طالبانو په دریو ولایتونو کې د دریو ښځو په ګډون ۹ کسان په دُرو وهلي دي
د طالبانو سترې محکمې ویلي، چې په کابل، سرپل او پکتیکا ولایتونو کې یې درې ښځې او ۷ نارینه د «نامشروع اړیکو، زنا او د قتل پلان جوړولو» په جرم په عام محضر کې په دُرو وهلي دي.
د طالبانو سترې محکمې ویلي، چې په کابل، سرپل او پکتیکا ولایتونو کې یې درې ښځې او ۷ نارینه د «نامشروع اړیکو، زنا او د قتل پلان جوړولو» په جرم په عام محضر کې په دُرو وهلي دي.
یادې محکمې په بېلا بېلو خبرپاڼو کې ویلي، چې یوه ښځه او دوه نارینه یې په کابل کې، دوه ښځې او درې نارینه یې په سرپل کې د “زنا” او د پکتیکا په برمل ولسوالۍ کې یې دوه کسان د قتل د پلان او تخریب کارۍ په جرم په عام محضر کې په دُرو وهلي دي.
طالبانو ویلي، چې یاد کسان یې له ۲۵ څخه تر ۳۹ دُرو هلي او همدارنګه له شپږ میاشتو څخه تر دوه کالو پورې په تنفیذي بند محکوم شوي دي.
