د سوډان په یوه بازار د بې‌پیلوټه الوتکې په برید کې ۱۰ کسان وژل شوي

سټیو وېټکاف د یکشنبې په ماښام (د لېندۍ ۳۰مه) د کرېملین د ځانګړي استازي سره د خبرو اترو د وروستي پړاو په اړه یو لنډ راپور وړاندې کړ، هغه وویل: «روسیه د اوکراین د شخړې د حل او د نړۍوال امنیت د بېرته راګرځولو لپاره د متحده ایالاتو هڅې او ملاتړ مهم ګڼي.»

نوموړي، د امریکا د ولسمشر ډونالډ ټرمپ لوړ پوړي سلاکار او زوم جیرډ کوشنر سره یوځای د شنبې او یکشنبې په ورځ (د لېندۍ په ۲۹مه او ۳۰مه) په فلوریډا کې د کرېملین له ځانګړي استازي سره ولیدل.

د روسیې له استازو سره د خبرو اترو سربېره؛ دغه لوړ پوړو امریکایي مذاکره‌کوونکو د اوکراین له یوه پلاوي سره هم جلا ناستې لرلې.

دغې ادارې د یکشنبې په ورځ (د لیندۍ ۳۰مه) د یوې خبرپاڼې په خپرولو سره ویلي، چې له یاد شمېر کورنیو څخه ۱۴۸ کورنیو ته د حفظ‌الصحې او ۳۷ کورنیو ته د انساني کرامت بستې ورکړل شوې دي.
د طالبانو تر واک لاندې د افغاني سرې میاشتې اداره وايي، چې د دغو مرستو موخه د راستنېدونکو کورنیو د روغتیایي ستونزو مخنیوی دی.

که څه هم په خبرپاڼه کې د یاد شمېر کورنیو په اړه دا نه دي ویل شوي چې دوی له کومو هېوادونو ستانه شوي، خو په دې وروستیو په ځانګړې توګه د ژمي په درشل کې له ایران او پاکستان څخه زرګونه افغانان په جبري ډول خپل هېواد ته ستانه شوي دي. دغه راستانه شوي کډوال د ژوند د بنسټیزو اړتیاوو لکه خوراک، سرپناه او روغتیا په برخه کې له جدي ستونزو سره مخ دي.

د یادونې وړ ده، چې طالبان او نړۍوالې ادارې له راستنېدونکو افغانانو سره د بنسټیزو مرستو په ترسره کولو کې پاتې راغلي دي.

خالد بن سلمان د یکشنبې په ماخوستن (د لیندۍ ۳۰مه) په خپله اېکس‌پاڼه په دې تړاو وویل: «دغه مډال د ګډو همکاریو د پیاوړتیا او د سعودي ـ پاکستان اړیکو د پرمختګ لپاره د هغه [عاصم منیر] د ارزښتناکو هڅو د ستاینې په موخه ورکړل شوی دی».

سعودي عربستان او پاکستان د روان کال په وږي میاشت کې په ریاض کې ستراتیژيک دفاعي تړون لاسلیک کړ او د پاکستان د بهرنیو چارو وزارت په هغه وخت کې (د وږي په ۲۸مه) وویل، دغه تړون د دواړو هېوادونو امنیت تضمینوي او پر بنسټ یې پر یو له دغو هېوادونو برید پر بل هېواد برید ګڼل کېږي.

خالد بن سلمان وايي، په دې کتنه کې یې د سعودي عربستان او پاکستان تر منځ تاریخي اړیکې او د دواړو هېوادونو تر منځ د دفاعي برخې ستراتیژیکه همکاري هم ارزولې ده.

ویل کېږي، په دې کتنه کې د نړۍوال امنیت او سولې د ټینګښت د هڅو او نورو ورته مسایلو هم خبرې شوې دي.

د کابل- جلال‌اباد پر لویه لاره د ورېښمین تنګي په سیمه کې د بکسه او کرولا موټرو د ټکر له امله ۶ کسان سخت ټپيان شوي او یو شمېر نور برسېرن ژوبل شوي دي.

د طالبانو د ۳۱۳ مرکزي قول اردو د یکشنبې په ورځ د یوې خبرپاڼې په خپرولو سره ویلي، د ځينو ټپیانو درملنه ځای پر ځای شوې او پاتې نور یې د ښې درملنې لپاره د سروبي ولسوالۍ ملکي روغتون ته لېږدول شوي دي.

په لویو لارو کې د موټر چلوونکو بې‌احتیاطي او ډېر ګړندی تګ د دغه ډول پېښو د رامنځته کېدو اصلي لاملونه ګڼل کېږي.

د دې جنګي بېړۍ د سپارلو په مراسمو کې د ترکیې ولسمشر رجب طیب اردوغان او د پاکستان د بحري ځواکونو قومندان نوید اشرف ګډون کړی و.

د خپرو شویو معلوماتو له مخې، د «میلګم کلاس» بېړۍ د پاکستان د بحري ځواکونو تر ټولو پرمختللې بېړۍ ګڼل کېږي، چې د قوماندې او کنټرول عصري سیستمونه، پرمختللي وسلې او حسګرونهلري.

د یادو څلورو میلګم کلاس بېړیو د جوړولو تړون په ۲۰۱۸ کال کې د پاکستان د دفاعي تولیداتو وزارت او د ترکیې د «اسفت» شرکت ترمنځ لاسلیک شوی و. د تړون له مخې، دوه بېړۍ په ترکیه او دوه نورې په پاکستان کې جوړېږي.