په کاپیسا او جوزجان ولایتونو کې پر ۹۵۰ کورنیو مرستې وېشل شوې
د طالبانو په ولکه کې افغاني سري میاشتې ټولنې ویلي چې په کاپیسا او جوزجان ولایتونو کې یې پر ۹۵۰ اړمنو او زلزله ځپلو کورنیو مرسته شوي خوراکي او غیر خوراکي توکي ویشلي دي.
د طالبانو په ولکه کې افغاني سري میاشتې ټولنې ویلي چې په کاپیسا او جوزجان ولایتونو کې یې پر ۹۵۰ اړمنو او زلزله ځپلو کورنیو مرسته شوي خوراکي او غیر خوراکي توکي ویشلي دي.
یادې ټولنې پر ایکس لیکلي چې د جوزجان ولایت د قوشتپې ولسوالۍ د ګردن کلي له ۶۰۰ اړمنو کورنیو سره د ژوند د لومړنیو اړتیاوو د پوره کولو په موخه ۱۱ قلمه او د کاپیسا مرکز محمود راقي ښار او نجراب ولسوالې له ۳۵۰ کورنیو سره ۹ قلمه خوراکي او غیر خوراکي توکو مرستې شوي دي.
په ویشل شویو مرستو کې اوړه، غوړي، بوره او نور خوراکي او غیر خوراکي توکي شامل دي.
طالبانو نه دي ویلي، چې دا مرستې د کومې خیریه ټولنې یا نړیوال بنسټ له خوا شوې دي، خو پر مرسته کېدونکو توکو ډیری د سعودي عربستان او ترکیې نښانونه وي.
