په بدخشان کې ناپېژاندو کسانو د یوه ښوونځي ودانۍ ته اور اچولی
د بدخشان اوسېدونکي وایي چې په کشم ولسوالۍ کې ناپېژاندو کسانو د میر فضلالله په نوم د یوې لیسې ودانۍ سوځولې ده. د سیمې خلکو افغانستان انټرنشنل ته ویلي چې دا پېښه تېره شپه رامنځته شوې ده.
د بدخشان اوسېدونکي وایي چې په کشم ولسوالۍ کې ناپېژاندو کسانو د میر فضلالله په نوم د یوې لیسې ودانۍ سوځولې ده. د سیمې خلکو افغانستان انټرنشنل ته ویلي چې دا پېښه تېره شپه رامنځته شوې ده.
تر اوسه ځایي طالب چارواکو د دې پېښې په اړه څه نهدي ویلي او لا روښانه نه ده چې د لیسې د سوځولو مسوولین څوک دي.
یاده لیسه د کشم ښار په مرکز کې، د طالبانو د پولیسو قوماندانۍ ته نږدې موقعیت لري.
هغه ویډیوګانې چې رسنیو ته رسېدلې ښيي چې اور لومړی مړ شوی، خو د ودانۍ زیاتې برخې، ټولګي او نور ساختماني مواد زیانمن شوي دي. د سیمې اوسېدونکو ویلي چې هغوی هڅه کړې څو د مکتب زیات شمېر توکي له سوځېدو وژغوري، خو اور نږدې دوه ساعته بل پاتې و.
په تېرو دوه اوونیو کې په بدخشان ولایت کې څو ورته پېښې ثبت شوې دي، چې پکې د یفتل ولسوالۍ، د ښار بزرگ سیمې او د خواهان بازار اورلګېدنې شاملې دي.
