د طالبانو د لوړو زده کړو وزیر ایران ته په رسمي سفر تللی

د طالبانو او پاکستان تر منځ لانجې او له افغانستان سره د پاکستان د ټولو سواګریزو لارو بندېدو په دوام، د طالبانو تر واک لاندې د احصايي او معلوماتو ادارې اعلان کړی، چې په تېره لړم میاشت کې د خوراکي توکو په بیو کې ۲،۳ سلنه لوړوالی راغلی دی.

یادې ادارې ویلي، چې په میاشتنې ډول یې د لګښتي توکو د بیو ارقام تحلیل او ارزولي، چې له مخې یې په لړم میاشت کې د غلو دانو بیه ۱،۳ سلنه، د غوښو بیه ۱،۶ سلنه، د سبزې بیه ۲،۱ سلنه او د مېوو په بیه کې ۱،۳ سلنه زیاتوالی راغلی دی.

همدارنګه یادې ادارې ویلي، چې د غیر خوراکي توکو له ډلې د درملو په بیه کې ۱۳،۹ سلنه او د استوګنې شاخص کې ۳،۵ سلنه زیاتوالی راغلی دی.

سره له دې چې طالبانو ویلي، د‌ پاکستان پر ځای یې د منځنۍ اسیا هېوادونو سره سوداګري پراخه کړې، خو لا هم ورځ تر بلې په افغانستان کې د خوراکي او غیر خوراکي توکو په بیو کې لوړوالی نه دی کنټرول شوی.

د طالبانو د اطلاعاتو او کلتور وزارت نن شنبه، لیندۍ ۱۵مه د یوې اعلامیې په خپرولو سره ویلي، چې د مسلکي پلاوي له لوري نندارې ته وړاندې کولو په موخه له پاک کارۍ، وقایې، تشخیص او ثبت وروسته د ننګرهار ولایت موزیم ته ولېږدول شوې.

د طالبانو په اعلامیه کې لیکل شوي، چې یادې سکې د میلاد څخه وړاندې درېیمې پېړۍ څخه تر شپږمې میلادي پېړۍ «هندو سکایي، یوناني او باختري، هندي او پارتي، کوشاني او ساساني دورو» پورې تړاو لري.

د طالبانو د اطلاعاتو او کلتور وزات د لرغون پېژندنې رییس سید ذبیح الله سادات وویل:«لرغونې آثار په ځانګړې توګه سکې د حکومت او خلکو تاریخي، سیاسي، فرهنګي، اقتصادي او د ټولنیز هویت نښه ده، چې له پخوانیو دورو څخه موږ ته پاتې شوي دي.»

دوی زیاتوي. چې لرغون ‌پېژندنې ریاست مسلکي کارکوونکي د اصولو او تګلارو مطابق علمي او مسلکي فعالیتونو ته ژمن دي، ترڅو د هېواد د بډایه تمدن د لا ښې پېژندنې غوره زمینه برابره کړي.

د طالبانو د کورنیو چارو وزارت نن شنبه، د لیندۍ ۱۵مه د یوې اعلامیې په خپرولو سره ویلي، چې د یاد وزارت نشه یي توکو سره د مبارزې معین عبدالرحمن منیر ګډونوالو ته په افغانستان کې د نشه یي توکو سره روانه مبارزه تشریح کړې.

نوموړي د نشه یي توکو سره د مبارزې له غړو هیوادونو غوښتنه وکړه چې د افغان بزګرانو سره د بدیل معیشت په برخه کې همکاري وکړي تر څو دا شومه پدیده په ټولیزه توګه د افغانستان څخه پاکه شي.

یاد طالب معین په داسې حال کې دا څرګندونې کوي، چې د طالبانو په کورنیو چارو وزارت کې باخبره سرچینو افغانستان انټرنشنل - پښتو ته د لړم ۳۰مه ویلي، چې د ملا هبت الله له خوا ګوښه شوي د کورنیو چارو وزارت د نشه يي توکو سره د مبارزې معین محمد قاسم خالد غوښتل چې د هغو طالب چارواکو نومونه افشا کړي، چې د نشه یې توکو په پلور او قاچاق کې لاس لري.

د طالبانو په کورنیو چارو وزارت کې باخبره سرچینو ویلي و، چې د یاد وزارت د نشه یي توکو پر وړاندې د مبارزې ګوښه شوی معین محمد قاسم خالد د کورنیو چارو وزارت د اوونۍ د انسجام په غونډه کې ویلي و، چې د هغو طالب چارواکو نوملړ لري، چې د نشه یي توکو په پلور او قاچاق کې لاس لري.

قاسم خالد ویلي و، چې غواړي د هغو طالب چارواکو په اړه په رسمي ډول د طالبانو مشر ملا هبت الله ته معلومات ورکړي.

طالبانو د تېر اکتوبر میاشتې پر ۲۲ مه نېټه د نیمروز پخوانی والي محمد قاسم خالد د یادې ډلې د کورنیو چارو وزارت له نشه يي توکو سره د مبارزې د معین په توګه وټاکه، خو له ۲۸ ورځو وروسته یې له دندې ګوښه کړ او پر ځای یې د یادې ډلې د اصلاحي کمیسیون پخوانی رییس عبدالرحمن منیر په دنده وګوماره.

د طالبانو د کورنیو چارو وزارت د یوې خپرې شوې خبرپاڼې له مخې، د غزني ولایت د څلورمې امنیتي حوزې ځواکونو یې هغه درې کلن ماشوم د تښتونکو له منګولو ژغورلی چې د کابل ښار له پل محمود خان سیمې څخه تېره شپه تښتول شوی و.

خبرپاڼه زیاتوي چې د عملیاتو پر مهال یو تن نیول شوی او لومړني معلومات ښيي چې نیول شوی کس د ماشوم د کورنۍ له نږدې اشخاصو څخه دی. خبرپاڼه زیاتوي، یاد کس غوښتل د ماشوم د خوشي کولو په بدل کې «زیاتې نغدې پیسې» ترلاسه کړي.

یاد وزارت وايي، قضیه لا هم تر څېړنو لاندې ده او نیول شوی تن به د عدلي او قضایي بنسټونو سپارښتنې ته وړاندې شي.

په اعلامیه کې راغلي چې دواړه لوري د افغانستان په اړه د روسیې او هند تر منځ د نږدې همغږۍ هرکلی کوي او د دې همغږۍ په پیاوړتیا کې د «مسکو فورم» رول مهم بولي.

دواړه مشران د نړۍوالو ترهګریزو ډلو پر ضد د روانو هڅو ملاتړ کوي، په تېره د داعش خراسان څانګې او ورسره تړلو نورو ډلو پر ضد د ګډو اقداماتو هرکلی هم کوي. دوی باور څرګند کړی چې په افغانستان کې به د ترهګرۍ پر ضد مبارزه هراړخیزه او اغېزمنه وي.

د روسیې او هند مشرانو پر دې هم ټینګار کړی چې افغان ولس ته باید بې‌درېغه او پر وخت بشري مرستې ورسول شي. ولسمشر پوتین د لیندۍ په ۱۳مه هند ته سفر کړی و او هلته د لومړي وزیر نرېندرا مودي له لوري په تود هرکلي بدرګه شو.

پوتین د خپل سفر نه مخکې په یوه مرکه کې ویلي و چې افغانستان د طالبانو تر واکمنۍ لاندې خپلې ځانګړې ستونزې لري.
خو هغه دا هم ویلي چې طالبان د افغانستان د امنیتي وضعیت کنټرول په لاس کې لري او د ترهګرو ډلو، په ځانګړي ډول د داعش پر ضد اقدامات کوي.