طالبانو د خپلې اطلاع رسونې د بهیر د پیاوړتیا او انسجام په اړه غونډه کړې

د طالبانو د سرحدونو، قومونو او قبایلو چارو د دوشنبې په ورځ وویل، چې په دې ناسته کې د دواړو هېوادونو ترمنځ د امنیت، د اړیکو د پراختیا، سرحدي ستونزو او د ګډ سرحد د تثبیت په اړه مفصلې خبرې وشوې.

ملا نورالله نوري په خپلو څرګندونو کې ویلي چې افغانستان او تاجکستان د اړیکو په برخه کې مثبت ګامونه اخلي.

هغه زیاته کړې چې طالبان هڅه کوي له ټولو هېوادونو سره اقتصادي، سیاسي او دوستانه اړیکې ولري.

د یاد وزات په وینا، نوري ویلي چې طالبان د مخدره توکو او انساني قاچاق پر ضد جدي اقدامات کوي، او د دې مخنیوي لپاره د مولوي هبت الله په مشرۍ ځانګړي فرمانونه صادر شوي دي.

نوموړي ټینګار کړی چې د افغانستان او تاجکستان د ګډ سرحد تثبیت به د دواړو هېوادونو د امنیت او ثبات لپاره مهم ګام وي.

د یاد وزارت ه وینا، د تاجکستاني پلاوي مشر میرزا زاده عبدالواحد په خپلو څرګندونو کې ویلي چې افغانستان او تاجکستان ژبني، دیني او تاریخي شراکتونه لري او د دواړو هېوادونو ولسونه د سولې غوښتونکي دي.

هغه د تاجکستان د ژمنې یادونه کړې چې غواړي له افغانستان سره اقتصادي او نورو برخو کې اړیکې لا پیاوړې کړي.

طالبان وايي، « نوموړي زیاته کړه چې هیله لري دواړه هېوادونه به د ګډ سرحد په اوږدو کې شته ستونزې د تفاهم له لارې حل کړي او په دې برخه کې به خپلو همکاریو ته دوام ورکړي».

د تاجکستان حکومت په رسمي ډول ددې ناستې په اړه تراوسه څه نه دي ویلي.

د طالبانو د کابل ښاروالۍ نن ددوشنبې په ورځ، د لړم ۲۶مه د یوې اعلامیې په خپرولو سره لیکلي، چې دا پړانګه یو نیم کال مخکې د بدخشان د واخان ولسوالۍ به ورک کلي کې پر څارویو تر برید وروسته، د سیمې اوسېدونکو ونیوله چې، د بدخشان ولایت مقام ته وسپارل شوه او هلته یې ساتنه کېده.

د کابل ژوبڼ رییس عزیز ګل ثاقب وايي، چې دا ښځینه پړانګ چې، د ( واورین پړانګ) په نوم ونومول شو، شاوخوا څلورنیم کاله عمر لري او د سپین او تور رنګ په درلودلو سره یې د ډېرو پام ځان ته اړولی دی.

د نوموړي په وینا، پړانګې د ډېر وخت بې ځایه کېدو او بندیتوب له امله یې خپل توان له لاسه ورکړی او د متخصصینو تر څار لاندې یوه خوندي ځای ته اړتیا لري.

د طالبانو د کابل ژوبڼ رییس زیاته کړه، دا پړانګه له اسیايي نسل څخه ده چې، د دې نسل ژوي د ورکېدو په حال کې دي.

دا ډول پړانګان معمولاً اوږد عمر لري او له جسمي اړخه تر نورو پړانګانو پیاوړي دي او په سړه هوا کې یې مقاومت ډېر او په لوړو غرونو او سیمو کې ژوند کوي.

دغه ( واورینخ پړانګه) به د ستړیا تر رفع کېدو وروسته په یوه سمبال شوي قفس کې وساتل شي.

د طالبانو د سرحدي پولیسو لوی ریاست ویاند عابدالله عقاب فاروقي د افغانستان انټرنشنل له رپوټ وروسته، د طالبانو تر واک لاندې ملي ټلویزیون ته وویل، چې د هغو درملو او پاکستاني مېوو د لېږد مخنیوی یې کړی، چې د کډوالو په نوم لاریو کې په غېر قانوني توګه افغانستان ته راوړل کېدل.

نوموړي وویل، چې تېره شپه او نن یې د کډوالو په لاریو کې درمل او پاکستانۍ میوې نیولي دي او د انتقال هڅې یې شنډې کړې دي.

په ننګرهار کې د تازه مېوو یو شمېر کاروباریانو تېره ورځ افغانستان انټرنشنل -پښتو ته وویل، چې له پاکستان نه د اېستل کېدونکو افغان کډوالو په بار وړونکو موټرو کې کېلې، امروت او مالټې هېواد ته قاچاق کېږي.

د جلال اباد ښار د تازه مېوو او سبزیو په منډوی کې پر رزوګار بوخت یو کاروباري افغانستان انټرنشنل – پښتو ته د نوم نه ښودو په شرط وویل، چې قاچاق کېدونکې مېوې په لوړو بیو بازارونو کې پلورل کېږي. هغه وویل: «پېښور نه چې کډې راځي د هغې لاندې امروت او کېلې راځي».

ددوی په وینا، پاکستانۍ تازه مېوې لومړی ایران ته صادرېږي او بیا له هغه ځایه افغانستان ته راځي.

هممهاله بیا د افغانستان تازه مېوې په ځانګړي ډول انګور ایران ته صادرېږي او بیا له هغه ځایه پاکستان ته وړل کېږي.

د تازه مېوو یوه سوداګر وویل: «د ایران له لارې هم د پاکستان کېلې افغانستان ته راځي او موږ هم انګور ایران ته لېږو، بیا له هغه ځایه پاکستان ته ځي».

