاځلي رسېدو را وروسته دغه ډلې د شریعت د عملي کولو په نوم پر ټولنې ګڼ بندیزونه لګولي او ان په همدې نوم یې د زده کړو یوه برخه هم بنده کړې.

د طالبانو دغه ډول کړنې په کور دننه او بهر کې له پراخو غبرګونونو سره هم مخ شوي دي.

هغه پر ایکس خواله رسنۍ لیکلي: « نن په استانبول کې د افغانستان او پاکستان د استازو ترمنځ خبرې پیل شوې، خو په همدې وخت کې د پاکستان هوايي ځواکونو د بولدک په سیمه کې بریدونه کړي، چې زموږ معصوم هېوادوال پکې شهیدان او ټپیان شوي دي».

نوموړي زیاته کړې، «دا ښيي چې پاکستان نه تعهد ته ژمن دی او نه د خبرو په اهمیت پوهېږي.»

د طالبانو او پاکستان ترمنځ مذاکرات په داسې حال کې ترسره کېږي چې نن یو ځل بیا د پاکستاني ځواکونو له خوا پر بولدک ولسوالې برید شوی دی.

د طالبانو ویاند ذبیح الله مجاهد د پاکستاني ځواکونو له خوا پر سپین بولدک برید تایید کړی او وايي، طالبانو د مذاکراتو په احترام او د ملکي خلکو د مرګ ژوبلي مخنیوي په موخه تر اوسه کوم غبرګون نه دی ښودلی.

هغه زیاته کړه چې د مذاکراتو په تیره ناسته کې د اوربند د غځیدو او د تیري پر نه کیدو موافقه شوې وه، خو پاکستاني ځواکونو یوځل بیا سپین بولدک کې برید کړی.

په سیمه کې د سرچینو د معلوماتو له مخې، پپه دغه برید کې د یوې ښځې په ګډون دوه کسان وژل شوي او د ماشومانو په ګډون څلور تنه نور ټپیان دي.

د طالبانو د معارف وزارت ویلي، دغه ښوونځی چې «د شهید محمدحسن ښوونځی» نومېږي، د شاوخوا ۲میلیونه افغانیو په مالي لګښت جوړ شوی دی.

دغه وزارت په یوه خبرپاڼه کې ویلي، یاد ښوونځی د ناور ولسوالۍ د چهار کلا کلي خلکو په مالي مرسته جوړ شوی او اوس یې رسمي فعالیت پیل کړی دی.

د وزارت په وینا، ښوونځی د څښاک اوبو صحي سیستم، مناسب چاپېریال او د زده‌کوونکو لپاره په خوندي فضا سمبال دی.

تر دې وړاندې د بدخشان د شغنان، د دایکندي د شترلي، د غزني د جاغوري او همدارنګه د کاپیسا د نجراب اوسېدونکو د خپلو امکاناتو په مټ ښوونځي جوړ کړي دي.

دا په داسې حال کې ده چې طالبانو له نږدې څلورو کلونو راهیسې د نجونو پر منځنیو او لوړو زده‌کړو بشپړ بندیز لګولی دی.

د ملګرو ملتونو د وروستي راپور له مخې، د افغانستان نږدې ۹۲سلنه وګړي د ښځو او نجونو د زده‌کړو د بیا پیل غوښتنه کوي.

د طالبانو تر واک لاندې افغاني سرې میاشتې ټولنې نن د پنجشنبې په ورځ، د لړمه ۱۵مه د یوې خبرپاڼې په خپرولو سره ویلي، چې یاد ۴۹ مشومان په اور سخت سوځېدلي وو او ځینو د هډوکو میکروب ناروغي لرله، چې په جرمني کې تر بشپړې درملنې وروسته نن افغانستان ته راستانه شول.

د یادې ټولنې رییس شهاب الدین دلاور ویلي، چې په جرمني کې د ۴۹ افغان ماشومان له درملنې وروسته یې همهاله ۷۵ نور ناروغ ماشومان جرمني ته د درملنې په موخه ولېږل.

د یادو ماشومانو درملنه د جرمني د سولې کلي خیریه بنسټ په همکارۍ شوې ده.

د جرمني د سولي کلي خیریه بنسټ استازي ین یسن جرمني ته د تلونکو ۷۵ نورو افغان ناروغ ماشومان د ښې درملتې ډاډ ورکړی او وايي، د ماشومانو د درملنې په برخه کې به هر اړخیزې اسانتیاوې برابرې کړي.

د جرمني د سولې کلي خیریه بنسټ په ۱۳۶۸ کال کې د افغان ماشومانو د درملنې هوکړه کړې ده او هر کال په دغه هېواد کې دوه ځله، له یو څخه تر ۱۱ کلونو عمر لرونکو هغو ماشومانو چې په اور سخت سوځېدلي یا د هډوکو میکروبي ناروغي ولري، درملنه کوي.