د خیبر پښتونخوا پولیسو خبر ورکړی، چې روان کال په پښتونخوا کې د پولیسو او د ترهګرۍ ضد څانګې د بېلابېلو عملیاتو پرمهال ۹۵۵ وسلهوال وژل شوي دي. په دې تړاو په خپرې شوې خبرپاڼه کې راغلي، چې د یادو عملیاتو پرمهال له وسلهوالو ځینې وسلې او مهمات هم ترلاسه شوي دي.
د خبرپاڼې له مخې؛ دغه کسانو شمالي او سویلي وزیرستان، بنو، ډېره اسماعیل خان، مردان، کورمې، اورکزیو، ملاکنډ او کوهاټ په ګډون له بېلابېلو ولسوالیو سره تړاو لاره. خبرپاڼه زیاتوي، چې د یادو عملیاتو پرمهال د وسلهوالو ډلو ۳۳ مهم قوماندانان هم وژل شوي دي.
خبرپاڼه کاږي، چې تر ټولو ډېر وسلهوال په بنو، ډېره اسماعیل خان، شمالي او سویلي وزیرستان او خیبر ولسوالیو کې وژل شوي دي؛ خو په دغه راپور کې بیا په روان کال کې د پاکستان امنیتي ځواکونو ته د اوښتې مرګ ژوبلې په تړاو څه نهدي ویل شوي.
ورته مهال د پاکستان پوځ د عامه اړیکو څانګې جمعه (د لېندۍ ۷مه) خبر ورکړی، چې د خیبر پښتونخوا په ډېره اسماعیل خان ولسوالۍ کې یې د استخباراتي معلوماتو پر بنسټ په یو لړ عملیاتو کې ۲۲ وسلهوال وژلي دي.
