ترکیې دویمه میلګم کلاس جنګي بېړۍ «پي‌اېن‌اېس خیبر» پاکستان ته وسپارله

د روسیې د ولسمشر ویاند دیمیتري پېسکوف د یکشنبې په ورځ د دولتي خبري اژانس «ریا نووستي» سره په مرکه کې ویلي، پوتین «له مکرون سره د خبرو لپاره خپله لېوالتیا څرګنده کړې ده».

پېسکوف زیاته کړې: «که متقابل سیاسي اراده موجوده وي، نو دا به یو مثبت ګام وي.»

دا څرګندونې وروسته له هغې کېږي، چې د فرانسې ولسمشر اېمانوېل مکرون په دې اوونۍ کې وویل، اروپا باید د اوکراین د جګړې د پای ته رسولو لپاره له پوتین سره بیا اړیکه ټینګه کړي.

د کډوالو د مړینې تازه راپورونه ښيي، چې مخکې شاوخوا ۳۰ مړي راپور شوي وو، خو د سرحدي سیمو د څېړنو او د افغانستان او ایران د د مړو سړخونو د کتنو وروسته شمېر د ۴۰څخه اوښتی دی.

سرچینې وایي، د پېښو زیاتره قربانیان په سخته یخنۍ کې د ایران پر لور د غیر قانوني تګ هڅو کولو پر مهال مړه شوي دي.

راپورونه وایي، ځینې مړي د هرات ولایت کوه‌سان او ادرسکن ولسوالیو ته د کورنیو او محلي ادارو په هڅو انتقال شوي دي.

دا پېښه د افغان کډوالو د سختو شرایطو او د غیر قانوني تګ د خطرونو بیلګه بلل کېږي، چې د ژمي په موسم کې هېواد پرېږدي.

د دغه وزارت په خبرپاڼه کې راغلي، د کابل امنیه قوماندانۍ د څلورمې حوزې پولیسو د همدې حوزې په مربوطاتو کې ۳۳ زره د «زیکپ» په نوم نشه‌يي ګولۍ نیولي دي.

په خبرپاڼه کې راغلي، چې دغه نشه‌يي توکي د پولیسو د کشفي عملیاتو پر مهال موندل شوي او په تړاو یې یو کس هم د امنیتي ځواکونو له‌خوا نیول شوی دی.

د کورنیو چارو وزارت زیاته کړې، چې د نشه‌يي توکو د قاچاق او وېش پر ضد مبارزه به دوام ولري او نیول شوی کس به د قانوني څېړنو وروسته عدلي ارګانونو ته وسپاري.

د فلوریډا په میامي ښار کې د روسیې ځانګړي استازي کیریل دمیټریېف او د امریکا ځانګړي استازي سټیف ویتکوف د اوکراین د جګړې د ختمولو لپاره خبرې وکړې.

د روسي استازي په وینا، خبرې رغنده وې او د سبا لپاره هم دوام لري.

اوکراین د امریکا وړاندیز ملاتړ کړی چې درې اړخیزې خبرې د بندیانو د تبادلې او د دواړو هېوادنو د ولسمشرانو د لیدنو لپاره زمینه برابره کړي.

خو د روسیې حکومت لاهم له نرمښت څخه ډډه کوي او په خپلو غوښتنو ټینګار کوي.

د اوکراین لوړپوړي مذاکره کوونکي روستم عمرېوف وویل، امریکا او اروپایي ټیمونه د ګډو هڅو د دوام پر سر موافقه کړې، او د خبرو نتیجه یې ولسمشر زیلنسکي ته وړاندې کړې ده.

بل پلو مارکو روبیو، د امریکا ملي امنیت سلاکار، وویل چې د کال تر پایه به هڅه وشي څو د دواړو لوریو تر منځ د سولې یوه موافقه رامنځته شي.

د راپورونو له مخې، دغه مسافر کې کابل ته یې پراوز درلود، هر یو یې شاوخوا ۵۸ زره پاکستانۍ کلدارې مالي زیان لیدلی.

پاکستاني خبریال طاهر خان هم د افغان مسافرو له قوله لیکلي چې د اسلام‌اباد په هوايي ډګر کې دوی ته، سره له دې چې قانوني ویزې یې لرلې، د سفر اجازه نه ده ورکړل شوې.

دغه پاکستاني خبریال نن یکشنبه(د لیندۍ ۳۰مه)،په خپل ایکس پاڼه لیکلي چې نن لږ تر لږه ۳۲ افغان مسافر چې د کام‌ایر الوتکې له لارې له اسلام‌اباد نه کابل ته د تګ په حال کې وو، د پاکستان د کډوالۍ ادارې کارکوونکو لخوا اجازه ورنکړل شوه چې الوتکې ته پورته شي. په داسې حال کې چې دغومسافرو قانوني ویزې او د سفر بشپړ اسناد لرل.

طاهر خان په خپل پوسټ کې د پاکستان د کورنیو چارو وزیر محسن نقوي او د فدرالي ادارې (FIA) حسابونه هم منشن کړي او غوښتنه یې کړې، چې دا موضوع دې وڅېړل شي.

دا ستونزې په داسې حال کې راپورته کېږي، چې دا مهال د افغانستان او پاکستان ځمکنۍ لارې تړلې دي او افغانان یوازې له هوایي لارې، د سختو شرایطو، لوړو لګښتونو او محدودیتونو سره، تګ راتګ کولی شي.