د ایران روغتیا وزارت مرستیال په روغتیايي برخه کې د همکارۍ پیاوړتیا لپاره کابل ته سفر کړی
په کابل کې د ایران سفارت خبر ورکړی، چې د دغه هېواد د روغتیا وزارت مرستیال او د ایران د خوراکي توکو او درملو د سازمان مشر مهدي پیرصالحي کابل ته سفر کړی؛ ترڅو د طالبانو د عامې روغتیا وزارت له چارواکو سره د روغتیايي او درملو په برخه کې د همکارۍ پر پراختیا خبرې وکړي.
دغه سفارت پر اېکس پاڼه کاږلي، پیرصالحي به د دغه سفر په ترڅ کې د کابل د ۱۴۰۴کال د روغتیا له نندارتون نه هم لیدنه وکړي چې پهکې ګڼو ایراني شرکتونه هم برخه اخیستې ده.
