د استرالیا «اېبيسي نیوز» شبکې راپور ورکړی، چې د سېډني د وروستۍ پېښې یو بریدګر په ۲۰۱۹کال کې د استرالیا د استخباراتي ادارو لهخوا داعش پورې تړلې ډلې سره د احتمالي اړیکو په تړاو تر څار لاندې و.
په راپور کې د ترهګرۍ ضد ګډې ډلې د یوه لوړ پوړي چارواکي په حواله راغلي، چې د بونډای پېښې د بریدګر په موټر کې د داعش بېرغ هم موندل شوی دی. تر دې وړاندې د نیو ساوت ویلز ایالت د پولیسو مشر ویلي و، چې د استخباراتي معلوماتو پر بنسټ د یوه بریدګرو د تګ راتګ او د موټر چلولو ریکارډونه څېړل شوي دي.
استرالیایي چارواکو ټینګار کړی، چې دغه معلومات د امنیتي ارزونو برخه دي او په اړه تراوسه د عدلي ارګانونو لهخوا وروستۍ پرېکړه نهده اعلان شوې. د استرالیا امنیتي چارواکو ویلي، چې د پېښې په اړه څېړنې لا هم روانې دي او نور معلومات به د پلټنو تر بشپړېدو وروسته له رسنیو سره شریک شي.
