د تحریک انصاف ګوند ایالتي مشر: د پاکستاني طالبانو بیا میشتول د ریاست پالیسي وه

په راپور کې راغلي چې د کډوالو د راستنېدو پراخ بهیر د هېواد اوسنی اقتصادي بحران لا پسې ژور کړی دی.

د ملګرو ملتونو د احصایو له مخې، نږدې لس سلنه هغه افغانان چې له هېواده بهر مېشت وو، اړ شوي چې بېرته خپل هېواد ته راستانه شي.

له ۲۰۲۳کال راوروسته تر اوسه پورې شاوخوا ۴،۵ ميليونه کسان چې ډېری یې په ايران او پاکستان کې کډوال وو، بېرته افغانستان ته راستانه شوي دي. ددغه شمېر د افغانستان نفوس شاوخوا ۱۰سلنه زيات کړی دی.

راپور زياتوي چې طبيعي پېښو لکه زلزلې، سېلابونو او وچکالۍ هم د خلکو ژوند ته سخت تاوان اړولی، او نږدې اته زره کورونه يې ويجاړ کړي دي، چې له امله یې د عامه خدمتونو (روغتيا، تعليم، سرپناه او مرستو) سيستمونه له خپلې عادي وړتيا څخه تر ډېر فشار لاندې راوستي دي.

یاده اداره خبرداری ورکوي چې که د افغانستان د اقتصاد ملاتړ ونه‌شي او د بې‌ځايه شويو او راستنېدونکو کسانو لپاره د کار او عايد فرصتونه برابر نه‌شي، نو په دغه هېواد کې به د لوږې او بې‌وزلۍ کچه نوره هم لوړه شي.

د طالبانو د صنعت او سوداګرۍ وزیر نورالدین عزیزي نن د چارشنبې په ورځ، د لړم ۲۱مه د یوې خبرې ناستې پرمهال وویل، چې د افغان سوداګر ۱۲زره کانټینرونه په پاکستان کې بند پاتې دي.

د نوموړي په وینا، طالبان هڅه کوي، یاد توکې له هرې ممکنه لارې افغانستان ته انتقال کړي.

نورالدین عزیزي وویل:«د خصوصي سکتور ۱۲زره کانټینرونه چې د‌پاکستان په څو سیمو کې بند پاتې دي، موږ په هر حالت کې چې وي، خپله هڅه کوو، په هر ډول چې وي کوښښ کوو د پاکستان له منګولو یې را خوشې کړو.»

نوموړي د افغانستان او پاکستان ترمنځ لارو بندښت او سوداګرۍ بندیدو ته په اشاره وویل، چې تمه یې نه لرله پاکستان دې د افغانستان سوداګرۍ ته دغه ډول زیان واړوي.

دا په داسې حال کې ده چې د طالبانو او پاکستان ترمنځ له شخړې وروسته د سوداګرۍ او هر ډول تګ راتګ پر مخ ټولې لارې تړل شوې دي.

د راپورونو له مخې د پاکستان او افغانستان ترمنځ د لارو بندیدو له امله د دواړو هېوادونو سوداګرو ته میلیونونه ډالره زیان اوښتی دی.

اسد قیصر د خیبر پښتونخوا په امن جرګه کې وویل، چې پښتانه له افغانستان پرته ژوند نه شي کولای، ځکه ټول اقتصاد یې په افغانستان او منځنۍ اسیا پورې تړلی دی.

اسد قیصر وویل، چې طالبان هم باید د پاکستان ستونزو ته رسیده ګي وکړي او د افغانستان لپاره هم له پاکستان پرته اقتصادي مسایل پرمخ وړل اسانه نه دي.

قیصر وايي، چې سوداګریزې لارې باید پرانېستل شي او دواړه هېوادونه باید له زغم نه کار واخلي.

هغه وویل، چې د پاکستان نړیواله سوداګري د کراچۍ بندر له لارې کیږي نو د پېښور صنعت به څنګه وده کوي او څه ډول به د لاهور او کراچۍ سره سیالي کوي.

نوموړي وویل، چې افغانستان او پاکستان باید له ګواښونو ډډه وکړي.

د خیبر پښتونخوا اعلی وزیر د چارشنبې په ورځ په پېښور کې د امن جرګې غونډې ته په خبرو کې وویل، چې د ترهګرۍ پای ته رسولو لپاره باید د پردې ترشا پرېکړې عام محضر ته راوړل شي او نور خلک هم پکې ښکیل شي.

سهیل اپریدی وايي، چې له خیبر پښتونخوا سره د مور او میرې سلوک کیږي.

هغه زیاته کړه، چې د خیبر پښتونخوا، دین ژبه ، کلتور، ارزښتونه هرڅه له افغانستان سره ګډ دي او که د خیبر پښتونخوا مشران په خبرو کې شریک شي، ښې نتیجې درلودای شي او داسې نه ده، چې دوی بله خوا نیسي.

نوموړي وویل، چې د سیمې ګټې، د کرښې ستونزو عملي حل لارې او د قبایلي ټولنې اندېښنې یوازې هغه وخت ښې منعکسې کېدای شي چې سیمه‌ییز استازي په خبرو کې حاضر وي.

دغه وزارت نن (چهارشنبه) په يوې خپرې کړې اعلاميې کې ويلي، په ایران کې د افغان بنديانو د کورنيو غړي دې اړين معلومات د وزارت له خوا په خپاره شوي ځانګړي فورم کې ثبت او یاد وزارت ته واستوي.

په اعلاميه کې د طالبانو یاد وزارت له افغان کورنيو غوښتي، چې د خپلو بنديانو د پېژندپاڼو، د بند د اسنادو او نورو اړوندو مدارکو نقلونه هم ورسره ضميمه کړي، څو د معلوماتو د تصديق او همغږۍ چارې اسانه شي.

تر اوسه د ايران په زندانونو کې د افغان بنديانو دقيق شمېر روښانه نه دی او نه هم د ايران يا د طالبانو چارواکو په دې اړه رسمي شمېرې خپرې کړې دي.

په تېرو څلور کلونو کې د طالبانو او ايران ترمنځ څو ځله د بنديانو د تبادلې په تړاو خبرې شوې دي.

ايران په دې موده کې سلګونه افغان بنديان طالبانو ته سپارلي، څو د خپلو جزاګانو پاتې موده په افغانستان کې تېره کړي.

د طالبانو د بهرنيو چارو وزارت وايي، د احصایيې دا بهير به د هغو افغانانو د ستونزو په هواري کې مرسته وکړي چې په ايران کې بنديان دي، او هڅه کېږي له ايران سره د حقوقي او کنسولي همغږۍ له لارې د هغوی حقونه خوندي شي.