ایلن ماسک په تاریخ کې لومړنی کس شو چې شتمني یې ۷۰۰ میلیارد ډالرو ته ورسېده

د اوکراین ولسمشر ولادیمیر زېلېنسکي د شنبې په ورځ (د لیندۍ ۲۹مه) ویلي، د سولې خبرو اوسنی چوکاټ «د جنګېدو ارزښت» لري.

نوموړي همداراز څرګنده کړې: «که خبرې پایله ورنه‌کړي، نو موږ ټول به پر نورو لارو چارو هم فکر وکړو».

تر دې مخکې د فرانسې ولسمشر ویلي و، که د امریکا په مشرۍ د اوکراین او روسیې تر منځ د سولې هڅې له بندښت سره مخ شي، اروپا اړه ده چې بیا ځلي له مسکو سره مخامخ خبرو ته کېني.

د هندي رسنیو د راپور له‌مخې، نورا فتحي نن په ممبۍ ښار کې د «سنبرن فېسټيوال» ته د ګډون لپاره روانه وه، چې د لارې په اوږدو کې له یوې ټرافیکي پېښې سره مخ شوه. ویل کېږي مقابل لوری موټر چلوونکی د نشې په حالت کې موټر چلاوه.

ډاکټرانو د معایناتو له ترسره کولو وروسته یوازې د سر ضربه تشخیص کړې او ویلي یې دي، چې دومره جدي نه‌ده.

سره له دې چې ډاکټرانو نورا فتحي ته د ارام کولو سپارښتنه کړې، خو هغې ټينګار کړی چې په یاد فېسټيوال کې به هرومرو ګډون کوي او هغه فېسټيوال هم نن شپه ترسره کېدونکی دی.

د یادونې وړ ده، چې دغه ۳۳ کلنه فلمي لوبغاړې په لومړي سر کې د یوې نڅاګرې په توګه راڅرګنده شوه او اوس په ځينو فلمونو کې یې هم کار پیل کړی دی.

د امریکا د کورني امنیت وزیرې کریسټي نوم د شنبې په ورځ (د لیندۍ ۲۹مه) په خپله اېکس‌پاڼه وویل، د امریکا ګډو ځواکونو د تېلو یوه بېړۍ چې په وېنزوېلا کې یې لنګر اچولی و، د دغه هېواد ساحل ته نږدې راګرځولې ده.

هغه زیاتوي: «امریکا به د بندیز لګول شویو تېلو د ناقانونه لېږد پر ضد خپله مبارزه روانه ساتي؛ هغه تېل چې په سیمه کې د نشه‌يي ترهګرۍ د تمویل لپاره کارول کېږي. موږ به تاسو ومومو او موږ به مو ودروو».

ډونالډ ټرمپ د تېرې سې‌شنبې په ماښام (د لیندۍ ۲۵مه) اعلان وکړ، چې امریکا د هغو تېل وړونکو بېړیو «بشپړ او هر اړخیزه محاصره» پیل کړې چې وېنزوېلا ته داخلېږي او یا له دې هېواد څخه وځي او همداراز یې د وېنزوېلا حکومت یې د «بهرنۍ ترهګرې ډلې» په نوملړ کې شامل کړ.

همدا پرون د امریکا د بهرنیو چارو وزیر مارکو روبیو د نیکولاس مادورو د حکومت پر وړاندې د ټرمپ پالیسۍ ته په اشارې سره د وېنزوېلا حکومت «ناقانونه» وباله. مارکو روبیو وویل، وېنزوېلا نه‌یوازې په سیمه کې د سولې لپاره له امریکا سره همکاري نه‌کوي، بلکې «د ترهګرو او جنایتکارو عناصرو لکه حزب‌الله او ایران» سره هم همکاري لري.

اېن‌بي‌سي نیوز د شنبې په ورځ (د لیندۍ ۲۹مه) د یوې باخبره سرچینې او د امریکا د څلورو پخوانیو چارواکو له قوله لیکلي، چې اسراییل د ټرمپ لپاره د ایران د اټومي پروګرام پر وړاندې د بیا برید د انتخابونو په اړه د یوه راپور د وړاندې کولو تیاری نیسي.

د سرچینو په وینا، د اسراییلي چارواکو تر ټولو لویه اندېښنه دا ده چې تهران ښايي د هغو اټومي غني‌سازۍ تاسیساتو د بیا رغونې کار پیل کړی وي، چې د ۱۲ورځنۍ جګړې پر مهال د امریکا د هوايي بریدونو هدف ګرځېدلي وو.

خو هغوی وایي، په اوسنیو شرایطو کې د ایران هڅې د بالستیک توغندیو د تولید د مرکزونو د بیا جوړولو او د هوايي دفاعي سیستمونو د ترمیم لپاره چې سخت زیانمن شوي دي، لا ډېرې اندېښمنوونکې دي.

تمه کېږي، چې د امریکا ولسمشر او د اسراییل لومړی وزیر د روانې میلادي میاشتې په پای کې د فلوریډا په ایالت کې د ټرمپ په مارالاګو ماڼۍ کې سره وویني.

د باخبره سرچینو په وینا، نتنیاهو به په دې لیدنه کې دا دریځ وړاندې کړي چې د ایران د توغندیو پروګرام پراختیا یو جدي ګواښ دی، چې ښايي «بېړني اقدام» ته اړتیا ولري.

اېن‌بي‌سي نیوز زیاته کړې: «د هغه د دلایلو یوه برخه به دا وي، چې د تهران اقدامات نه یوازې اسراییل، بلکې ټوله سیمه او د امریکا ګټې هم له ګواښ سره مخ کوي».

د هغه په وینا، د غونډې ګډونوالو په نږدې راتلونکي کې د غزې لپاره د انتقالي حکومت په توګه د «سولې شورا» د جوړولو او د هغې د کار د پیل ملاتړ کړی دی.

ویټکاف د شنبې په ورځ (د لیندۍ ۲۹مه) د دغو څلورو هېوادونو ګډه اعلامیه په خپله اېکس‌پاڼه خپره کړه او لیکلي یې دي، چې دا ناسته د لیندۍ ۲۸مه د فلوریډا ایالت د میامي په ښار کې شوې ده.

په دې ناسته کې د قطر لومړی وزیر محمد بن عبدالرحمان ال‌ثاني، د ترکیې د بهرنیو چارو وزیر هاکان فیډان، د مصر د بهرنیو چارو وزیر بدر عبدالعاطي او سټیو ویټکاف ګډون درلود.

د دې اعلامیې له‌مخې، د اوربند لومړۍ مرحله له «څرګندو پرمختګونو» سره مل وه، چې پکې غزې ته د بشري مرستو زیاتېدل، د اسراییل یرغمل شویو جسدونو بېرته ورکول، د ځواکونو محدود شاتګ او د جګړو کمېدل شامل دي. غزه کې باید یو حکومتي بنسټ جوړ شي، چې د ولسي خلکو ساتنه وکړي او عام نظم ټینګ کړي.