یو اوکرایني چارواکي ویلي، چې د اوکراین سمندري ډرونونو د چهارشنبې په ورځ د تېلو هغه ټانکر په نښه کړی، چې د روسیې د نفتو په قاچاقي سوداګرۍ کې ښکېل و. دغه ټانکر د اوکراین له ځانګړې اقتصادي سیمې تېرېده او د روسیې نووروسیسک بندر ته روان و.
دغه برید په تېرو دوو اوونیو کې پر هغو بېړیو درېیم برید دی، چې د روسیې «سیوري بېړۍ» برخه ګڼل کېږي، هغه بېړۍ چې قانوني ثبت نه لري او د اوکراین په وینا چې مسکو سره مرسته کوي، څو د لوېدیځ د بندیزونو سربېره په لویه کچه نفت صادر کړي او د جګړې د لګښتونو لپاره عواید ترلاسه کړي.
د تورې بحیرې په لور د بېړیو د سفر بیمهيي لګښتونه زیات شوي او بیمهکوونکي هره ورځ خپلې تګلارې بیا ارزوي، ځکه د اوکراین جګړه بحري لارو ته غځېدلې ده.