دا په داسې حال کې ده چې د افغانستان او پاکستان ترمنځ پر ډیورنډ کرښه ټولې لارې د هر ډول سوداګر پر مخ تړل شوې دي چې له امله یې دواړو غاړو د تازه مېوو کاروباریانو او کروندګرو ته درانه زیانونه اوښتي دي.

د طالبانو د ریاست الوزرا اقتصادي مرستیال ملا عبدالغني برادر افغان سوداګرو ته خبرداری ورکړ چې له پاکستان سره هر ډول سوداګریزه راکړه ورکړه بنده کړي.

نوموړي افغان سوداګرو ته سپارښتنه وکړه چې د پاکستان پر ځای په نورو سوداګریزو لارو غور وکړي او ژر تر ژره دې یاد هېواد کې خپلې معاملې حل کړي.

د طالبانود کابل امنیه قوماندانۍ ویاند خالد ځدراڼ د دوشنبې په ورځ پر خپل اېکس ولیکل، چې دوې ورځې وړاندې د فرخندې په نامه یوې مېرمنې د خپلې کورنۍ د معلوماتو له مخې مغزي سکته کړې ده.

نوموړی وايي، « وروسته په خواله رسنیو کې د پېښې په اړه ځینې مشکوک راپورونه خپاره شول».

ځدراڼ وايي، چې پولیسو د پېښې ابتدایي پلټنې ترسره کړې او تر دې دمه هیڅ مشکوک اړخ نه دی موندل شوی.

خالد ځدراڼ وايي، د مړې شوې مېرمنې کورنۍ هم پر چا شک نه دی کړی او کومه عریضه یې نه ده ثبت کړې.

د یادې مېرمنې کورنۍ، چې له واده لږه موده وروسته وفات شوې، ترا وسه رسنیو ته څه نه دي ویلي.

فرخنده، یوه ۱۷ کلنه نجلۍ وه، چې شاوخوا یوه نیمه میاشت مخکې واده شوې وه، او په کابل کې په مرموزه توګه مړه شوه.

سرچینو افغانستان انټرنشنل ته وویل، چې د فرخندې مړی د لړم په ۲۴مه نېټه د هغه د مېړه په کور کې، چې په ګلبهار سنټر کې دی، موندل شوی.

سرچینې وایي چې فرخنده شاوخوا یوه نیمه میاشت مخکې له یوه۱۷ کلن هلک سره واده شوې وه. افغانستان انټرنشنل د دې جوړې د واده مراسمو انځورونه او ویډیوګانې هم لیدلې دي.

ځینې سرچینې وایي چې د فرخندې مېړه د واده لپاره «کافي رضایت نه درلود،» خو د کورنۍ له ټینګار وروسته یې موافقت کړی و. ځینې نورې سرچینې وایي چې د فرخندې د مېړه کورنۍ د طالبانو له چارواکو سره د کاروبار شراکت لري او په حکومت کې پراخ نفوذ لري.

د ښځو د حقونو فعالانو د طالبانو د اعلامیې په اړه شک څرګند کړی او د نړیوالو خپلواکو پلټنو غوښتنه یې کړې ده.

د ماشومانو د حقونو د کنوانسیون له مخې، هر څوک چې له ۱۸ کلونو کم عمر ولري، ماشوم ګڼل کېږي، نو یوه ۱۷ کلنه نجلۍ، که څه هم واده شوې یا مور شوې وي، لا هم د نړیوالو معیارونو له مخې ماشومه بلل کېږي.

د فرخندې د مړینې خبر په دوو وروستیو ورځو کې په ټولنیزو شبکو کې پراخ غبرګونونه پاررولي دي.

د پوهنتون استادې بتول حیدري په اکس کې لیکلي: «د طالبانو د حکومت په دوام سره د ښځو او ځوانانو وژنې زیاتې شوې.»

هدا خموش لیکلي: «دا مړینه مرموزه نه ده، بلکې د مرموزې وژنې د پټولو هڅه ده.»

دوه تنو عیني شاهدانو چې دا درو وهلو صحنه یې له نژدې لیدلې ده، افغانستان انټرنشنل ته وویل، چې د عامو خلکو ترڅنګ یو شمیر طالب چارواکو هم په دې صحنه کې حضور درلود.

دوی وویل:«د طالبانو د محکمې مسوولانو اونظامي او ملکي ادارو ترڅنګ زیات شمیر عامو خلکو هم په شیخ متي لوبغالي کې حضور درلود.»

د عیني شاهدانو په وینا، د زنا او غلا په جرمونو تورن کسان له ۳۰ څخه تر ۶۰ پورې دُرې ووهل شول او ځینو ته یې د څو میاشتو د بند سزا ورکړه.

تر دې دمه د د طالبانو سترې محکمې ددې بدني سزاګانو په اړه کومه اعلامیه نه ده خپره کړې خو د طالبانو ستره محکمه په خپلو خبرپاڼو کې دا نه‌ ښيي چې دا کسان څنګه محاکمه شوي او وکیل ته یې لاسرسی درلود که نه.

دا ډله په عام محضر کې په دُرو وهل د «اسلامي شریعت» حکم بولي.

طالبان ادعا کوي، چې د شرعي حکمونو او د خپل مشر ملا هبت‌الله د امر او لارښوونې له مخې خلکو ته په عام محضر کې سزاوې ورکوي.

د یادولو ده، چې ملګرو ملتونو، د بښنې نړۍوال سازمان او د بشري حقونو ملاتړو بنسټونو په وار- وار له طالبانو غوښتي، چې د افغانانو انساني حقونه خوندي کړي او په عام محضر کې له سزا ورکولو ډډه وکړي، خو طالبان دغه غبرګونونه د دوی په چارو کې لاسوهنې بولي.