دمشق د اسراییل تر واک لاندې د سوریې جنوبي سیمو ته د نتنیاهو سفر غندلی
د دمشق حکومت د سوریې جنوبي سیمو ته، چې اسراییلي پوځیان پکې میشت دي، د اسراییل د لومړي وزیر بینیامین نتنیاهو پر سفر سخت غبرګون ښودلی او دغه سفر یې د سوریې د حاکمیت نقض بللی دی.
د دمشق حکومت د سوریې جنوبي سیمو ته، چې اسراییلي پوځیان پکې میشت دي، د اسراییل د لومړي وزیر بینیامین نتنیاهو پر سفر سخت غبرګون ښودلی او دغه سفر یې د سوریې د حاکمیت نقض بللی دی.
اسراییل د بشارالاسد تر لرې کېدو وروسته په جنوبي سوریه کې خپله پوځي سیمه پراخه کړې او د ملګرو ملتونو ترڅار لاندې بفر زون ختیځ لوري ته یې هغه پوستې نیولې چې د اسراییل تر اشغال لاندې ګولان لوړې له سوریایۍ خاورې جلا کوي.
نتنیاهو چې زغرواسکټ یې اچولی و اوخوندي خولۍ یې پر سر وه، د چارشنبې په ورځ په سوریایي خاوره کې مېشتو اسراییلي سرتېرو ته ورغی.
هغه خپلو سرتېرو ته وویل چې د دروزي متحدینو د ساتلو لپاره په دې سیمه کې خپلو دفاعي او تهاجمي وړتیاوو ته بېخي ډېر ارزښت ورکوي.
یو سوریایي پوځي چارواکي رویټرز ته وویل،« دغه سفر ښيي چې اسراییل د خاورې د پرېښودو اراده نه لري».
